Serum သုံးတဲ့အခါ
မှားတတ်ကြသော အမှားများ❗
Serum/Ampoule သုံးကြတယ်မလား? မှန်မှန်ကန်ကန် စိတ်ရှည်ရှည်နဲ့တော့ လိမ်းတယ်၊ ဒါပေမဲ့ ကိုယ်မျှော်လင့်သလောက် အာနိသင်ကောင်းပြန်မရဘူးဆိုရင် ဒီအမှားတွေ လုပ်နေမိလို့များ ဖြစ်မလား? Nyi တို့ Check လုပ်ကြည့်ရအောင်နော်...
1. အစီအစဉ်တကျ မလိမ်းတတ်တာ🌿
Skincare တခုရဲ့အာနိသင်ကို ပြည့်ပြည့်ဝဝရဖို့ဆိုတဲ့နေရာမှာ layering method က အရမ်းအရေးပါတယ်။ ကိုယ်သုံးနေတဲ့ products အများကြီးကို လိမ်းချင်သလို ဖင်ပြန်ခေါင်းပြန်တွေ လိမ်းတယ်၊ ဘယ် product ကတော့ ဘယ်အဆင့်မှာ ဘာလိမ်းပြီးမှလိမ်းရမယ်ဆိုတာတွေ မသိဘူးဆိုရင် skincare ရဲ့ effective result ကို fully မရနိုင်ပါဘူး။
အမြဲပြောနေကျပေမဲ့ နားလည်အောင် ပြန်ရှင်းပါရစေ၊ serum ဆိုရင် toner နဲ့ moisturizer ကြားမှာပဲ လိမ်းရမယ်နော်။ တချို့ပြောတာ တွေ့ရတယ်၊ ဒီ serum ကတော့ moisturizer လိမ်းပြီးမှလိမ်းရင် ပိုထိရောက်တယ်တဲ့။ ကိုယ်ကတော့ စိတ်ထဲက တွေးလိုက်ပါတယ်၊ ဗရုတ်သုတ်ခလို့။ Moisturizer မှာက occlusives တွေ အဆီ components တွေပါလို့ မျက်နှာပေါ်မှာ barrier တခုအနေနဲ့ အဓိကအလုပ်လုပ်တယ်။ အဲ့ moisturizer ကို အရင်လိမ်းပြီးမှ serum လိမ်းတော့ အဲ့ဒီ serum က အရေပြားအတွင်းကို သူစိမ့်ဝင်သင့်သလောက် မစိမ့်ဝင်တော့ဘူးလေ၊ moisturizer က ကြားခံနေတာကိုး။
အရှင်းဆုံးမှတ်ချင်ရင် serum/ampoule တခုက အမြဲတမ်း toner နဲ့ moisturizer ကြားမှာ လိမ်းပေးရတယ်။ အလယ်မှာ ကိုယ်က essence, serum, ampoule ခွဲသုံးရင်ပဲဖြစ်ဖြစ်၊ serum 2ခုဆင့်သုံးရင်ပဲဖြစ်ဖြစ် consistency ကျဲတဲ့တခုကို ရှေ့မှာလိမ်းပေးရပါမယ်။ Attention ရအောင် စတန့်ထွင်ပြီး ဘယ်သူက ဘယ်လိုလိမ်းရင်တော့ ပိုကောင်းတယ်ပြောပြော Nyi ရဲ့ blog readers တွေ ဒီအတိုင်းပဲ တရားသေမှတ်ထားနိုင်တယ်နော်။
2. လိမ်းတဲ့ပမာဏမမှန်တာ🌿
ထိရောက်ဖို့ အများကြီးလိမ်းဖို့ မလိုသလို နဲလွန်းပြန်ရင်လဲ မလုံလောက်တတ်ပါဘူး။ Serum/Ampoule တခုကို standard ဘယ်လောက်ပမာဏ လိမ်းပေးသင့်တယ်ဆိုပြီး Nyi တို့ အတိအလင်းပြောလို့မရဘူး။ ဘာလို့ဆို ကိုယ်မျက်နှာပေါ်တင်မယ့် amount က ကိုယ်လိမ်းတဲ့ serum အမျိုးအစား၊ ကိုယ့်မျက်နှာ condition၊ သူ့ရဲ့ texture အပျစ်အကျဲပေါ်မှာ မူတည်နေတယ်။ ဥပမာ- Peeling serum မျိုးကို Nyi တို့ အများကြီးသွားလိမ်းလို့မရဘူး၊ irritation ရမှာ သေချာသလောက်ပဲ။ အဆီပါဝင်မှုများတဲ့ serum မျိုး example, နောက်ပိုင်းမှာ တွေ့ရများလာတဲ့ အဆီတထပ် ရေတထပ် products မျိုးတွေ စသဖြင့်ပေါ့၊ အဲ့လိုမျိုးကို လိမ်းတဲ့အခါ တော်သင့်ရုံပမာဏပဲ ထိန်းထိန်းသိမ်းသိမ်း လိမ်းရမယ်၊ မဟုတ်ရင် ဝက်ခြံနဲ့အဆီဖုတွေက စောင့်ကြိုနေမှာပေါ့နော်။
Texture ပိုင်းကို ကြည့်ပြန်ရင်လဲ ရေလိုခပ်ကျဲကျဲ texture မျိုးကို တခါလိမ်းရင် မျက်နှာတပြင်လုံးစာ fully 3pumps လိမ်းလို့ ကိစ္စမရှိဘူး၊ Propolis serum လိုမျိုးကို အဲ့လောက် generously apply လုပ်မိရင်တော့ ညအိပ်တဲ့အခါ မနက်အဆီဖုမထွက်ပါစေနဲ့လို့ ဆုတောင်းပြီးတော့မှ အိပ်နော်။ ဒါ တကယ်... အပိုမပြောဘူး၊ ကိုယ့်မျက်နှာအကြောင်းနဲ့ ကိုယ့်လက်စကို ကိုယ်ပဲသိတယ်။ Product ကြောင့်မဟုတ်ဘဲ ကိုယ့်မျက်နှာ skin condition အရလဲ ထိန်းပြီးလိမ်းဖို့လိုပြန်ရော၊ အဖုတွေများနေတဲ့သူက acne serum တခုကိုတော့ သုံးနေတယ်, မထိရောက်ဘူးဆိုတာ လိမ်းတာအရမ်းများပြီး congestion ပိုဆိုးအောင် လုပ်မိနေတာမျိုး ဖြစ်နိုင်သလို over-drying & irritating ဘက်ကို လမ်းညွှန်သလိုလဲ ဖြစ်နေတတ်တယ်။
ဒါကြောင့် Nyi ဆို အမြဲတမ်း အဖုတွေဆိုးနေပြီဆိုရင် serum တွေရွှဲနေအောင်ပါတဲ့ sheet masks တွေ မသုံးသေးဖို့ သတိပေးတာပေါ့နော်။ တခါတလေမှာ များများလိမ်းတိုင်း ပိုကောင်းမယ်လို့ တိုက်ရိုက်အချိုးကျတာမျိုး မဟုတ်ပါဘူး။
3. Frequency များနေတာ🌿
Serum ဆိုတဲ့နေရာမှာ သူ့ function နဲ့အလိုက် လိုအပ်သလောက်ပဲ သုံးပေးရတယ်နော်။ ဥပမာ- peeling serum ပဲထားပါတော့၊ သူ့ကိုသုံးတဲ့အခါ Nyi တို့ ပြင်းအားပေါ်လိုက်ပြီး တပတ် 3ကြိမ်လောက်ပဲ သုံးရတယ်။ ဒါပေမဲ့ ကိုယ်ကမသိလို့ သူ့ကို နေ့တိုင်း မနက်ရောညရော လိမ်းမိနေတယ်ဆိုရင် သူ့ကောင်းကျိုးမရဘဲ ဘေးထွက်ဆိုးကျိုးတွေပဲ ရနေလိမ့်မယ်နော်။ အဲ့ဒါအပြင် တခြား Vitamin C serum, Retinol serum တို့ဆိုရင်လဲ ထိုနည်း၎င်းပဲ၊ သူ့အညွှန်းအတိုင်း သေချာလိုက်နာပြီး သုံးပေးဖို့ လိုအပ်တယ်။ Vitamin C serum ဆိုရင် တရက်တကြိမ် day/night, Retinol serum ဆိုရင် ညဘက် တပတ် 1-2ကြိမ်လောက်ပဲ လိမ်းပေးရမယ်ပေါ့နော်။ Frequency များပြီး side effects ရတာလဲ အရမ်းတွေ့ရတဲ့ skincare mistake တခုပါပဲ၊ သိထားဖို့ အရေးကြီးပါတယ်။
4. စိမ့်ဝင်ဖို့ အချိန်မပေးတာ🌿
Serum လိမ်းမယ်ဆိုလဲ ရှေ့ကလိမ်းထားတဲ့တခု လုံးဝစိမ့်ဝင်သွားတဲ့အထိ၊ skin dry ဖြစ်တဲ့ထိ စောင့်သင့်တယ်။ Serum လိမ်းပြီးလို့ နောက်က moisturizer/ တခုခုလိုက်လိမ်းတဲ့အခါလဲ serum တွေ အသားထဲကို completely absorb ဖြစ်သွားတာကို စောင့်ပေးသင့်တယ်။ ဘာကြောင့်လဲဆို skincare တခုနဲ့တခုကြား မခြောက်သေးဘဲ ထပ်လိမ်းတဲ့အခါ texture အမြုပ်ထတာ၊ စိမ့်ဝင်ဖို့ပိုကြာသွားတာတွေ ရှိတယ်နော်။ အာနိသင်လျော့ခြင်းမလျော့ခြင်းထက် သုံးတဲ့အချိန် စိတ်အနှောင့်အယှက်ဖြစ်ရတာတော့ အမှန်ပဲ။ နောက်တခု, ကိုယ်သုံးတဲ့ serum/ampoule က vitamin C serum/retinol serum/exfoliating serum မျိုးဖြစ်ခဲ့သော် skin dry မဖြစ်ခင် လိမ်းလိုက်မယ်ဆိုရင် irritation နဲ့ side effects တွေ ပိုများသွားစေလို့ ဂရုစိုက်သင့်ပါတယ်။
#crd
#reviewbynyi
#skincarereview
