မကျေပွဲတွင် အူဆက်ခ်ကို အနိုင်ရမည်ဟု ဖြူရီ ယုံကြည်
---------------------
လာမယ့် ဒီဇင်ဘာလထဲမှာ ထိုးသတ်မယ့် မကျေပွဲမှာ လက်ရှိချန်ပီယံ အူဆက်ခ်ကို အနိုင်ရမယ်လို့ ယုံကြည် ကြောင်း ဗြိတိန် ဟဲဗီးဝိတ်တန်း ကမ္ဘာ့ချန်ပီယံဟောင်း တိုင်ဆန်ဖြူရီက ပြောကြားလိုက်ပါတယ်။ ပြီးခဲ့တဲ့ မေလ က ဖြူရီနဲ့ အူဆက်ခ်တို့ ပထမအကြိမ်ဆုံတွေ့ခဲ့ရာမှာ ၁၂ ချီပြည့်အထိ အကြိတ်အနယ်ထိုးသတ်ခဲ့ပြီးနောက် အူဆက်ခ်က ဒိုင်အဆုံးအဖြတ်နဲ့အနိုင်ရခဲ့ပြီး ဟဲဗီးဝိတ်တန်း ကမ္ဘာ့ချန်ပီယံဆုတွေကို သိမ်းပိုက်သွား ခဲ့တာဖြစ်ပါ တယ်။
ဒီရှုံးပွဲက တိုင်ဆန်ဖြူရီရဲ့ ပရော်ဖက်ရှင်နယ် ကစားသမားဘဝ ပထမဆုံးရှုံးပွဲလည်း ဖြစ်ခဲ့တာပါ။ အခု သူတို့နှစ် ယောက်ရဲ့ မကျေပွဲကို ဆော်ဒီနိုင်ငံ ရီယာ့ဒ်မြို့မှာ ထိုးသတ်တော့မှာဖြစ်ပါတယ်။ အစောပိုင်းက မကျေပွဲ ကို အောက်တိုဘာလထဲမှာ ထိုးသတ်ဖို့ စီစဉ်ထားခဲ့ပေမယ့် ဒီဇင်ဘာ ၂၁ ရက်နေ့မှာ ထိုးသတ်ဖို့ကို ပြောင်းလဲစီစဉ် ခဲ့တာဖြစ်ပါတယ်။
ဖြူရီကတော့ မကျေပွဲအတွက် အကောင်းဆုံးပြင်ဆင်ထားသလို ပြိုင်ဘက်ကို အနိုင်ယူပြီး ဟဲဗီးဝိတ်တန်း ကမ္ဘာ့ချန်ပီယံဆုတွေကို သိမ်းပိုက်နိုင်ဖို့ ယုံကြည်ချက်အပြည့်ရှိတယ်လို့ ပြောသွားခဲ့ပါတယ်။ တိုင်ဆန်ဖြူရီဟာ ပရိုကစားသမားဘဝ ၃၆ ပွဲထိုးသတ်ခဲ့ရာမှာ ၃၄ ပွဲနိုင် ၁ ပွဲသရေနဲ့ ၁ ပွဲရှုံးမှတ်တမ်းကို ရရှိထားခဲ့တာဖြစ်ပါတယ်။
