ရိုးရာဖိုက်တာ ထွန်းမင်းအောင်နှင့် ဘရာဇီးဖိုက်တာ ပွဲပျက်
နိုဝင်ဘာ ၁၃
ယခုလ နိုဝင်ဘာ (၂၂)ရက်တွင် ပြုလုပ်မည့် ONE Friday Fights ပွဲစဉ်အတွင်း ယှဉ်ပြိုင်ထိုးသ-တ်ရမည့် ရိုးရာဖိုက်တာ ထွန်းမင်းအောင်နှင့် ဘရာဇီးဖိုက်တာတို့၏ ပွဲပျက်ခဲ့ပြီး ထွန်းမင်းအောင်အနေဖြင့် အခြားဖိုက်တာတစ်ဦးဖြင့် အစား ထိုးယှဉ်ပြိုင်ထိုးသ-တ်ရမည်ဖြစ်ကြောင်း ရိုးရာလက်ဝှေ့နှင့် နီးစပ်သူတစ်ဦးထံက သိရသည်။
ဘရာဇီးဖိုက်တာဘက်မှ ပွဲပျက်ခဲ့ရသော်လည်း ၎င်း၏ နေရာအစားအခြား ဖိုက်တာတစ်ဦးနှင့် ထွန်းမင်းအောင် ယှဉ်ပြိုင်ထိုးသ-တ်သွားရမည်ဖြစ်သည်။
"ဒါမျိုးက ဖြစ်တတ်တာပဲ။ ကစားသမားမှာလည်း သူ့အကြောင်းကိစ္စသူရှိမှာပေါ့။ ONE ဘက်ကတော့ အစားထိုးကစားသမား စိစစ်ပြီး ရွေးထုတ်ပေးသွားမယ်ထင်ပါတယ်။ ဘယ်သူဖြစ်မလဲဆိုတာတော့ မသိရသေးဘူးပေါ့"ဟု ၎င်းက ဆိုသည်။
ထွန်းမင်းအောင်သည် နိုဝင်ဘာ (၄)ရက် ညနေပိုင်းအချိန်၌ ထိုင်းနိုင်ငံရှိ Look -suan Muay Tai Club ၌ လေ့ကျင့်ရန် ထွက်ခွာခဲ့ပြီး လက်ရှိတွင် အကိုဖြစ်သူ ထွန်းမင်းနိုင်(ခ)စူလမန်နှင့်အတူ လေ့ကျင့်ရန် ပြင်ဆင်လျှက်ရှိသည်။
" ဘယ်သူဖြစ်စေချင်လဲ"ဟု ထွန်းမင်းအောင်ကလည်း သူ၏ လူမှုကွန်ရက်မှတဆင့် မျှဝေထားသည်။
Credit - Popular News Jouranl
#သတင်းဟင်းလေးအိုးကြီး
