တောင်ကြီးတန်ဆောင်တိုင်ပွဲတော်ဖွင့်ပွဲ မြင်ကွင်းများ

နိုဝင်ဘာ ၁၂၊ တောင်ကြီး
ဓာတ်ပုံ - Lin(TGI)

ရှမ်းပြည်နယ်(တောင်ပိုင်း)၊ တောင်ကြီးမြို့၊ စူဠာမုနိလောကချမ်းသာစေတီတော်ရင်ပြင်၌ နိုဝင်ဘာ ၁၁ ရက်ညနေ ၄ နာရီခွဲက ၂ဝ၂၄ ခုနှစ်၊ တောင်ကြီးမြို့၊ တန်ဆောင်တိုင်မီးပုံးပျံပွဲတော်ဖွင့်ပွဲ အထိမ်းအမှတ်အဖြစ် စိန်နားပန်းမီးပုံးပျံ လွှတ်တင်ပူဇော်သည် ။

ရှေးဦးစွာတန်ဆောင်တိုင်ပွဲတော် ကျင်းပရေးကော်မတီ နာယကရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးအောင်အောင် နှင့် တက်ရောက်လာသူများက ဘုရားပန်း ဆီမီး ဆက်ကပ်လှူဒါန်းပြီး ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် ဧည့်သည်တော်များက စိန်နားပန်းမီးပုံးပျံလွှတ်တင်ပူဇော်ကြသည် ။

ထို့နောက် ရှမ်းပြည်နယ်အစိုးရအဖွဲ့ပြည်နယ်ဝန်ကြီးချုပ်နှင့် တာဝန်ရှိသူများသည် ကျောင်းကြီးစုရပ်ကွက်ရှိ အဝေရာမီးပုံးပျံကွင်း၌ ရောက်ရှိကြနေရာယူကြပြီး တိုင်းရင်းသား စာပေ ယဥ်ကျေးမှု အဖွဲ့များ ခေတ်ပေါ်တေးဂီတအဖွဲ့များက တီးခတ်သီဆို ကပြဖျော်ဖြေသည်။ ထို့နောက် ပြည်နယ်ဝန်ကြီးချုပ် ဦးအောင်အောင်၊ အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် ဇော်မင်းလတ်နှင့် ပြည်နယ်ဝန်ကြီးများက တောင်ကြီးတန်ဆောင်တိုင်ပွဲတော်အား ဖဲကြိုးဖြတ်ဖွင့်လှစ်ပေးသည်။

၎င်းနောက် ပြည်နယ်ဝန်ကြီးချုပ် ဦးအောင်အောင် မှ တန်ဆောင်တိုင်ပွဲတော် အဖွင့်အမှာစကားပြောကြားပြီးတန်ဆောင်တိုင်ပွဲတော်အား စက်ခလုတ်နှိပ်၍ ဖွင့်လှစ်ပေးခြင်းနှင့်အတူ စိန်နားပန်မီးပုံးပျံကြီး (၂)လုံး၊ တိုင်းရင်းသား/တိုင်းရင်းသူများ၊ ကျောင်းသား/ ကျောင်းသူများမှ
မီးပုံးပျံအသေးများအား တစ်ပြိုင်တည်း လွှတ်တင်၍ ဖွင့်လှစ်ပေးခဲ့​သည်။

ထို့နောက် တောင်ကြီးတန်ဆောင်တိုင် ဆုရသီချင်းဖြင့် ဖျော်ဖြေ၍ တိုင်းရင်းသားယဉ်ကျေးမှုအကအဖွဲ့နှင့် ပညာရေးဒီဂရီ ကောလိပ် ကျောင်းသား ကျောင်းသူများအကအဖွဲ့တို့မှတူညီအကဖြင့် တင်ဆက်ကြပြီး ခေတ်ပေါ်တေးဂီတ တီးဝိုင်းဖြင့် ဧည့်ခံဖျော်ဖြေခဲ့ကြောင်း သိရသည်။

အဆိုပါ တောင်ကြီးတန်ဆောင်တိုင်ပွဲတော်ကို နိုဝင်ဘာ ၁၁ ရက်နေ့မှ ၁၇ ရက်နေ့အထိ ညမီးကြီး ၂၆ လုံး၊ စိန်နားပန် ၂၁ လုံး၊ နေ့လွှတ်အရုပ် ခြေလေးချောင်း ၄၀ လုံး၊ ခြေနှစ်ချောင်း ၁၄၇ လုံး၊ အရုပ်အုပ်စု ၂၂ အုပ်စုတို့ လွှတ်တင်၍ စည်ကားသိုက်မြိုက်စွာ ကျင်းပသွားမည်ဖြစ်ကြောင်း သိရသည်။

#centralnewsnaypyitaw