အသက် ၂၇ နှစ်အရွယ်မှာ ဆိုင်ကယ်မတော်တဆမှုကြောင့် သေဆုံးခဲ့ရတဲ့ The Chilling Adventures of Sabrina ဇာတ်လမ်းတွဲရဲ့ မင်းသား

The Chilling Adventures of Sabrina နဲ့ Gen V ဇာတ်လမ်းတွဲတွေနဲ့ လူသိများတဲ့ မင်းသား ချန့် ပါဒိုမိုဟာ မတ်လ ၃၀ ရက်နေ့က ဆိုင်ကယ်မတော်တဆမှုကြောင့် သေဆုံးခဲ့တယ်လို့ သူ့ရဲ့တာဝန်ရှိသူတွေက ပြောကြားခဲ့တာပါ။ သူ့မိသားစုဝင်တွေက ဝမ်းနည်းပူဆွေးနေရတဲ့အတွက် မိသားစုရဲ့ပုဂ္ဂိုလ်ရေးကို လေးစားလိုက်နာကြဖို့ မေတ္တာရပ်ခံထားပါတတယ်။

ဆိုင်ကယ်မတော်တဆမှုက မတ်လ ၃၀ ရက်နေ့ အစောပိုင်းမှာ ဖြစ်ပွားခဲ့တယ်လို့ သိရပါတယ်။ Gen V ဒုတိယတွဲအတွက် ရိုက်ကူးဖို့ Upstate New York ကနေ Toronto ကို ခရီးထွက်လာရင်း မတော်တဆဖြစ်ခဲ့တယ်လို့ ဆိုထားပါတယ်။ ပါဒိုမိုက Gen V မှာ အန်ဒရီ အန်ဒါဆန်ဆိုတဲ့ အဓိကဇာတ်ကောင်အဖြစ် ပါဝင်ထားပြီး သူ အခုလိုသေဆုံးသွားခဲ့တဲ့အတွက် ဒုတိယတွဲရိုက်ကူးမှုက နှောင့်နှေးသွားမှာဖြစ်ပါတယ်။

ပါဒိုမိုဟာ လော့စ်အိန်ဂျယ်လိစ်မြို့မှာ မွေးဖွားခဲ့ပြီး အင်္ဂလန်မှာ မိခင်ဖြစ်သူနဲ့ ပြောင်းရွေ့နေထိုင်ခဲ့ပါတယ်။ သူဟာ ဗြိတိန်နိုင်ငံသား၊ အမေရိကန်နိုင်ငံသားနှစ်ခုလုံးကို ကိုင်ဆောင်ထားပါတယ်။ ပါဒိုမိုက ပရိသတ်တွေ ကြိုက်နှစ်သက်တဲ့ After We Fell၊ After Ever Happy၊ After Everything ဇာတ်ကားတွေမှာလည်း လန်ဒန် ဂစ်ဘ်ဆန်အဖြစ် ပါဝင်ခဲ့ပါသေးတယ်။

Ref: Actor Chance Perdomo killed in motorbike accident aged 27