"ဝတ်လဲတော်ရွှေပုဆိုး တန်းထိုးလို့ကြိုမယ်"

ပထမဆုံး "ခံစားလွယ်တတ်သူများ ၊အလွမ်းဓာတ်ခံရှိသူများ မဖတ်ရ"လို့တောင် ပြောချင်မိတယ်...

စာအုပ်တစ်အုပ်လုံးမှာ အညာဒေသရဲ့ ချစ်စရာဟန်ပန်တွေ ပျော်ရွှင်ကြည်နူးစရာတွေနဲ့ လွမ်းမောစရာတွေ
ပြည့်နေလိုက်တာ...ဘယ်နှစ်ကြိမ်ပြန်ဖတ်ဖတ် ရိုးသွားနိုင်ဖွယ် မရှိဘူး...
ဇာတ်လမ်း စစချင်းမှာ အညာဒေသရဲ့ မိရိုးဖလား ကိုးကွယ်ယုံကြည်မှု နတ်ပွဲသွားတဲ့ အကြောင်းကိုအခြေခံထားပြီး အချစ်ဇာတ်လမ်းလေးတစ်ပုဒ် ပါဝင်လာခဲ့တယ်...အဓိက ဇာတ်ကောင် ၂ယောက်က ကိုကျီးညိုနဲ့ ခင်နှောင်း တဲ့...
ဆရာမ ခင်ခင်ထူးရဲ့ ပြောင်မြောက်တဲ့ ရေးသားချက်တွေကြောင့် ကိုယ်တိုင် ဇာတ်လမ်းထဲရောက်နေသလိုပါပဲ...ဇာတ်ရှိန်မြင့်လာလေ ဆရာမက ကိုကျီးညိုအပေါ်သိပ်ရက်စက်တာပဲ လို့တောင်မြင်မိတယ်...
အခန်း ၁၀ နောက်ပိုင်းက စလို့ မျက်ရည်မခိုင်တော့ဘူး..

ဇာတ်ကားပြန်ရိုက်မယ်လို့လည်း ကြားထားရတယ်
ကိုကျီးညိုနေရာနဲ့ လိုက်မယ့် မင်းသားကို ခုထိ ပုံဖော်လို့မရဘူး....ပြန်လည်းမရိုက်စေချင်တာအမှန်ပဲ😇

ကံကောင်းခြင်းစည်းမျဉ်း
နံပါတ် (၁)
ကံတရားက အမြဲပကြာရှည်ဘူး။ အကြောင်းက သူဟာ သင်နဲ့မသက်ဆိုင်လို့ပါ။ ကံကောင်းခြင်းက လူတစ်ဦးတစ်ယောက်ရဲ့ ကြိုးစားဖန်တီးမှုနဲ့ဆိုင်တယ်။ ဒါကြောင့် သူဟာ တာရှည်တည်မြဲတယ်။
နံပါတ်(၂)
လူတိုင်းက ကံကောင်းခြင်းကို ပိုင်ဆိုင်နိုင်ဖို့ မျှော်လင့်ကြတယ် ဒါပေမဲ့ ဆုံးဖြတ်ချက်ချပြီး ကြိုးစားရှာဖွေပယ့်လူက အလွန်နည်းပါတယ်။
နံပါတ် (၃)
တကယ်လို့ အခုချိန်ခါဟာ သင့်အတွက် အချိန်အခါမကျ၊ ကံကြမ္မာငင်နေသေးဆိုရင် ဒါမှမဟုတ် မပြောင်းလဲတဲ့ပတ်ဝန်းကျင်ကြောင့်ဆိုရင် ကံကောင်းခြင်း တံခါးလာခေါက်စေချင်ရင် အကျိုးအရှိဆုံးနည်းလမ်းက ပတ်ဝန်းကျင်အသစ် ဖန်ဆင်းတာပဲဖြစ်တယ်။
နံပါတ် (၄)
ကံကောင်းခြင်းကျရောက်နိုင်မယ့် သင့်တော်တဲ့ပတ်ဝန်းကျင်ကို ကြိုတင်ပြင်ဆင်ရာမှာ တစ်ကိုယ်ကောင်းဆန်လို့မရပါဘူး။ အဲဒီလိုသင့်တော်တဲ့ပတ်ဝန်းကျင်ကို တည်ဆောက်ဖန်တီးရမှာဖြစ်ပါတယ်။ တခြားလူနဲ့ အကျိုးတူပူးပေါင်းမှ ကံကောင်းခြင်းကိုရရှိနိုင်မှာဖြစ်ပါ။
နံပါတ် (၅)
အကယ်၍ လုပ်ရမယ့်အလုပ် ကို မနက်ဖြန်ရွေ့လိုက်ရင် ကံကောင်းခြင်းက ဘယ်တော့မှ ရောက်လာနိုင်မှာ မဟုတ်ပါဘူး။ ပတ်ဝန်းကျင်ကို ဖန်တီးအစပြုမယ့် ပထမဆုံးခြေတစ်လှမ်းက ဒီကနေ့ပဲဖြစ်ပါတယ်။
နံပါတ် (၆)
တစ်ခါတလေမှာ အချိန်အခါကောင်းဆိုပေပယ့် ကံကောင်းခြင်းက ရောက်ပလာတတ်ဘူး။ အသေးအမွှားကနေ စလုပ်မှ၊ ကြည့်ရတာ အရေးမပါလောက်ဘူးထင်ရတဲ့အရာက
တကယ့် အဓိကလိုအပ်ချက် ဖြစ်နေပါတယ်။
နံပါတ် (၇)
ကံကောင်းခြင်းကိုသာ ယုံကြည်သူအတွက်တော့ ပတ်ဝန်းကျင်ကို ဖန်တီးတည်ဆောက်တယ် ဆိုတာ သူတို့အတွက် မဟုတ်တရုတ်ဟာသပါပဲ။ ပတ်ဝန်းကျင်ဖန်တီးတည်ဆောက်ဖို့ကို ခွန်အား စွမ်းအားတွေ ပေးအပ်ထားသူအတွက်တော့ ကံကောင်းခြင်း၊ ကံမကောင်းခြင်းတွေကို သူတို့ဂရုမစိုက်ကြဘူး။
နံပါတ် (၈)
ဘယ်သူကမှ ကံကောင်းခြင်းကို ရောင်းဝယ်လို့ မရပါဘူး။ ကံကောင်းခြင်းဆိုတာ ရောင်းကုန်ပစ္စည်းမဟုတ်လို့ပါ။ ကံကောင်းခြင်းအရောင်းအဝယ်ပြုသူတွေကို အလွယ်တကူ
ယုံကြည်ပါနဲ့။
နံပါတ် (၉)
ပတ်ဝန်းကျင်ရော အခြေအနေပါ အားလုံးအဆင်သင့်ဖြစ်ပြီဆိုရင် စိတ်ရှည်ရှည်ထား၊ စောင့်ဆိုင်းပါ၊ အလွယ်တကူ လက်မလွှတ်ပါနဲ့။ ကံကောင်းခြင်း၊ တံခါးလာအခေါက်ကို ငြိပ်ငြိမ်သက်သက်စောင့်ပါ ယုံကြည်မှုကို စွဲစွဲမြဲမြဲ ဆုပ်ကိုင်ထားပါ။
နံပါတ် (၁၀)
ကံကောင်းခြင်းကို ဖန်တီးတယ်ဆိုတာ သင့်တော်တဲ့ပတ်ဝန်းကျင်ကို ကြိုတင်ဖန်တီးတာပါပဲ။ အခွင့်အလမ်းက ကံဆိုး ကံကောင်းနဲ့ မဆိုင်ပါဘူး။ အခွင့်အလမ်းဆိုတာ အမြဲရှိနေပါတယ်။
ဒါကြောင့်. . .ကံကောင်းခြင်းကိုဖန်တီးဖို့ တစ်ခုတည်းသော လိုအပ်ချက်က ပတ်ဝန်းကျင်ကို ဖန်တီးတာပဲဖြစ်ပါတယ်။
ကံကောင်းခြင်းရဲ့ အဓိပ္ပာယ်သစ်
ကံကောင်းခြင်းကို ဖန်တီးတယ်ဆိုတာ ပတ်ဝန်းကျင်ကိုဖန်တီးတာပါပဲ။ ကံကောင်းခြင်းရနိုင် မရနိုင်ဆိုတာ သင့်ကိုယ်ပေါ်မှာပဲ မူတည်ပါတယ်။ ဒီကနေ့ကစ သင်လည်း သင်နဲ့သက်ဆိုင်တဲ့ကံကောင်းခြင်းကို သင်ကိုယ်တိုင်ဖန်တီးနိုင်ပါတယ်။
ဂျပန်တွေရဲ့ အဆိုက အရွက် (၄) ရွက်ပါတဲ့ Magic Clover အရွက်တစ်ရွက်တိုင်းမှာ ကိုယ်စားပြု တစ်ခုစီ ပါကြတယ် .. (၄) ရွက်မှာ ပထမတစ်ရွက်က အချစ် ၊ ဒုတိယအရွက်က မျှော်လင့်ချက် ၊ တတိယအရွက်က ယုံကြည်မှုနဲ့ အပိုပါလာတဲ့ စတုတ္ထအရွက်က ကံကောင်းခြင်းကို ကိုယ်စားပြုတယ်လို့ ဆိုကြတယ် ..
ကျွန်တော်တို့တော်တော်များများက ကံကောင်းချင်ကြတယ် .. ကံကောင်းခြင်းတွေက ကိုယ့်ဆီကို အလွယ်တကူ ရောက်လာလိမ့်မယ်လို့လည်း ထင်တတ်ကြသေးတာ ..
ကံဆိုသည်မှာ အလုပ် လို့ အဓိပ္ပာယ်ဖွင့်ဆိုတဲ့ စကားလေးဟာ သိပ်ကို မှန်တယ် .. ကျွန်တော်တို့ အလုပ်တွေလုပ်နေမှ ကံက ကောင်းလာမှာပဲ ဖြစ်တယ် ..
ဒီစာအုပ်လေးအကြောင်း အကြမ်းဖျဉ်းပြောရရင် ကံကောင်းခြင်းအပင်လေးကို စစ်သည်တော် ၂ယောက် သွားရှာကြတဲ့ ဇာတ်လမ်းလေးက အဓိကပေါ့ ..
ကံကောင်းခြင်းအပင် မပေါက်ရောက်နိုင်တဲ့ တောအုပ်ထဲကို ရောက်သွားကြတဲ့ စစ်သည်တော် ၂ယောက်ရဲ့ ခံယူချက် ၊ မျှော်လင့်ချက် ၊ လုပ်ရက်တွေက ဖတ်နေရင်းမှာတင် ဘယ်သူက အပင်ကို ရနိုင်လဲဆိုတာကို သင်ခန့်မှန်းနိုင်မှာပါ ..
လူတိုင်းမှာ အခက်အခဲကိုယ်စီရှိကြတယ် .. ဒါပေမဲ့ အဲ့အခက်အခဲတွေကို သင်ဘယ်လို ရင်ဆိုင်ကျော်လွှားသွားနိုင်လဲဆိုတာက သင့်ကို ဘယ်လိုလူဖြစ်စေလဲဆိုတာပါပဲ ..
#ကံကောင်းခြင်းတံခါးလာခေါက်တဲ့အခါ
#နိုင်းနိုင်းစနေ

အဖေနဲ့သမီး တက္ကသိုလ်အတူတက်ကြသောအခါ

ငယ်စဉ်ကတည်းက ခါးပိုက်နှိက်လုပ် မရိုးမသားငွေရှာတဲ့ ဆင်(မ်)ဘားတစ်ယောက် တနေ့ ရဲအဖမ်းခံရပါလေရာ၊သူ သြဇာရှိလွန်းတယ်ထင်တားတဲ့သူခိုးခေါင်းဆောင်က ရဲအရှေ့ရောက်တော့ ခွေးရှေ့က ကြောင်လေးလိုဖြစ်သွားပြီး ပိုက်ဆံတွေပေးလိုက်ရတာ မြင်လိုက်ရတယ်အဲ့ဒိအချိန်မှာ သူသိလိုက်ရတာ လောကမှာ သြဇာအာဏာအရှိဆုံးကယူနီဖေါင်း၊ယူနီဖေါင်းဝတ်ထားတဲ့သူကို လူဆိုး လူမိုက်မှန်သမျှ ကြောက်ရတယ်သူ့အတွက် ပိုက်ဆံရှာဖို အလွယ်ဆုံးနဲ့ အာဏာရှိဖိုက ရဲလုပ်မှဖြစ်မယ်ဆိုတဲ့ အတွေးနဲ့ ရဲတစ်ယောက်ဖြစ်အောင်လုပ်ပြီးအကျင့်ပျက်ချစား၊လာဘ်ယူတဲ့နေရာမှာ နာမည်ကျော်တဲ့ ရဲတစ်ယောက်ဖြစ်လာခဲ့ပါတယ်ဒါပေမဲ့ မီရာမာ(ရ်) ရဲစခန်းကို ပြောင်းရွေ့မိန့်ကျတဲ့အခါမှာတော့ သူ့ဘဝအတွက် ကြီးမားတဲ့အပြောင်းလဲကြီး တစ်ခုဖြစ်လာပါတော့တယ်ခံစားချက်မဲ့ လောဘသားလိုထင်ထားတဲ့ ဆင်(မ်)ဘားဟာအဲ့ဒိမြိုမှာ ညီမလေးတစ်ယောက်လို သံယောဇဉ်ရှိတဲ့ မိန်းကလေးတစ်ယောက်ရှိပါတယ်ဂိုအာမြိုရဲ့ ထိပ်တန်း ရာဇဝတ်ကောင် ဒူရ်ဝါး ရာနာဒေးနဲ့ ထိပ်တိုက်တွေ့ကြလေသော အခါ

#crd
#storymode

လူတွေမှာ Default Mode တွေဆိုတာရှိတယ်

စိတ်လှုပ်ရှားရင်လုပ်တတ်တဲ့
Default အမူအကျင့်

လိမ်ရင် လုပ်တဲ့ Default အမူအကျင့်
ပျင်းရင်လုပ်တတ်တဲ့ Default အမူအကျင့်
လေးတွေဆိုတာရှိတယ်

တစ်ယောက်နဲ့တစ်ယောက်မတူပေမယ့်
သတိထားကြည့်ရင် သိသာတယ်

လိမ်ရင် မျက်စိပိုပြူလာတဲ့သူ
လက်ကိုဖွက်လိုက်တဲ့သူ
လက်သဲကိုက်တဲ့သူ
မျက်တောင်ခတ်တာမြန်တဲ့သူ တွေတွေ့ဖူးတယ်

ပျင်းရင်လုပ်တဲ့ Default Mode ကြတော့တူကြတယ်
တခြားမဟုတ်ဘူး ဖုန်းပွတ်တာ

ဒါကြီးက ကိုယ့်ကိုယ်ကိုမသိပေမယ့်
ဖုန်းပွတ်နေရရင်အပျင်းပြေတယ်ဆိုတာ
ဦးနှောက်ကမှတ်သွားတာ

ကောင်းတာကတော့ အဲ့ Default mode တွေက
ပြန်ပြီး program ရေးလိုရတယ်

ဗုဒ္ဓဘာသာမှာတော့ သတိလေးကပ်ပြီး
ကိုယ့်ကိုယ်ကိုစမ်းစစ်ဖို ပြောတယ်

Behavioral science မှာတော့
တခြားတစ်ခုနဲ့ အစားထိုးဖိုပြောတယ်

ဘယ်နည်းနဲ့ပဲဖြစ်ဖြစ် အရေးကြီးတာ
မကောင်းဘူး အကျိူးမရှိဘူးဆိုရင်
လူဆိုတာပြောင်းလဲယူလိုရတယ်

ရလဒ်ကောင်းတွေအတွက်
အလေ့အကျင့်ကောင်းတွေလိုတယ် 🫰🏻

Reprogram yourself

#crd
#moti

ယူကရိန်းအရေး ထရမ့်နှင့် မက်ခရွန်တို့ သဘောထားကွဲလွဲ

ဝါရှင်တန်၊ ဖေဖော်ဝါရီ ၂၆

အမေရိကန်သမ္မတ ဒေါ်နယ်ထရမ့် (Donald Trump)နှင့် ပြင်သစ်သမ္မတ မက်ခရွန် (Emmanuel Macron) တို့ သည် တွေ့ဆုံစဉ် ယူကရိန်းအရေးနှင့် ပတ်သက်ပြီး ၎င်းတို့၏ ချဉ်းကပ်ပုံများသည် ကွဲပြားခြားနားမှုများ ရှိနေသည့် အချက်ကို ဖော်ပြခဲ့ကြသည်ဟု Nikkei Asia မှ ဖော်ပြခဲ့သည်။

၂၀၂၅ ခုနှစ်၊ ဖေဖော်ဝါရီ ၂၄ ရက်က အိမ်ဖြူတော်တွင် ထရမ့်နှင့် မက်ခရွန်တို့ ယူကရိန်းအရေး ဆွေးနွေးခဲ့ကြရာမှာ သဘောထား ကွဲလွဲခဲ့ကြခြင်း ဖြစ်သည်။

ထို့ကြောင့် ၎င်းတို့ ၂ ဦး၏ တွေ့ဆုံမှုသည် ယူကရိန်းနှင့် ရုရှားအကြား လျင်မြန်သည့် အပစ်အခတ်ရပ်စဲရေး သဘောတူညီချက် ရရှိရေးအတွက် ထရမ့်၏ အားထုတ်ကြိုးပမ်းမှုများအပေါ် ဥရောပ၏ သဘောထား ကွဲလွဲ မှုများကို ပြသရာရောက်သည့် နောက်ထပ် လက္ခဏာတစ်ခုဖြစ်ခဲ့သည်။

ထရမ့်နှင့် မက်ခရွန်တို့သည် အစည်းအဝေး ပြုလုပ်ချိန်အတွင်း ၎င်းတို့ ၂ ဦးအကြား နည်းပေါင်းများစွာကြာ ခင်မင်ရင်းနှီးခဲ့သည့် ဆက်ဆံရေးကို ပြသခဲ့သည်။

သို့သော် မက်ခရွန်က ၂၀၂၂ ခုနှစ်တွင် ရုရှားက ယူကရိန်းကို ဝင်ရောက် ကျူးကျော်ခဲ့ပြီးနောက် ၃ နှစ်တာကာလ သို့ ရောက်ရှိချိန်၌ ယူကရိန်း အရေးနှင့်ပတ်သက်ပြီး အချို့ကိစ္စရပ်များတွင် ထရမ့်နှင့် သဘောထားခြင်း မတိုက်ဆိုင်သည့် အချက်များကို ရှင်းလင်းစွာ ဖော်ပြခဲ့သည်။

ပြီးခဲ့သည့် ရက်ပိုင်းက ထရမ့်သည် ရုရှားသမ္မတ ပူတင် (Vladimir Putin)ကို အာဏာရှင်ဟု ခေါ်ဆိုခဲ့ခြင်းမပြုဘဲ ယူကရိန်းသမ္မတ ဇာလန်းစကီး (Volodymyr Zelenskiy) ကို အာဏာရှင်ဟု ခေါ်ဆိုခဲ့သည်။

ထရမ့်၏ ပြောဆိုချက်နှင့်ပတ်သက်ပြီး မက်ခရွန်က တုန့်ပြန်ရာတွင် ရုရှားသည် ပဋိပက္ခအတွင်း ရန်လိုသည့် နိုင်ငံဖြစ်ကြောင်း ပြောကြားခဲ့သည်။

“သမ္မတ ပူတင်က ငြိမ်းချမ်းရေးကို ချိုးဖောက်ခဲ့တဲ့သူပါ” ဟု မက်ခရွန်က ထရမ့်နှင့်ပြုလုပ်ခဲ့သည့် ပူးတွဲသတင်းစာ ရှင်းလင်းပွဲတွင် ပြောကြားခဲ့သည်။

ထရမ့်ကမူ သူသည် ယူကရိန်းနှင့် ရုရှားအကြား အပစ်အခတ်ရပ်စဲရေး သဘောတူညီမှုကို အမြန်ဆုံးရရှိစေရန် လိုလားကြောင်းနှင့် သဘောတူညီချက် ရရှိပြီးချိန်တွင် မော်စကိုသို့ သွားရောက်ပြီး ပူတင်နှင့် တွေ့ဆုံမည်ဟု ပြောကြားခဲ့သည်။

မက်ခရွန်ကမူ ထရမ့် အနေဖြင့် ပိုမိုချင့်ချိန်မှုရှိသည့် ချဉ်းကပ်ဆောင်ရွက်မှုကို ပြုလုပ်ရန်၊ ထိုမှသာ လုံခြုံရေး အာမခံချက်များ ပါဝင်သည့် ငြိမ်းချမ်းရေး သဘောတူညီချက်ကို ဖော်ဆောင်ရန် တိုက်တွန်းခဲ့သည်။

“ကျနော်တို့လည်း ငြိမ်းချမ်းရေးကို လိုချင်တယ်။ သူလည်း ငြိမ်းချမ်းရေးကို လိုချင်တယ်။ ကျနော်တို့က ငြိမ်းချမ်းရေးကို အမြန်လိုချင်ပေမယ့် ခိုင်မာမှုမရှိတဲ့ သဘောတူညီချက်မျိုးကိုတော့ မလိုချင်ပါဘူး” ဟု မက်ခရွန်က သတင်းထောက်များကို ပြောကြားခဲ့သည်။

မည်သို့ပင်ဆိုစေ မက်ခရွန်နှင့် ထရမ့်တို့သည် ငြိမ်းချမ်းရေး သဘောတူညီချက် ရရှိပြီးချိန်တွင် ဥရောပငြိမ်းချမ်းရေး ထိန်းသိမ်းရေး တပ်ဖွဲ့များကို ဖြန့်ကြက်ချထားမည့် အစီအစဉ်ကို သဘောတူခဲ့ကြသည်။

Source: Nikkei Asia

ပုံ - ပြင်သစ်သမ္မတ မက်ခရွန်နဲ့ အမေရိကန်သမ္မတ ဒေါ်နယ်ထရမ့်ကို တွေ့ရစဉ်

#centralnewsnaypyitaw

ယနေ့ ရွှေဈေးနဲ့ နိုင်ငံခြားငွေလဲနှုန်းများ

ဖေဖော်ဝါရီ ၂၆

#ရွှေဈေး

-ကမ္ဘာ့ရွှေဈေး
တအောင်စ ၂၉၁၉ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၅၀၀၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

* စနစ်ဟောင်း
(၁ိ - ၁၆.၆၀၆ ဂရမ် = ၁၂၈ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၇၂၀၀၀၀ ကျပ်
ဝယ်ဈေး ၆၆၈၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၆၃၂၀၀၀၀ ကျပ်
ဝယ်ဈေး ၆၂၈၀၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၆၀၀၀၀၀ ကျပ်
ဝယ်ဈေး ၆၅၆၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၆၂၀၀၀၀၀ ကျပ်
ဝယ်ဈေး ၆၁၆၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၅၉၃ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၄၅၀ ကျပ်
ဝယ်ဈေး - ၄၄၀၀ ကျပ်

-စင်္ကာပူဒေါ်လာ
ရောင်းဈေး - ၃၃၈၀ ကျပ်
ဝယ်ဈေး - ၃၃၁၀ ကျပ်

-ယူရို
ရောင်းဈေး - ၄၇၀၀ ကျပ်
ဝယ်ဈေး - ၄၆၀၅ ကျပ်

-ထိုင်းဘတ်
ရောင်းဈေး - ၁၃၂.၄၅ ကျပ်
ဝယ်ဈေး - ၁၂၉.၈၇ ကျပ်

-မလေးရှားရင်းဂစ်
ရောင်းဈေး - ၁၀၂၀ ကျပ်
ဝယ်ဈေး - ၁၀၀၅ ကျပ်

-တရုတ်ယွမ်
ရောင်းဈေး - ၆၁၆ ကျပ်
ဝယ်ဈေး - ၆၀၄ ကျပ်

-ဂျပန်ယန်း
ရောင်းဈေး - ၂၉.၉၅ ကျပ်
ဝယ်ဈေး - ၂၉.၃၆ ကျပ်

-အိန္ဒိယရူပီး
ရောင်းဈေး - ၅၁.၃၆ ကျပ်
ဝယ်ဈေး - ၅၀.၃၆ ကျပ်

-ကိုရီးယားဝမ်
ရောင်းဈေး - ၃.၁၂ ကျပ်
ဝယ်ဈေး - ၃.၀၆ ကျပ်

-စတာလင်ပေါင်
ရောင်းဈေး - ၅၆၆၀ ကျပ်
ဝယ်ဈေး - ၅၅၅၀ ကျပ်

-ဩစတြေးလျဒေါ်လာ
ရောင်းဈေး - ၂၈၃၅ ကျပ်
ဝယ်ဈေး - ၂၇၇၅ ကျပ်

-ကနေဒါဒေါ်လာ
ရောင်းဈေး - ၃၁၂၀ ကျပ်
ဝယ်ဈေး - ၃၀၆၀ ကျပ်

-ဟောင်ကောင်ဒေါ်လာ
ရောင်းဈေး - ၅၇၆ ကျပ်
ဝယ်ဈေး - ၅၆၅ ကျပ်

-ယူအေအီး
ရောင်းဈေး - ၁၂၁၈ ကျပ်
ဝယ်ဈေး - ၁၁၉၅ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

#သတင်းဟင်းလေးအိုးကြီး

အခန်းထဲ ပိုစတာတွေကပ်၊ ဖုန်း၊ laptop တို့မှာ ကားပုံတွေ wallpaper ထားကြတဲ့ ကားရူးတွေကနေစပြီး ဒိတ်ဒိတ်ကြဲ ကားဒီဇိုင်နာတွေအထိ ကိုယ်စီ ကိုယ်စီမှာ အကြိုက်ဆုံး၊ ရင်ထဲအရောက်ဆုံး ကားတစ်စီးစီးတော့ ရှိကြစမြဲပါ ကျွန်တော်‌ဖြတ်သန်းလာခဲ့တဲ့ era မှာဆိုရင် Aventador LP700-4 ၊ Ehra Lessien က Bugatti Veyron Supersport နဲ့ R35 တို့က မှတ်မှတ်ရရရှိနေခဲ့တဲ့ ကားတွေပေါ့
Aventador vs 458 ၊ Supra vs GTR ၊ Mercedes vs BMW ၊ Camaro vs Mustang ဘယ်လိုပဲ အကြိုက်တွေကွဲပြားနေပါစေ အားလုံး ငြင်းခုန်တာတွေရပ်ပြီး တစ်စုတစ်စည်းတည်း လာဆုံစည်းကြရတဲ့ ကားကတော့ Porsche ရဲ့ Iconic 911 ပါပဲ
Porsche ရဲ့တည်ထောင်သူ Ferdinand Porsche ရဲ့‌ မြေးဖြစ်သူ Ferdinand Alexder Porsche ကပထမဆုံး 901 မော်ဒယ်ကို စတင်ဖန်တီးခဲ့တဲ့အချိန် 1964 ကစလို့ အခုချိန်ထိ Revolution မဟုတ်ပဲ Evolution ဆိုတဲ့ သဘောတရားနဲ့ ဖြည်းဖြည်းချင်းစီသာ ပြောင်းလဲလာခဲ့ကြတာဖြစ်ပါတယ်
စာရွက်ပေါ်မှာ Headlight အဝိုင်းတစ်စုံနဲ့ သူ့ရဲ့အထင်ကရ ဘော်ဒီအချိုးအစားကိုပဲ အကြမ်းခြစ်လိုက်ရင်တောင်မှ Porsche ဆိုတာကို တန်းသိရလောက်တဲ့အထိ Iconic ဖြစ်တာ 911 မှတစ်ပါး အခြားမရှိပါဘူး Targa, Convertibles, Speedster, Coupe, GT RS Bodystyle မျိုးစုံနဲ့ လိုက်ဖက်နေတဲ့ Signature Silhoutte ကလည်း ကြည့်လေ ပိုပြီးဆွဲဆောင်မှုရှိလာလေပါပဲ
အရိုးဆုံးသည်သာ အဆန်းဆုံးဆိုတဲ့ စကားကို အကောင်းဆုံးဖော်ပြနိုင်တဲ့ကားတစ်စီးကိုပြပါဆိုရင် 911 ကိုပဲပြပါမယ်
Design ကိုပဲ အမွှန်းတင်စရာရှိတာလားဆိုတော့ သူ့ရဲ့ Naturally Aspirated High Revving Rear Mounted Flat six အင်ဂျင်တွေကလည်း အကောင်းဆုံးဖန်တီးမှု Masterpiece တစ်ခုဖြစ်သလို နှစ်ပေါင်းခုနှစ်ဆယ်နီးပါးအထိ အကောင်းဆုံး sports car ဆိုတဲ့ ဂုဏ်ကို ထိန်းထားနိုင်တဲ့ Legacy ကိုလည်း ယှဉ်နိုင်တဲ့သူ ခပ်ရှားရှားပါပဲခင်ဗျား

၁၉၅၀ မာစီးဒီး နှင့် ဘီအမ်ဒဘယ်လျူ