တိုကျိုအိုးပင်းချန်ပီယံဆု ကျန်ကွင်းဝမ် ရရှိ
-------------------
၂၀၂၄ တိုကျိုအိုးပင်းတင်းနစ် အမျိုးသမီးတစ်ဦးချင်း ဗိုလ်လုပွဲမှာ တရုတ်တင်းနစ်မယ် ကျန်ကွင်းဝမ်အနိုင်ရပြီး ချန်ပီယံဆုကို ရရှိသွားခဲ့ပါတယ်။ အောက်တိုဘာ ၂၇ ရက်နေ့က ယှဉ်ပြိုင်ခဲ့တဲ့ ဗိုလ်လုပွဲစဉ်မှာ ကျန်ကွင်းဝမ်နဲ့ အမေရိကန်တင်းနစ်မယ် ကီနင်တို့ ဆုံတွေ့ခဲ့တာဖြစ်ပါတယ်။ ကျန်ကွင်ဝမ်နဲ့ ကီနင်တို့ဗိုလ်လုပွဲစဉ်က အကြိတ် အနယ်ရှိခဲ့သလို ပွဲကစားချိန် ၂ နာရီနီးပါး ကြာမြင့်ခဲ့ပါတယ်။
ပထမပွဲလတ်က အပြန်အလှန်ရမှတ်တွေနဲ့ စိတ် လှုပ်ရှားဖို့ကောင်းခဲ့ပေမယ့် ဒုတိယပွဲလတ်မှာတော့ ကီနင်က အမှားတွေများလာခဲ့တာကြောင့် ကျန်ကွင်းဝမ်က ပွဲကို ပိုပြီးတော့ ထိန်းချုပ်ကစားသွားနိုင်ခဲ့တာကို တွေ့ရပါတယ်။ ပွဲအပြီးမှာတော့ ကျန်ကွင်းဝမ်က ကီနင်ကို (၇း၆၊၆း၃)ဆိုတဲ့ ရလဒ်နဲ့ အနိုင်ရခဲ့ပြီး တိုကျိုအိုးပင်း ချန်ပီယံဆုကို ရယူသွားနိုင်ခဲ့တာဖြစ်ပါတယ်။
အသက် ၂၂ နှစ်အရွယ် ကျန်ကွင်းဝမ်အတွက်တော့ ပါလာမိုအိုးပင်းနဲ့ တိုကျို အိုလံပစ် ချန်ပီယံဆုရရှိပြီးနောက် ၂၀၂၄ ခုနှစ် အတွင်း တတိယမြောက် ချန်ပီယံဆု ရယူနိုင်ခဲ့တာဖြစ်ပါတယ်။ အခုပြိုင်ပွဲမှာ အနိုင်ရခဲ့လို့ ကျန်ကွင်းဝမ်အနေနဲ့ ရာသီပိတ် ပွဲစဉ်ဖြစ်တဲ့ WTA ဖိုင်နယ်ပွဲစဉ်မှာ ပါဝင်ခွင့်ရဖို့အတွက် အခွင့်အရေး ပိုကောင်းသွားခဲ့ပါတယ်။
