ဘာလော့တယ်လီကို အလွတ်ပြောင်းရွှေ့ကြေးဖြင့် ဂျီနိုအာအသင်းခေါ်ယူ
----------------------
စီးရီးအေကလပ် ဂျီနိုအာအသင်းဟာ အီတလီတိုက်စစ်မှူး ဘာလော့တယ်လီကို အလွတ်ပြောင်းရွှေ့ကြေးနဲ့ ခေါ်ယူ နိုင်ခဲ့ပြီဖြစ်ကြောင်း အောက်တိုဘာလ(၂၈)ရက်နေ့က တရားဝင်ကြေညာခဲ့ပါတယ်။ အသက်(၃၄)နှစ်အရွယ်ရှိနေပြီ ဖြစ်တဲ့ ဘာလော့တယ်လီဟာ တူကီယဲကလပ် ဒီမီယာစပေါ်အသင်းနဲ့ လမ်းခွဲခဲ့ပြီးနောက် အသင်းလက်မဲ့ဖြစ်နေခဲ့ တာပါ။
ဂျီနိုအာအသင်းဟာ အခုဘောလုံးရာသီ စီးရီးအေပြိုင်ပွဲမှာ ရလဒ်ပိုင်းဆိုးရွားနေခဲ့တာဖြစ်တာကြောင့် အသင်းရဲ့ တိုက်စစ်ကို မြှင့်တင်ဖို့အတွက် နည်းပြဂီလာဒီနိုက ဝါရင့်တိုက်စစ်မှူး ဘာလော့တယ်လီကို ခေါ်ယူဖို့ လုပ်ဆောင် ခဲ့တာ ဖြစ်ပါတယ်။ ဂျီနိုအာအသင်းဟာ အခုဘောလုံးရာသီ စီးရီးအေ(၉)ပွဲကစားပြီးချိန်မှာ (၁)ပွဲနိုင်၊ (၃)ပွဲသရေ၊ (၅)ပွဲရှုံး၊ ရမှတ်(၆)မှတ်နဲ့အတူ အမှတ်ပေးဇယားရဲ့ အဆင့်(၁၈)နေရာမှာ ရပ်တည်နေခဲ့တာဖြစ်ပါတယ်။
ဘာလော့တယ်လီဟာ ကစားသမားဘဝမှာ အင်တာမီလန်၊ အေစီမီလန်၊ မန်စီးတီးနဲ့ လီဗာပူးအသင်းတို့မှာ ကစားခဲ့ဖူးတာကြောင့် အသင်းကိုရလဒ်ဆိုးတွေကနေ ရုန်းထွက်နိုင်အောင် ကူညီပေးနိုင်လိမ့်မယ်လို့ ဂျီနိုအာ ပရိသတ်တွေက မျှော်လင့်နေကြပါတယ်။
