တရုတ်ဒရုန်းကို အစားထိုးမယ့် ဒရုန်းတွေ ယူကရိန်းကုမ္ပဏီတွေ စမ်းသပ်ပျံသန်းနေ
နိုဝင်ဘာ ၁၃၊ နိုင်ငံတကာ။
ယူကရိန်းဒရုန်းထုတ်လုပ်ရေး ကုမ္ပဏီတွေဟာ ယူကရိန်းတပ်မတော်အတွက် တရုတ်ထုတ် Mavic တွေကို အ စားထိုးဖို့ ဒရုန်းအသစ်တွေထုတ်လုပ်ပြီး စမ်းသပ်ပျံသန်းခဲ့ပါတယ်။
ဒရုန်းအမျိုးမျိုးထုတ်လုပ်နေတဲ့ ယူကရိန်းဒရုန်းကုမ္ပဏီ ၈ ခုဟာ တရုတ်ဒရုန်း DJI Mavic နဲ့ ဆင်တူတဲ့ ဒရုန်း တွေကို မဟာဗျူဟာစက်မှုဝန်ကြီးဌာနအစီအစဉ်နဲ့ စမ်းသပ်ပျံသန်းခဲ့တာဖြစ်ပါတယ်။
အဖွဲ့ ၆ ဖွဲ့ဟာ ၆.၂ မိုင် (၁၀ ကီလိုမီတာ) အကွာအဝေးမှာရှိတဲ့ ပစ်မှတ်တစ်ခုကို အမြင့်ပေ ၈၂၀ (မီတာ ၂၅၀) ကနေ သွားရောက်ရှာဖွေတဲ့ ဒရုန်း လေ့ကျင့်ပျံသန်းမှုကို ဆောင်ရွက်ခဲ့တာဖြစ်ပါတယ်။
ဒရုန်းတွေရဲ့ အရည်အသွေး၊ သွင်ပြင်လက္ခဏာနဲ့ ထုတ်လုပ်မှုစွမ်းရည်တွေကိုတော့ စစ်ဦးစီးဌာန၊ မောင်းသူမဲ့ လေယာဉ်တပ်ဖွဲ့ဌာနချုပ်၊ လော်ဂျစ်စတစ်တပ်ဖွဲ့ဌာနချုပ်၊ အစိုးရပစ္စည်းဝယ်ယူရေးအဖွဲ့များနဲ့ တပ်မတော်တပ်ဖွဲ့ ဝင်များက ဆန်းစစ်လေ့လာအကဲဖြတ်ခဲ့ကြပါတယ်။
ယူကရိန်းတပ်မတော်ရဲ့ လိုအပ်ချက်တွေကို အကောင်းဆုံးဖြည့်ဆည်းပေးသွားနိုင်တဲ့ ဒရုန်းတွေကို ဝယ်ယူသွား မှာဖြစ်ပါတယ်။
“အခုလို ဒရုန်းမျိုးကို ယူကရိန်းနိုင်ငံထဲမှာ ထုတ်လုပ်နိုင်ခဲ့တဲ့အတွက် ယူကရိန်းဒရုန်းထုတ်လုပ်ရေး ကုမ္ပဏီတွေ ကို ကျေးဇူးတင်ပါတယ်။ ကုန်ကျစရိတ်မများဘဲ အလုပ်ဖြစ်ပြီး အလွယ်တကူ မောင်းနှင်နိုင်တဲ့ ဒရုန်းတွေဖြစ်ပါ တယ်။” လို့ မဟာဗျူဟာစက်မှုဝန်ကြီး ဟာမန်စမစ်တာညင်က တယ်လီဂရမ်မှာ ရေးသားခဲ့ပါတယ်။
“အရေးအကြီးဆုံးကတော့ အဲဒီဒရုန်းတွေကို ပြည်တွင်းမှာပဲထုတ်လုပ်ခဲ့တာဖြစ်ပါတယ်။ ပထမအချက်က ပြည်ပ နိုင်ငံတွေကို မှီခိုနေရတာကို ပိုပြီးလျှော့ချနိုင်တယ်။ ဒုတိယအချက်က ကုန်ကျငွေတွေကို ကိုယ့်နိုင်ငံအတွင်းမှာပဲ သုံးစွဲနိုင်တာဖြစ်ပါတယ်။” လို့ ၎င်းက ပြောပါတယ်။
ရုရှားနဲ့ ဖြစ်ပွားနေတဲ့စစ်ပွဲမှာ မိမိဘက်က အသာစီးရဖို့အတွက် ၂၀၂၄ ခုနှစ် မကုန်ခင် ယူကရိန်းနိုင်ငံမှာ တစ် နှစ်ကို ဒရုန်းအစင်းရေ တစ်သန်း ထုတ်လုပ်နိုင်ဖို့ စီစဉ်နေကြောင်း ပြီးခဲ့တဲ့နှစ်က ယူကရိန်းသမ္မတဗလာဒီမာ ဇီ လန်စကီးက ပြောကြားခဲ့ပါတယ်။
လက်ရှိထုတ်လုပ်မှုဟာ ယူကရိန်းနိုင်ငံတွင်း ဒရုန်းတွေ အစုလိုက်အပြုံလိုက်ထုတ်လုပ်ဖို့အတွက် အထောက်အ ပံတစ်ရပ်ဖြစ်ပါတယ်။
Ref: Ukraine Tests Domestic Drones to Replace Chinese Mavics
#သတင်းဟင်းလေးအိုးကြီး
