#ထရမ့်ရဲ့ကာကွယ်‌ရေးဝန်ကြီးနဲ့အမိမြေလုံခြုံရေးဝန်ကြီး
-----------------
Pete Hegseth ကို နောက်လာမည့် ကာကွယ်ရေးဝန်ကြီးလို့ ထရမ့်က ကြေညာလို့ ဂယက်ရိုက်သွားတယ်။
Hegseth က စစ်မှုထမ်းဟောင်းတစ်ဦးဖြစ်ပေမယ့် Fox News ရဲ့ အစီအစဉ်တင်ဆက်သူ။ ထရမ့်ဘက်တော်သား ရှေးရိုးစွဲမီဒီယာကြီးရဲ့ အစီအစဉ်မှူးကို ကာကွယ်ရေးဝန်ကြီးခန့်မယ်ဆိုတော့ အရင်ထရမ့် ခန့်ခဲတဲ့ ဗိုလ်ချုပ်ကြီးဟောင်းတွေက ပြောသမျှမနာခံလို့ နာခံမယ့်သူ ရွေးတာများလား။
Hegseth က အစောင့်တပ်ထဲ အရာရှိငယ်ဘဝနဲ့ တပ်စုမှူးလောက်ပဲ စစ်မှုထမ်းခဲ့တာ၊ အီရတ်တို့ဘာတို့ တာဝန်ကျဖူးတယ်၊ အာဖဂန်မှာ နည်းပြလုပ်ဖူးတယ်၊ အရန်တပ်ဗိုလ်မှူးဘဝနဲ့ တပ်ကထွက် သတင်းလောကထဲ ရောက်နေတာ။ စစ်မှုထမ်းဟောင်းတွေအတွက် ထောက်ခံအားပေးရေးအဖွဲ့တွေ ခေါင်း‌ေ ဆာင်ခဲ့ပေမယ့် Minnesota မှာ အထက်လွှတ်တော်အမတ် ဝင်ရွေးတော့ မရခဲ့။
...
အမိမြေလုံခြုံရေးဌာနကို ဦးဆောင်ဖို့တော့ South Dakota ပြည်နယ်အုပ်ချုပ်ရေးမှူး အမျိုးသမီး Kristi Noem ကို ခန့်မယ်တဲ့။ Noem က နွေရာသီတုန်းက အလားအလာရှိ ဒုတိယသမ္မတလောင်းလို့ နာမည်ကြီးဖူးတယ်။ ထရမ့်ကိုယ်စား အပြင်းအထန်မဲဆွယ်ခဲ့သူ။
အခုနှစ်အစောပိုင်းက သူ့ အမှတ်တရမှတ်တမ်းမှာ လေ့ကျင့်မရဘဲ အန္တရာယ်ကြီးလို့ မွေးထားတဲ့ခွေးကို ကိုယ်တိုင် သေနတ်နဲ့ပစ်သတ်ခဲ့တယ်ပြောတာ ထပ်တန်းသတင်း ဖြစ်ဖူးတယ်။
Credit