ဖေဖော်ဝါရီ ၂၇ ရက်နေ့ စက်သုံးဆီစျေးနှုန်းများ

#သတင်းဟင်းလေးအိုးကြီး

TikTok Liteで一緒にスターを集めて報酬をGETしましょう！ https://lite.tiktok.com/t/ZSMy6MA2H/

ဖေဖဝါရီလ ၂၆ရက်နေ့ညနေပိုင်းက ရန်ကုန်မြို့လယ်မှာ အချိန်အခါမဟုတ်မိုးရွာသွန်းခဲ့ပါတယ်။

ဓာတ်ပုံ ရွှေအင်းသားခင်မောင်ဝင်း

#သတင်းဟင်းလေးအိုးကြီး

ရန်ကုန်တိုင်းအပါအဝင် တိုင်းနှင့် ပြည်နယ်တချို့တွင် နေရာကွက်ကျားမိုးထစ်ချုန်းရွာမည်

ဖေဖော်ဝါရီ ၂၆

ရန်ကုန်တိုင်းဒေသကြီးအပါအဝင် တိုင်းနှင့် ပြည်နယ် တချို့တွင် နေရာကွက်ကျား မိုးထစ်ချုန်းရွာမည်ဖြစ်ကြောင်း ယနေ့ ဖေဖော်ဝါရီလ ၂၆ ရက်နေ့ မွန်းလွဲ (၂)နာရီအချိန်တွင် မိုးလေဝသနှင့် ဇလဗေဒညွှန်ကြားမှုဦးစီးဌာနမှ သတင်း ထုတ်ပြန်ထားသည်။

လွန်ခဲ့သော (၂၄)နာရီအတွင်းက ရှမ်းပြည်နယ်(အရှေ့ပိုင်း)တွင် နေရာအနှံ့အပြား၊ နေပြည်တော်နှင့် ဧရာဝတီတိုင်းဒေသကြီးတို့တွင် နေရာစိပ်စိပ်၊ ရှမ်းပြည်နယ်(တောင်ပိုင်း)တွင် နေရာကျဲကျဲနှင့် ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်နှင့် မွန်ပြည်နယ်တို့တွင် နေရာကွက်ကျား မိုးထစ်ချုန်းရွာခဲ့ပြီး၊ နေပြည်တော်တွင် နေရာကွက်၍ မိုးကြီးခဲ့ကြောင်း၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ကရင်ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် တိမ်အသင့်အတင့် ဖြစ်ထွန်းခဲ့ပြီး၊ ကျန်တိုင်းဒေသကြီးနှင့် ပြည်နယ်တို့တွင် အများအားဖြင့် သာယာခဲ့ကြောင်း ထုတ်ပြန်ထားသည်။

ကပ္ပလီပင်လယ်ပြင်၊ ဘင်္ဂလားပင်လယ်အော်အရှေ့အလယ်ပိုင်းနှင့် တောင်ပိုင်းတို့တွင် တိမ်အသင့်အတင့်မှ တိမ်ထူထပ်နေပြီး၊ ဘင်္ဂလား ပင်လယ်အော်အနောက်အလယ်ပိုင်းတွင် တိမ်အနည်းငယ် ဖြစ်ထွန်းနေကာ၊ ဘင်္ဂလားပင်လယ်အော်မြောက်ပိုင်းတွင် အများအားဖြင့် သာယာနေကြောင်း ထုတ်ပြန်ထားသည်။

မနက်ဖြန်နံနက်အထိခန့်မှန်းချက်အရ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင် ပြည်နယ်၊ မွန်ပြည်နယ်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် နေရာကွက်ကျား မိုးထစ်ချုန်းရွာမည်ဖြစ်ပြီး၊ ရွာရန်ရာနှုန်း ၈၀ ဖြစ်ကြောင်း၊ နေပြည်တော်၊ စစ်ကိုင်းတိုင်း ဒေသကြီးအထက်ပိုင်းနှင့် ရှမ်းပြည်နယ်(မြောက်ပိုင်း)တို့တွင် တိမ်အသင့်အတင့် ဖြစ်ထွန်းပြီး၊ ကျန်တိုင်းဒေသကြီးနှင့် ပြည်နယ်တို့တွင် အများအားဖြင့် သာယာမည်ဖြစ်ကြောင်း ထုတ်ပြန်ထားသည်။

#centralnewsnaypyitaw

ဆီးရီးယား နိုင်ငံလုံးဆိုင်ရာ ညီလာခံစတင် ၊ စစ်တပ်နဲ့ ရဲတပ်ဖွဲကို ပြန်လည်ဖွဲ့စည်းမယ်လို့ ယာယီသမ္မတပြော

ဒမတ်စကတ်၊ ဖေဖော်ဝါရီ ၂၆

ဆီးရီးယားနိုင်ငံရဲ့ အနာဂတ်နဲ့ပတ်သက်ပြီး နိုင်ငံလုံးဆိုင်ရာညီလာခံကို မြို့တော်ဒမတ်စကတ်မှာ မနေ့က စတင်လိုက်ပြီး မျိုးနွယ်စုနဲ့ဘာသာပေါင်းစုံက ကိုယ်စားလှယ် ၅၀၀ ကျော်တက်ရောက်နေတယ်လို့ ကြားဖြတ်အစိုးရ တာဝန်ရှိသူတွေက ပြောပါတယ်။

ညီလာခံကို မူလစီစဉ်ထားတာထက် တလကျော်နောက်ကျခဲ့ပြီး ဆွေးနွေးမှုတွေမှာတော့ အဖွဲ့စည်းပုံအခြေခံဥပဒေသစ်ရေးဆွဲရေးနဲ့ တရားစီရင်ရေးမဏ္ဍိုင် ပြုပြင်ပြောင်းလဲရေးတို့ အဓိကပါဝင်နေပါတယ်။

ဆီးရီးယားကို ပြည်သူတွေလက်ပြန်အပ်တယ်လို့ ယာယီသမ္မတ အာမက်အယ်လ်ရှာရာက ပြောပါတယ်။ နိင်ငံအနာဂတ်ကို ဆွေးနွေးကြဖို့နဲ့ စည်းလုံးညီညွတ်ကြဖို့ ပြည်သူတွေကို ယာယီသမ္မတ ရှာရာက တိုက်တွန်းပါတယ်။

ဆီးရီးယားမြောက်ပိုင်းမှာ ဆက်လက်တိုက်ခိုက်နေတဲ့ အစိုးရဟောင်းထောက်ခံသူတွေအပြင် ကာ့ဒ်တပ်ဖွဲ့တွေကိုပါ လက်နက်ဖြုတ်သိမ်းဖို့၊ စစ်တပ်နဲ့ ရဲတပ်ဖွဲ့ကို ပြန်လည်ဖွဲ့စည်းမယ်လို့လည်း သူက ပြောပါတယ်။

နိုင်ငံကို ဆယ်စုနှစ်များစွာအုပ်ချုပ်ခဲ့တဲ့ သမ္မတအာဆတ်ကို ဒီဇင်ဘာလမှာ ရာထူးကနေ ဖြုတ်ချလိုက်ပြီးနောက် လက်ရှိဆီးရီးယားကြားဖြတ်အစိုးရဟာ နိုင်ငံပြန်လည်တည်ဆောက်ရေးတွေကို လု်ပဆောင်နေပြီး နိုင်ငံတကာ အရေးယူပိတ်ဆို့မှုတွေ ရုပ်သိမ်းပေးရေးကိုလည်း တောင်းဆိုနေပါတယ်။

ဆီးရီးယားပြည်တွင်းစစ်အတွင်း ပြည်သူသိန်းချီသေဆုံးခဲ့ပြီး သန်းပေါင်းများစွာ နေရပ်စွန့်ခွာထွက်ပြေးခဲ့ရကာ ကမ္ဘာ့အဆိုးရွားဆုံး လူသားချင်းစာနာမှုဆိုင်ရာ အကျပ်အတည်း ဖြစ်ပေါ်နေတယ်လို့ ကုလသမဂ္ဂ သတိပေးထားပါတယ်။

Ref:NHK
Photo:AFP

#သတင်းဟင်းလေးအိုးကြီး

ကျောက်ခေတ်ရဲ့ အံ့ဖွယ်အဆောက်အအုံကြီး -
Dolmen de Soto
˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚
Dolmen de Soto ဟာ စပိန်နိုင်ငံ၊ Huelva ပြည်နယ်၊ Trigueros မြို့မှာ တည်ရှိတဲ့ ရှေးဟောင်း ကျောက်ခေတ်အဆောက်အအုံကြီး တစ်ခုဖြစ်ပါတယ်။

ဘီစီ ၃၀၀၀ ကနေ ၂၅၀၀ ကြား (ကျောက်ခေတ်နှောင်းပိုင်း နဲ့ ကြေးခေတ် အစောပိုင်း) ကာလမှာ တည်ဆောက်ခဲ့တယ်လို့ ယူဆရတဲ့ ဒီအဆောက်အအုံကြီးဟာ အိုင်ဘေးရီးယား ကျွန်းဆွယ်မှာတော့ အကြီးဆုံးနဲ့ အကောင်းဆုံး ထိန်းသိမ်းထားနိုင်တဲ့ Dolmen တွေထဲက တစ်ခုအဖြစ် သတ်မှတ်ခံထားရပါတယ်။

Dolmen ဆိုတာ ကျောက်တုံးကြီးတွေကို ဒေါင်လိုက်ထောင်ပြီး အပေါ်ကနေ ကျောက်ပြားကြီး တစ်ချပ်နဲ့ ဖုံးအုပ်ထားတဲ့ ရှေးဟောင်း ဂူသင်္ချိုင်းပုံစံ အဆောက် အအုံ အမျိုးအစားဖြစ်ပြီး ဥရောပ အနောက်ပိုင်းနဲ့ တောင်ပိုင်းဒေသအများအပြားမှာ တွေ့ရလေ့ရှိပါတယ်။

Dolmen de Soto ဟာ အရှည် မီတာ ၂၀ ကျော်ရှိပြီး အကျယ်ဆုံးနေရာမှာ ၃.၅ မီတာ ကျယ်ဝန်းတာကြောင့် အိုင်ဘေးရီးယားကျွန်းဆွယ်မှာ တွေ့ရတဲ့ Dolmen တွေထဲမှာ အကြီးဆုံးလို့ ပြောလို့ရပါတယ်။

ထူးခြားတဲ့ ဖွဲ့စည်းပုံကတော့ အဝင်လမ်းကြောင်းရှည်ကြီး (Corridor) တစ်ခုကနေ အဆုံးမှာရှိတဲ့ အခန်းကျယ်ကြီး (Chamber) ဆီကို ဦးတည်နေတာပါ။

လမ်းကြောင်းနံရံတွေနဲ့ အခန်းကျယ်ရဲ့ နံရံတွေကို ကြီးမားတဲ့ ကျောက်တုံးကြီးတွေနဲ့ တည်ဆောက်ထားပြီး အပေါ်ကနေ ဧရာမ ကျောက်ပြားကြီးတွေနဲ့ မိုးထားပါတယ်။

အတွင်းပိုင်း ကျောက်တုံးနံရံတွေမှာ တွေ့ရတဲ့ ရှေး ဟောင်းပန်းချီလက်ရာတွေ၊ ထွင်းထုထားတဲ့ အမှတ် အသားတွေဟာ Dolmen de Soto ရဲ့ ထူးခြားချက်တစ်ခုဖြစ်ပြီး ဘာသာရေးဆိုင်ရာ အခမ်းအနားတွေ၊ လူမှုရေးဆိုင်ရာ အဖြစ်အပျက်တွေကို ဖော်ပြနေတယ်လို့ ယူဆရပါတယ်။

၁၉၂၂ ခုနှစ်မှာ ရှာဖွေတွေ့ရှိခဲ့တဲ့ Dolmen de Soto မှာ တူးဖော်မှုတွေ ပြုလုပ်ခဲ့ရာမှာတော့ လူအရိုးစု အပိုင်းအစတွေ၊ ကျောက်လက်နက်ကိရိယာတွေ၊ အိုးခြမ်းကွဲတွေ အပါအဝင် ရှေးဟောင်းပစ္စည်း အမြောက်အမြားကို တွေ့ရှိခဲ့ပါတယ်။

ဒီတွေ့ရှိမှုတွေအရ Dolmen အများစုဟာ ဂူသင်္ချိုင်းတွေအဖြစ် အသုံးပြုခဲ့ကြတယ်လို့ ယူဆနိုင်ပေမယ့်၊ Dolmen de Soto ရဲ့ အသုံးပြုပုံ အတိအကျကိုတော့ အပြည့်အဝ နားမလည်နိုင်သေးပါဘူး။

ဒါပေမယ့် တွေ့ရှိခဲ့တဲ့ အနုပညာလက်ရာတွေအရ ဘာသာရေးဆိုင်ရာ ထုံးတမ်းစဉ်လာတွေ ကျင်းပတဲ့နေရာ၊ ဒါမှမဟုတ် အရေးပါတဲ့ ပုဂ္ဂိုလ်တွေအတွက် ဂူသင်္ချိုင်းအဖြစ် အသုံးပြုခဲ့တာ ဖြစ်နိုင်ပါတယ်။

Dolmen de Soto ဟာ ခရီးသွားဧည့်သည်တွေအတွက် ဖွင့်လှစ်ထားပြီး၊ စပိန်နိုင်ငံရဲ့ ရှေးဟောင်း သမိုင်း ကြောင်းနဲ့ ယဉ်ကျေးမှုတွေကို စိတ်ဝင်စားသူတွေအတွက် လေ့လာစရာတွေ အများကြီးရှိတဲ့ နေရာတစ်ခုပါ။

ရှေးခေတ်လူသားတွေရဲ့ ဗိသုကာပညာ၊ ယုံကြည်မှုတွေနဲ့ ဘဝနေထိုင်မှု ပုံစံတွေကို လေ့လာနိုင်မယ့် အဖိုးတန်နေရာတစ်ခု ဖြစ်တာကြောင့် သမိုင်းကို စိတ်ဝင်စားသူတိုင်း သွားရောက်လေ့လာသင့်တဲ့ နေရာတစ်ခုဖြစ်တယ်ဆိုတာ အသေအချာပါပဲ။

#knowledge

ပြော င် ပြော င့် ဘ ဝ🥲

မြန်မာ့ပြည်တွင်း ပဋိပက္ခကြောင့် အိန္ဒိယ-မြန်မာ-ထိုင်း သုံးနိုင်ငံအဝေးပြေးလမ်းမကြီးစီမံကိန်း ရပ်ဆိုင်းနေရဟု အိန္ဒိယအစိုးရ ပြော

ဖေဖော်ဝါရီ ၂၆

မြန်မာနိုင်ငံမှာ ဆက်လက်ဖြစ်ပွားနေတဲ့ ပြည်တွင်းပဋိပက္ခတွေကြောင့် ကီလိုမီတာ ၁၄၀၀ အရှည်ရှိတဲ့ အိန္ဒိယ- မြန်မာ-ထိုင်း အဝေးပြေးလမ်းမစီမံကိန်းဟာ မပြီးစီးနိုင်ဘဲ ရပ်တန့်နေရတယ်လို့ အိန္ဒိယပြည်ပရေးရာဝန်ကြီး ဒေါက်တာ အက်စ် ဂျိုင်းရှန်ကာက ဂူဝါဟတီမြို့မှာ ၂ ရက်ကြာ ကျင်းပနေတဲ့ ၂၀၂၅ ခုနှစ် ရင်းနှီးမြှုပ်နှံမှုနဲ့ အခြေခံအဆောက်အဦဆိုင်ရာ အာသံထိပ်သီးအစည်းအဝေးမှာ ဖွင့်ဟပြောကြားလိုက်ပါတယ်။.

အိန္ဒိယ-မြန်မာ-ထိုင်း အဝေးပြေးလမ်းမကြီး India-Myanmar-Thailand Trilateral (IMTT) ဟာ အိန္ဒိယအရှေ့ဘက်ခြမ်းနဲ့ အရှေ့တောင်အာရှဒေသအကြား ချိတ်ဆက်မှုနဲ့ စီးပွားရေးဖွံ့ဖြိုးတိုးတက်မှုအတွက် Game Changer တစ်ခုအဖြစ် ပြောင်းလဲသွားမှာဖြစ်ပေမဲ့ ရပ်တန့်နေရတဲ့အပေါ် ဒေါက်တာ အက်စ်ဂျိုင်းရှန်ကာက “အစစ်အမှန် ပြောင်းလဲဖို့က အိန္ဒိယ- မြန်မာ-ထိုင်း သုံးနိုင်ငံ အဝေးပြေးလမ်းမကြီး ပြီးစီးဖို့ပါ။ စီမံကိန်းတိုးတက်မှုက လက်ရှိမှာ မြန်မာနိုင်ငံရဲ့ ပြည်တွင်းရေးပဋိပက္ခတွေကြောင့် စိန်ခေါ်မှုတွေ ရှိနေပေမဲ့ အရမ်းအရေးကြီးတဲ့ အရာတစ်ခုကို ပိတ်ဆို့ဖို့ ခွင့်မပြုနိုင်ပါဘူး။ ဒီတိုးတက်မှု သေချာစေဖို့ လက်တွေ့ကျတဲ့ ဖြေရှင်းနည်းတွေ ရှာဖွေရပါမယ်”လို့ ပြောပါတယ်။

အိန္ဒိယနိုင်ငံ၊ မိုးရေးမြို့နဲ့ ထိုင်းနိုင်ငံ မဲဆောက်မြို့ကို ချိတ်ဆက်ဖို့ မြန်မာနိုင်ငံကို ဖြတ်သန်းသွားမယ့် ဒေသတွင်း အရေးပါတဲ့ အိန္ဒိယ- မြန်မာ-ထိုင်း သုံးနိုင်ငံ အဝေးပြေးလမ်းမကြီးစီမံကိန်းဟာ အိန္ဒိယနဲ့ ထိုင်းနိုင်ငံဘက်ခြမ်းမှာတော့ ပြီးစီးနေပြီဖြစ်ပြီး မြန်မာနိုင်ငံဘက်ခြမ်းမှာတော့ ပဋိပက္ခတွေကြောင့် ရှေ့မဆက်နိုင်ဖြစ်နေရပါတယ်။

၂၀၁၄ ခုနှစ်မှာ ချမှတ်ခဲ့တဲ့ အိန္ဒိယနိုင်ငံရဲ့ အိမ်နီးချင်းဦးစားပေးမူဝါဒအရ ဘင်္ဂလားဒေ့ရှ်၊ ဘူတန်၊ နီပေါနဲ့ မြန်မာနိုင်ငံတို့ ဆက်စပ်မှုမှာ သိသာထင်ရှားတဲ့ တိုးတက်မှုများစွာ ရရှိခဲ့သလို လမ်းသစ်တွေ၊ စစ်ဆေးရေးဂိတ်တွေ၊ မီးရထားလိုင်းတွေ၊ ရေလမ်း၊ မဟာဓာတ်အားလိုင်း၊ လောင်စာဆီ ပိုက်လိုင်းတွေ၊ အိမ်နီးချင်းနိုင်ငံတွေနဲ့ အထူးသဖြင့် နိုင်ငံရဲ့ အရှေ့နဲ့ အရှေ့မြောက်ဘက်မှာ ဖြတ်သန်းသွားလာနိုင်တဲ့ အဆောက်အဦများစွာ ဖြစ်ထွန်းလာခဲ့သလို ကိုဗစ်ကပ်ရောဂါ စိန်ခေါ်မှုတွေနဲ့ ယူကရိန်းပဋိပက္ခနောက်ပိုင်းမှာလည်း အိန္ဒိယနိုင်ငံဟာ ကာကွယ်ဆေးထောက်ပံ့မှု၊ ဆန်စပါးထောက်ပံ့မှု၊ ဓာတ်မြေသြဇာနဲ့ လောင်စာရရှိမှုတို့ကို အိမ်နီးချင်းနိုင်ငံတွေအတွက် လျင်မြန်စွာ ထောက်ပံ့ဆောင်ရွက်ခဲ့တယ်လို့လည်း အိန္ဒိယ ပြည်ပရေးရာဝန်ကြီးက ပြောခဲ့ပါတယ်။

ဒါ့အပြင် အိန္ဒိယ ပြည်ပရေးရာဝန်ကြီးက ဒီအာရှလမ်းမကြီးသာပြီးစီးသွားမယ်ဆိုရင် စုစုပေါင်းပြည်တွင်းထုတ်လုပ်မှုတန်ဖိုး GDP ဒေါ်လာ ၄ ဒသမ ၂၅ ထရီလျံရှိပြီး အိန္ဒိယနိုင်ငံရဲ့လူဦးရေ ထက်ဝက်လောက်ပမာဏဖြစ်တဲ့ လူဦးရေ သန်း ၇၀၀ နီးပါးရှိတဲ့ အရှေ့တောင်အာရှဟာ ကြီးမားတဲ့ အကျိုးဆက်ရဲ့ မိတ်ဖက်ဖြစ်လာမှာဖြစ်သလို သာယာဝပြောရေးနဲ့ တိုးတက်မှုကို ဦးတည်တဲ့ ခရီးလမ်းမှာ အပြန်အလှန် ဖေးမကူညီနိုင်မှာလို့လည်း ဆက်လက်ပြောပါတယ်။

Ref: Hindustan Times

Credit - Myanmar Transparency News Agency

#သတင်းဟင်းလေးအိုးကြီး

ထိုင်ဝမ်က တရုတ်ကုန်တင်သင်္ဘောကို ဖမ်းဆီး

တိုင်ပေ၊ ဖေဖော်ဝါရီ ၂၆

ထိုင်ဝမ်ရေလက်ကြားအတွင်းရှိ ပန်ဂူ (Penghu) ကျွန်းစုသို့ ဆက်သွယ်ထားသည့် ရေအောက်ကေဘယ်ကြိုး ပြတ်တောက်ခဲ့ပြီးနောက် ထိုကျွန်းအနီးတွင် တွေ့ရှိခဲ့သည့် တရုတ်နှင့် အဆက်အသွယ်ရှိသော ကုန်တင်သင်္ဘော တစ်စင်းကို ထိုင်ဝမ်ကမ်းခြေစောင့်တပ်ဖွဲ့က ဖေဖော်ဝါရီ ၂၅ ရက်တွင် ဖမ်းဆီးခဲ့သည်ဟု ရိုက်တာမှ ဖော်ပြခဲ့သည်။

ထိုင်ဝမ်ကမူ ၎င်းတို့ ကျွန်းအနီးဝန်းကျင်တွင် တရုတ်၏ လှုပ်ရှားမှုများသည် စစ်ပွဲဖြစ်ပွားမှု အခြေအနေနှင့် ပတ်သက်ပြီး သေချာရေရာမှု မရှိသည့် အညိုရောင်ဇုန် တစ်ခုကို ဖန်တီးနေကြောင်း ပြောကြားခဲ့သည်။

တရုတ်၏ လှုပ်ရှားမှုများသည် တိုက်ရိုက် ရင်ဆိုင်တွေ့ခြင်း မဟုတ်ဘဲ မိုးပျံပူဖောင်းများကို ထိုင်ဝမ်အနီးသို့ စေလွှတ်ခြင်း၊ ပင်လယ်ပြင်အတွင်းရှိ သဲများကို တူးဖော်ခြင်းကဲ့သို့ ဖိအားပေးသည့် ပုံစံမျိုးဖြင့် လုပ်ဆောင်နေ ကြောင်း ထိုင်ဝမ်က ပြောသည်။

ယခုနှစ် အစောပိုင်းကလည်း တရုတ်နှင့် ဆက်နွှယ်သည့် သင်္ဘောတစ်စင်းသည် ထိုင်ဝမ်၏ ရေအောက် ကေဘယ် ဆက်ကြိုးကို ထိခိုက်စေရန် လုပ်ဆောင်ခဲ့သည်ဟု သံသယရှိခဲ့ကြောင်း ထိုင်ဝမ်က ပြောကြားခဲ့သည်။

ထို့ကြောင့် ထိုင်ဝမ်နှင့် အခြားနိုင်ငံများကို ဆက်သွယ်ရာတွင် အဓိကကျသည့် ရေအောက် အင်တာနက် ဆက်သွယ်ရေး ကေဘယ်ကြိုးများအား ကာကွယ်မည့် အစီအမံများ တိုးမြှင့်လုပ်ဆောင်ရန် ထိုင်ဝမ်က ရေတပ်နှင့် အခြားသက်ဆိုင်ရာ အေဂျင်စီများကို ညွှန်ကြားခဲ့သည်။

တိုင်ဝမ်စစ်တပ်ကမူ တိုဂိုနိုင်ငံတွင် မှတ်ပုံတင်ထားသည့် တရုတ်သင်္ဘောသားများ လိုက်ပါလာသော Hong Tai 58 ကုန်တင်သင်္ဘောကို ဖမ်းဆီးရန် ကမ်းခြေစောင့်တပ်ဖွဲ့ သင်္ဘော ၃ စင်းကို ဖြန့်ကြက်ချခဲ့ကြောင်း ပြောကြားခဲ့ သည်။

ထိုင်ဝမ် အနောက်တောင်ဘက် ကမ်းလွန်ရေပြင်ရှိ ရေအောက်ကေဘယ်ကြိုး ပြတ်တောက်ချိန်တွင် ထိုကုန်တင် သင်္ဘောသည် ကေဘယ်ကြိုးအနီး၌ ကျောက်ချရပ်နားခဲ့သည်ကို တွေ့ရကြောင်း ထိုင်ဝမ်ကမ်းခြေစောင့်တပ်ဖွဲ့က ထုတ်ပြန်ခဲ့သည်။

ထိုကုန်တင်သင်္ဘောပေါ်တွင် လိုက်ပါလာသည့် သင်္ဘောသား ၈ ဦးစလုံးသည် တရုတ်နိုင်ငံသားများဖြစ်ပြီး ထိုဖြစ်စဉ်သည် တရုတ်အစိုးရ၏ လုပ်ဆောင်ချက် ဟုတ်၊မဟုတ်ကို ထည့်သွင်း စဉ်းစားရမည်ဖြစ်ကြောင်း၊ စုံစမ်း စစ်ဆေးမှုများ ပြုလုပ်ရန်လိုအပ်ကြောင်း ထိုင်ဝမ်ကမ်းခြေစောင့်တပ်ဖွဲ့က ပြောကြားခဲ့သည်။

ထိုအကြောင်းအရာနှင့်ပတ်သက်ပြီး ရိုက်တာသတင်းဌာနက တရုတ်၏ ထိုင်ဝမ်ရေးရာရုံးကို ဆက်သွယ်ခဲ့သော် လည်း ထိုင်ဝမ်ရေးရာရုံးက မှတ်ချက်ပေးခဲ့ခြင်းမရှိပေ။

Source: ရိုက်တာ

ပုံ - ကုန်တင်သင်္ဘောကို ထိုင်ဝမ်က ဖမ်းနေစဉ်

#centralnewsnaypyitaw

ဒါဟာ အမေရိကန်ပြည်ထောင်စု၊ တက္ကဆက်ပြည်နယ်၊ ဝင်ဘာလေမြို့မှာရှိတဲ့ Jacob's Well လို့ခေါ်တဲ့ လှပပြီး လျှို့ဝှက်ဆန်းကြယ်တဲ့ သဘာဝရေထွက်ပေါက်ကြီးတစ်ခု ဖြစ်ပါတယ်။
အော်စတင်မြို့ကနေ ကီလိုမီတာ ၆၀ လောက်အကွာမှာ တည်ရှိပြီး ရေကူးသူတွေ၊ ရေအောက်လှိုဏ်ဂူ စူးစမ်းလေ့လာသူတွေကြားမှာ ရေပန်းစားတဲ့ နေရာတစ်ခုပါ။
Jacob's Well ကို အပေါ်စီးကနေ ကြည့်လိုက်ရင်တော့ အချင်း ၁၂ ပေလောက်ရှိတဲ့ ရေကန်ဝိုင်းလေးတစ်ခုလို ထင်ရပေမယ့်၊
တကယ်တမ်းမှာတော့ အဲ့ဒီအဝကနေ မီတာ ၄၀ (ပေ ၁၃၀ ကျော်) လောက်အထိ နက်ရှိုင်းတဲ့ ရေအောက်လှိုဏ်ဂူတွေဆီကို ဆက်သွယ်ထားတာပါ။
လှိုဏ်ဂူတွေဟာ ရှုပ်ထွေးတဲ့ ပုံသဏ္ဌာန်တွေနဲ့ အလျား လိုက် ဆက်လက်တည်ရှိနေပြီး၊ အချို့နေရာတွေမှာဆိုရင် ပေ ၁၀၀ ကျော်အထိ နက်ရှိုင်းတယ်လို့တောင် ဆိုကြပါတယ်။
ဒါကြောင့်လည်း အတွေ့အကြုံရင့် ရေငုပ်သမားတွေအတွက်တောင် စိန်ခေါ်မှုတစ်ခုဖြစ်နေတာပါ။
ကြည်လင်သန့်ရှင်းနေတဲ့ ရေတွေကလည်း Jacob's Well ရဲ့ ဆွဲဆောင်မှုတစ်ခုပါပဲ။ တစ်နှစ်ပတ်လုံး စီးဆင်းနေတဲ့ သဘာဝစမ်းရေတွေကြောင့် ရေတွေက အမြဲတမ်း ကြည်လင်နေပြီး၊ ရေအောက်က ရှုခင်းတွေကိုတောင် ထင်ထင်ရှားရှား မြင်နိုင်ပါတယ်။
ဒါပေမယ့် ဒီအလှတရားတွေရဲ့ နောက်ကွယ်မှာ အန္တရာယ်တွေလည်း ရှိနေပါတယ်။
Jacob's Well ဟာ အမေရိကန်မှာ အန္တရာယ်အများဆုံး ရေငုပ်နေရာတွေထဲက တစ်ခုအဖြစ် သတ်မှတ်ခံထားရပြီး၊ အတိတ်မှာ ရေငုပ်သမားတွေ အသက်ဆုံးရှုံးခဲ့ရတဲ့ ဖြစ်ရပ်တွေလည်း ရှိခဲ့ပါတယ်။
ဒါကြောင့်လည်း လက်ရှိအချိန်မှာတော့ အထူးခွင့်ပြုချက်ရထားတဲ့ သူတွေကလွဲရင် နက်ရှိုင်းတဲ့ ရေငုပ်ခြင်းကို တားမြစ်ထားတယ်လို့ဆိုပါတယ်။
#knowledge