ရွှေလီမြို့တွင် နိုင်ငံခြားသားဝန်ထမ်းများအတွက် "ပေါက်ဖော်ချစ်ကြည်ရေးအာမခံ”အစီအစဥ်မိတ်ဆက်
မြန်မာ-တရုတ်နယ်စပ် တရုတ်နိုင်ငံအပိုင် ယူနန်ပြည်နယ်၊ ရွှေလီမြို့တွင်အလုပ်လုပ်ကိုင်နေသည့် နိုင်ငံခြားသားဝန်ထမ်းများအတွက် "ပေါက်ဖော်ချစ်ကြည်ရေးအာမခံ”အစီအစဥ်ကို မိတ်ဆက်ခဲ့ကြောင်း မြန်မာနိုင်ငံဆိုင်ရာ တရုတ်သံရုံးက အသိပေးခဲ့သည်။
ယင်း အစီအစဥ်အား ရွှေလီမြို့ ဒေသန္တရအစိုးရနှင့်ကုမ္ပဏီများညှိနှိုင်း၍ အာမခံကုမ္ပဏီများက နိုင်ငံခြားသားဝန်ထမ်းများအတွက် သီးသန့်ဒီ ဇိုင်းရေးဆွဲထားခြင်းဖြစ်ပြီး အာမခံ၌ ဆေးရုံတွင်ဆေးကုသမှုခံယူခြင်း၊ မတော်တဆဒဏ်ရာရခြင်းတို့အတွက် ပေးလျော်သွားမည်ဖြစ်ကြောင်း သိရသည်။
ထို့အတူ တယ်ဟုန်ပြည်နယ်ခွဲ၏ အာမခံလုပ်ငန်းအဖွဲ့မှလည်း ရွှေလီမြို့တွင် နိုင်ငံခြားသားဝန် ထမ်းများအတွက် အာမခံအကြောင်းအရာစုံစမ်းရန်ဝန်ဆောင်မှုစင်တာကိုဖွင့်လှစ်ခဲ့ပြီး စင်တာတွင်အာမခံနှင့်ပတ်သက်သည့် အကြောင်းအရာများကို ဘာသာစကားမျိုးစုံဖြင့်စုံစမ်းနိုင်ကာ အာမခံအသိပညာပေးဟောပြောပွဲနှင့် မိတ်ဆက် ပွဲများကိုလည်း ပုံမှန်ကျင်းပသွားမည်ဖြစ် ကြောင်း သိရသည်။
