အာဆီယံနိုင်ငံတွေရဲ့ တပ်မတော် (ကြည်း) သေနတ်ပစ်ပြိုင်ပွဲရဲ့ ပစ္စတိုသေနတ်ပစ်မှာ မြန်မာ့တပ်မတော်က အမျိုးသမီး အသင်းဝင်ရောက်ယှဉ်ပြိုင်မည်
နိုဝင်ဘာ ၁၃
အာဆီယံနိုင်ငံတွေရဲ့ တပ်မတော် (ကြည်း) သေနတ်ပစ်ပြိုင်ပွဲမှာ မြန်မာ့တပ်မတော်က ပစ္စတို သေနတ်ပစ် အမျိုးသမီး အသင်း အပါအ၀င် အသင်း (၅) သင်းက ဝင်ရောက်ယှဉ်ပြိင်သွားမယ်လို့ သိရပါတယ်။
(၃၂) ကြိမ်မြောက် ပြိုင်ပွဲဖြစ်ပြီး မြန်မာ့တပ်မတော်က ရိုင်ဖယ်အသင်း၊ ကာဘိုင်အသင်း၊ စက်သေနတ် အသင်း၊ ပစ္စတိုအမျိုးသားအသင်းနဲ့ ပစ္စတိုအမျိုးသမီး အသင်းတို့ က ဝင်ရောက်ယှဉ်ပြိုင်သွားမှာပဲ ဖြစ်ပါတယ်။
ပြိုင်ပွဲဝင်ဖို့အတွက် အုပ်ချုပ်သူ၊ နည်းပြ နဲ့ သေနတ်ပစ် အားကစားသမား ၄၂ ဦးတို့ဟာ နိုဝင်ဘာ ၁၂ ရက်နေ့က ဖိလစ်ပိုင်နိုင်ငံကို ထွက်ခွာသွားခဲ့ပြီးဖြစ်ပါတယ်။
ပြိုင်ပွဲကို အာဆီယံ (၁၀)နိုင်ငံက သေနတ်ပစ်အသင်းတွေနဲ့ နိုဝင်ဘာ ၁၂ ရက်နေ့ကနေ ၂၃ ရက်နေ့အထိ ကျင်းပသွားမှာ ဖြစ်တယ်လို့ သိရပါတယ်။
Source - CINCDS
#သတင်းဟင်းလေးအိုးကြီး
