ဓာတ်သတ္တု(ရွှေ)ရောင်းဝယ်ခြင်းဝန်ဆောင်မှု လုပ်ငန်းလိုင်စင် ယခုလအတွင်း လျှောက်ထားရမည်
ရန်ကုန်တိုင်းဒေသကြီးအတွင်းရှိ ရွှေဆိုင်များအားလုံး ဓာတ် သတ္တု(ရွှေ)ရောင်းဝယ်ခြင်းဝန်ဆောင်မှု လုပ်ငန်းလိုင်စင်ကို ယခုလအတွင်း လျှောက်ထားရမည်ဖြစ်ကြောင်း ရန်ကုန်တိုင်းရွှေလုပ်ငန်းရှင်များအသင်းမှ သိရသည်။
လူပုဂ္ဂိုလ်အနေဖြင့် လျှောက်ထားပါက လုပ်ငန်းလိုင်စင်လျှောက်ထားသူ၏ လိုင်စင် ဓာတ်ပုံ(၂)ပုံ၊ နိုင်ငံသားစိစစ်ရေးကတ်မိတ္တူ၊ ကိုယ်ရေးအချက်အလက် တင်ပြရမည်ဖြစ်ကြောင်း သိရသည်။
အလားတူ ကုမ္ပဏီအမည်ဖြင့် လျှောက်ထားပါက မြန်မာနိုင်ငံကုမ္ပဏီများ ဥပဒေနှင့်အညီ မှတ်ပုံတင်ထားသော ကုမ္ပဏီမှတ်ပုံတင်လက်မှတ်၊ ကုမ္ပဏီ၏အချက်အလက်များ (Company Extract)၊ လက်မှတ်ရေးထိုးမှုပါဝင်သည့် ကုမ္ပဏီဒါရို က်တာ အဖွဲ့ဝင်များစာရင်းနှင့် ၎င်းတို့၏ နိုင်ငံသားစိစစ်ရေးကတ်မိတ္တူ၊ သက်ဆိုင်ရာလျှောက်လွှာပုံစံပါ လုပ်ငန်းပမာ ဏ၏ (၂၅) ရာခိုင်နှုန်းကို လုပ်ငန်းအတွက် ရင်းနှီးမြှုပ်နှံငွေရှိရန်နှင့် ယင်းငွေရှိကြောင်း ဘဏ်စာရင်းရှင်းတမ်း(Bank Statement)၊ တစ်လအတွင်း အများဆုံးရွှေရောင်းဝယ်မှု ပြုလုပ်နိုင်သည့်ပမာဏ (ပိဿာ၊ ကျပ်သား သို့မဟုတ် ဂရ မ်၊ ထရိုင်အောင်စ)ဖြင့် ဖော်ပြပေးရမည်ဖြစ်ပြီး သက်ဆိုင် ရာမြို့နယ်အထွေထွေအုပ်ချုပ်ရေးမှူးဦးစီးဌာန၏ ကန့်ကွ က်ရန်မရှိကြောင်း ထောက်ခံချက်၊ သက်ဆိုင်ရာမြို့နယ်ရဲ တပ်ဖွဲ့၏ ပြစ်မှုကင်းရှင်းကြောင်း ထောက်ခံချက်၊ သက်ဆို င်ရာရွှေလုပ်ငန်းရှင်များအသင်းများ၏ အသင်းဝင်မှန်ကန်ကြောင်း ထောက်ခံချက်၊ လျှောက်လွှာတွင်ဖြည့်သွင်းသည့် လက်ရှိနေရပ်လိပ်စာတွင် အမှန်တကယ် နေထိုင်လျက်ရှိကြောင်း သက်ဆိုင်ရာရပ်ကွက် သို့မဟုတ် ကျေးရွာအုပ်စုအုပ်ချုပ်ရေးမှူးရုံး၏ ထောက်ခံချက်များကိုပါ ထည့်သွင်းဖော်ပြရမည်ဖြစ်ကြောင်း သိရသည်။
ထို့ပြင် ပြည်တွင်းအခွန်များဦးစီးဌာနက ထုတ်ပေးထားသည့် အခွန်ကင်းရှင်းကြောင်း ထောက်ခံချက်၊ သက်ဆိုင်ရာစည်ပင်သာယာရေးအဖွဲ့၏ လုပ်ငန်းလိုင်စင်(ရှိလျှင်)၊ ဓာတ် သတ္တု(ရွှေ)ရောင်းဝယ်ခြင်း ဝန်ဆောင်မှုလုပ်ငန်းနှင့် စပ်လျ ဉ်း၍ ထုတ်ပြန်သည့် အမိန့်ကြော်ငြာစာ၊ အမိန့်နှင့်ညွှန်ကြား ချက်များကို တိကျစွာလိုက်နာမည်ဖြစ်ကြောင်း ကာယကံရှ င်၏ ဝန်ခံကတိပြုချက်တို့ပါဝင်ရမည်ဖြစ်ကြောင်း သိရသည်။
ဖော်ပြပါ အချက်အလက်များ ပြည့်စုံသူများအနေဖြင့် ယခု နိုဝင်ဘာလ (၁၈)ရက်မှစတင် လျှောက်ထားရမည်ဖြစ်ပြီး လိုင်စင်လျှောက်ထားခြင်းကာလမှာ စတင်လျှောက်သည့်နေ့မှ (၃)လအတွင်း ဖြစ်ကြောင်း အသိပေးကြေညာထားသည်။
