ထိုင်းသံရုံးက ကြီးမှူးကျင်းပသည့် တော်ဝင်ကထိန်သင်္ကန်းဆက်ကပ်လှူဒါန်းပွဲသို့ မြန်မာသံအမတ် တက်ရောက်
မလေးရှားနိုင်ငံ၊ ဆီလန်ဂေါပြည်နယ်ရှိ Thai Buddhist Chetawan Temple ၌ နိုဝင်ဘာ (၁၀) ရက်က ထိုင်းသံရုံးမှ ကြီးမှူးကျင်းပသည့် တော်ဝင်ကထိန်သင်္ကန်းဆက်ကပ်လှူဒါန်းပွဲသို့ မလေးရှားနိုင်ငံဆိုင်ရာ မြန်မာသံအမတ်ကြီး တက်ရောက်ခဲ့ကြောင်း နိုင်ငံခြားရေးဝန်ကြီးဌာန ထုတ်ပြန်ချက်အရ သိရသည်။
အဆိုပါ ကထိန်သင်္ကန်းဆက်ကပ်လှူဒါန်းပွဲတွင် ထိုင်းဘုရင် His Majesty King Maha Vajiralongkorn Phra Vajirakl aochaoyuhua မှ လှူဒါန်းသည့် သင်္ကန်းများအား သံဃာတော်များထံသို့ ဆက်ကပ်လှူဒါန်းခဲ့ကြကြောင်း သိရသည်။
ယင်းအခမ်းအနားသို့ ထိုင်းနိုင်ငံခြားရေးဝန်ကြီးဌာန၊ ဒုတိယအမြဲတမ်းအတွင်းဝန် H.E. Paisan Rupanichkij နှင့် ကွာလာလမ်ပူမြို့အခြေစိုက် ထိုင်း၊ ဗီယက်နမ်၊ လာအို၊ ကမ္ဘောဒီးယားနှင့် သီရိလင်္ကာသံရုံးများမှ သံအမတ်ကြီး/ မဟာမင်းကြီးများနှင့် ၎င်းတို့၏ ဇနီးများလည်း ပါဝင်တက်ရောက်ခဲ့ကြောင်း သိရသည်။
xuanxuan geng
Delete Comment
Are you sure that you want to delete this comment ?