အစိုးရလုပ်ငန်းများတွင်ကျယ်ရေးဌာနသစ်ကိုအီလွန်မတ်စ်ဦးဆောင်မည်
ဝါရှင်တန်၊နိုဝင်ဘာ ၁၃
အမေရိကန်ရွေးကောက်ခံသမ္မတဒေါ်နယ်ထရမ့်ပ်သည် စွမ်းဆောင်ရည် ပိုမိုကောင်းမွန်သော အစိုးရတစ်ဖြစ်ေစရန်ရည်ရွယ်လျက် ကမ္ဘာ့အချမ်းသာဆုံးပုဂ္ဂိုလ် အီလွန်မတ်စ်ကို အစိုးရလုပ်ငန်းများတွင်ကျယ်ရေးဌာနကို အသစ်ထူထောင်၍ အဆိုပါဌာနကို သူ့ကို ဦးဆောင်စေခဲ့သည်။
မတ်စ်နှင့် ယခင်ရီပတ်ဘလစ်ကန် သမ္မတလောင်းဗီဗက်ရာမာဆွာမိတို့သည် အစိုးရပြင်ပ၌လုပ်ဆောင်မည့် အဖွဲ့အစည်းတစ်ခုဖြစ်သည့် အသစ်ဖွဲ့စည်းထလိုက်သောအစိုးရဌာနကို ပူးတွဲဦးဆောင်မည်ဖြစ်ကြောင်းသိရသည်။
"မတ်စ်နဲ့ရာမာဆွာမိတို့က အစိုးရရဲ့ ရှုပ်ထွေးပြီးအရာမရောက်တဲ့စည်းမျဉ်းနဲ့နည်းလမ်းတွေ၊အပိုဖြစ်နေတဲ့လုပ်ထုံးလုပ်နည်းတွေနဲ့ အပိုကုန်ကျစရိတ်တွေကိုပြင်ဆင်ဖို့ အစိုးရပြင်ပကနေဆောင်ရွက်သွားမှာဖြစ်ပြီး ဖက်ဒရယ်အေဂျင်စီတွေကို ပြန်လည်ဖွဲ့စည်းပါလိမ့်မယ်" ဟုလည်း ထရမ့်ပ်ကဆိုသည်။
မတ်စ်နှင့်ရာမာဆာမီတို့၏ အခန်းကဏ္ဍသည် အလွတ်သဘောဖြစ်သဖြင့် အထက်လွှတ်တော်ဆုံးဖြတ်ချက်ကိုခံယူစရာမလိုဘဲ မတ်စ်အနေဖြင့် ပုံမှန်အတိုင်း ၎င်း၏လုပ်ငန်းများဖြစ်သည့် တယ်လ်ဆာကားကုမ္ပဏီ၊လူမှုကွန်ရက် X နှင့် Space X တို့ကိုလည်း ပုံမှန်အတိုင်းဆက်ဦးစီးနိုင်မည်ဖြစ်သည်။
ထရမ့်ပ်က မတ်စ်နှင့်ရာမာဆာမီတို့၏ဌာနသစ်သည် ကာလရှည်ကြာကတည်းက မျှော်မှန်းခဲ့သော ရီပတ်ဘလစ်ကန်ပါတီ၏အိပ်မက်များကို အကောင်အထည်ဖော်ပြီး အစိုးရပြင်ပမှ အကြံဉာဏ်နှင့်လမ်းညွှန်မှုများပေးသွားမည့်အနေအထားဖြစ်သည်ဟုဆိုခဲ့သည်။
