မေဂျာလိဂ်တစ်ရာသီအကောင်းဆုံးလူစာရင်းတွင် မက်ဆီနှင့်ဆွာရက်ဇ် ပါဝင်
------------------------
မေဂျာလိဂ်ပြိုင်ပွဲရဲ့ တစ်ရာသီအကောင်းဆုံးဆုအတွက် နောက်ဆုံး(၅)ယောက်ဆန်ခါတင်စာရင်းမှာ အင်တာ မိုင်ယာမီအသင်းရဲ့ တိုက်စစ်မှူးတွေဖြစ်ကြတဲ့ မက်ဆီနဲ့ ဆွာရက်ဇ်တို့ ပါဝင်ခဲ့ကြပြီး အကောင်းဆုံးဆုရဖို့ ထိပ်ဆုံး က ရေပန်းစားနေကြပါတယ်။ မက်ဆီနဲ့ဆွာရက်ဇ်တို့ (၂)ယောက်လုံးဟာ အခုဘောလုံးရာသီမှာ အင်တာမိုင်ယာမီ အသင်းအတွက် ခြေစွမ်းပြနိုင်ခဲ့ကြတာကြောင့် တစ်ရာသီအကောင်းဆုံးဆု ဆန်ခါတင်စာရင်းမှာ ပါဝင်နိုင်ခဲ့ကြ တာပါ။
မက်ဆီက အခုဘောလုံးရာသီ မေဂျာလိဂ်ပြိုင်ပွဲမှာ ဒဏ်ရာပြဿနာတွေကြောင့် အနားယူ ခဲ့ရပေမယ့် အင်တာ မိုင်ယာမီအသင်းအတွက် မေဂျာလိဂ်(၁၉)ပွဲ ကစားခဲ့ရာမှာ ဂိုး(၂၀)သွင်းယူကာ (၁၀)ဂိုးဖန်တီး နိုင်ခဲ့ပါ တယ်။ အခုရာသီမှ အင်တာမိုင်ယာမီအသင်းကို ပြောင်းရွှေ့လာခဲ့တဲ့ ဆွာရက်ဇ်ကလည်း အသင်းအတွက် မေဂျာလိဂ် (၂၇)ပွဲ ကစားခဲ့ရာမှာ ဂိုး(၂၀)သွင်းယူကာ (၉)ဂိုး ဖန်တီးနိုင်ခဲ့ပါတယ်။
မက်ဆီဟာ ပြီးခဲ့တဲ့ဘောလုံးရာသီက လည်း မေဂျာလိဂ်ပြိုင်ပွဲရဲ့ တစ်ရာသီအကောင်းဆုံးဆု ဆန်ခါတင်စာရင်းမှာ ပါဝင်ခဲ့သလို အခုရာသီမှာ အသင်းနဲ့ အတူ မေဂျာလိဂ် Supporters’ Shield ကို ရယူနိုင်ခဲ့တာကြောင့် ဆန်ခါ တင်စာရင်းမှာ ထပ်မံပါဝင်လာခဲ့တာပါ။ မေဂျာလိဂ်ပြိုင်ပွဲရဲ့ တစ်ရာသီအကောင်းဆုံးဆုအတွက် နောက်ဆုံး (၅)ယောက်ဆန်ခါတင်စာရင်းမှာ မက်ဆီ၊ ဆွာရက်ဇ်တို့နဲ့အတူ ဟာနန်ဒက်ဇ်၊ အီဗန်ဒါနဲ့ ဘန်တီကီတို့လည်း ပါဝင်ခဲ့ကြပါတယ်။
