🚢 အမေရိကန်က မြစ်ကူးတံတားကိုဝင်တိုက်မိခဲ့တဲ့ Dali ကုန်တင်သင်္ဘောဟာ ဘယ်ဂျီယံနိုင်ငံမှာ ဆိပ်ကမ်းကိုတိုက်မိမှုဖြစ်ခဲ့ဖူးတယ်လို့ ဆိုပါတယ်။
Vesselfinder website ရဲ့အဆိုအရ Dali သင်္ဘောဟာ ဘယ်ဂျီယံနိုင်ငံ Antwerp မြို့ကဆိပ်ခံအုတ်ဘောင်ကို ၂၀၁၆ ခုနှစ်မှာသင်္ဘောရဲ့ပဲ့ဘေးပိုင်းနဲ့ဝင်ဆောင့်မိခဲ့တာဖြစ်ပါတယ်။
အဲ့ဒီလိုဝင်ဆောင့်မိချိန်မှာ ရာသီဥတုကောင်းရဲ့သားနဲ့ သင်္ဘောကိုဆိပ်ကမ်းကအထွက်မှာ Master နဲ့ Marine Pilot ရဲ့အမှားကြောင့် အခုလို Antwerp port ရဲ့ အုတ်ဆိပ်ကမ်းခုံနဲ့ ဝင်ဆောင့်မိတာလို့ဆိုပါတယ်။
အဲ့ဒီလိုဝင်ဆောင့်မိမှုကြောင့် ဖြစ်ပွားရာဆိပ်ကမ်းအပိုင်းကို ယာယီပိတ်ထားကာပြုပြင်ခဲ့ရသလို သင်္ဘောကြီးကိုလည်း Deurganckdok မှာ ယာယီထိန်းသိမ်းစစ်ဆေးပြီး ပြုပြင်မှုတွေပြုလုပ်ခဲ့ရပါတယ်။
မနေ့ကအဖြစ်အပျက်မှာတော့ ဘော်တီမိုးဆိပ်ကမ်းကနေ သီရိလင်္ကာနိုင်ငံ ကိုလန်ဘိုမြို့သို့ အထွက်မှာ မြစ်ကူးတံတားနဲ့တိုက်မိခဲ့တာဖြစ်ပါတယ်။
Dali သင်္ဘောကို တောင်ကိုရီးယားနိုင်ငံ Hyundai Heavy Industries က ၂၀၁၅ ခုနှစ်မှာ တည်ဆောက်ခဲ့တာဖြစ်ပါတယ်။
Credit to Richard Myo Thant
