MySPACE

6 w

alpha legend skin လှချက်ကတော့

Comment

6 w - Translate

အမှတ်တရ - ဂျူး
အမှတ်တရ လို့ ပြောလိုက်တာနဲ့ ဆရာမဂျူး
စာအုပ်ဖတ်တဲ့သူတွေအကုန်လုံးနီးပါးသိကြတဲ့ ဇာတ်လမ်းတစ်ပုဒ် ဝတ္ထုလေးတစ်ပုဒ်ပါပဲ ။ ဇာတ်ကောင်တွေ အခန်းတွေ များများစားစား
မပါပေမဲ့ အမှတ်တရ ဟာ ဖတ်ဖူးတဲ့လူတိုင်းရဲ့
နှလုံးသားထဲမှာ လွမ်းပြီးစွဲကျန်ရစ်တယ်။
ဇာတ်လမ်းအများကြီးမပါတဲ့ အမှတ်တရ ဟာ
မန္တလေးဆေးကျောင်းတက်နေကြတဲ့
"မောင်" ဆိုတဲ့အမည်မသိနာမ်စားလေးပိုင်ရှင်
ကောင်လေးတစ်ယောက် နဲ့ "စုစုထွေး" ဆိုတဲ့
သနပ်ခါးမလိမ်း ရုပ်ရှင်တွေ လက်ဖက်ရည်တွေကြိုက်တဲ့ စာတော်တဲ့ အရပ်ပုပု ကောင်မလေး
တစ်ယောက်ရဲ့ အချစ်ဇာတ်လမ်းပါပဲ...။
"မောင် မစဥ်းစားမိဘူးလားကွယ်
မောင် နဲ့ တစ်လလောက် ခွဲရမှာကိုပင်
မျက်ရည်ကျမိအောင် ဝမ်းနည်းထိခိုက်လွယ်
သော ကျွန်မသည်
မောင် နှင့် တစ်သက်လုံး ခွဲရလျှင်
ဘယ်လိုများ နေရစ်ခဲ့ပါ့မလဲ ဟု
မောင် နည်းနည်းမျှ
ပြန် ငဲ့မကြည့်မိဘူးလား"
နန်းရှေ့က တံတားဖြူလေးရှိတဲ့ အိမ်လေး ဟာ
မောင် နဲ့ စုစုထွေး တို့ရဲ့ ချစ်ခြင်းနေရာလေးပေါ့။
စိတ်ဆိုးတတ်တဲ့ မောင့် ကို ပေါင်မုန့် သကြားဖြူး
ကျွေးတာလည်း ဒီအိမ်မှာပဲ ၊ ကျောင်းမှာ ဖဲရိုက်နေလို့ မောင် အိမ်အပြန် နောက်ကျရင် စုစုထွေးဂီတာတီးပြီး စောင့်နေတတ်တဲ့ အိမ်လေး ။
ဖဲရှုံးရင် ကျောင်းစာအုပ်တွေပါ ပေါင်ပြီး
ရိုက်တတ်လို့ စုစုထွေးက ပြန်ရွေးပေးတိုင်း
အရှေ့ဆုံးစာမျက်နှာမှာ "J " ဆိုတဲ့ စာလေးရေးပြီး
" ဒါ မောင့် စာအုပ်မဟုတ်တော့ဘူးလေ
ချစ် စာအုပ်လို့ " မချိုမချဉ်ပြောတတ်တဲ့
"မောင်" ဟာ သူ့ရဲ့ ရိုက်စ်တာ နားကျပ် နားထောင်ခွက်ပြားလေး အောက်မှာ J ဆိုတဲ့ အနီရောင်စာလုံးလေးထွင်းထားခဲ့သည်အထိ ချစ်ခဲ့ပါသည်။
" ဘုရားသခင် ဟာ သိပ်ချစ်ရသူနှစ်ဦးကို
ဘာလို့ ကွဲစေတာပါလိမ့်...."
သိပ်အချစ်ကြီးတဲ့ စုစုထွေး
မောင့်ဆုံးဖြတ်ချက်မှား မှာ ဆိုးလို့ ငိုရင်တောင်
ကွယ်ရာမှာ ငိုခဲ့တဲ့ စုစုထွေး နဲ့ မောင် တို့ကို
ကွဲကာစေခဲ့တာ မမျှော်လင့်ပဲ ရုတ်တရက်ပေါ်လာသော မောင့်ငယ်ချစ်ဦး လား ။
ချစ်လွန်းလို့ သိရက်နဲ့တောင် မျက်စိနဲ့တွေ့တာတောင် အဏ္ဏဝါ အအေးဆိုင် ထဲ မှာ
ဟန်ဆောင်နိုင်ခဲ့တဲ့ စုစုထွေးကြောင့်ပဲလား ။
တစ်ယောက်ခြေလှမ်း တစ်ယောက်သိနေလို့
တွေဝေစွာဖြစ်ခဲ့တဲ့ မောင် ကြောင့်ပဲလေလား ။
"အစစအရာ ဆန့်ကျင်နေတဲ့ နှစ်ဦးအတွက်
တစ်သက်တာ ခွဲခွါရခြင်းသည် သိပ်တော့
အံ့သြစရာ မရှိဘူး ထင်ပါရဲ့လေ"
စုစုထွေး ဟာ မောင့်ကိုသိပ်ချစ်ခဲ့တယ်။
မောင် ဟာ တစ်ခြားသူတစ်ယောက်နဲ့
လက်ထပ်သွားခဲ့တာတောင် မောင်နဲ့အတူတူ
နေခဲ့ဖူးတဲ့ နန်းရှေ့ကအိမ်လေးကို ပိုင်ရှင်ဆီပြန်
မအပ်ရက်ပဲဆက်ငှါးခဲ့တယ်၊ အိမ်ခန်းလေးအတွင်းမှာလည်းမောင့်အခန်းမှာ နာမည်ကတ်လေး
ချိတ်ထားဆဲပဲ။
မောင့်အင်္ကျီ ၊ ရေလဲပုဆိုး က အစ
ဖဲချပ်ဟောင်းလေးတွေ အထိ သိမ်းထားခဲ့တယ် ၊ မောင့်ကို လွမ်းတိုင်း အိမ်လေးဆီ အလည်လာပြီး အလွမ်းဖြေတယ် ၊ မောင့်ကို တမ်းတစိတ်နဲ့ စိုးရိမ်စိတ်ကြောင့် ဗေဒင်တွေမေးပြီး ယတြာတွေလည်း
ချေခဲ့ဖူးတယ်။တစ်ယောက်ထဲ လွမ်းဆွေး
နာကျင်နေရတဲ့အချိန်မှာ မောင် ကတော့ ချစ်ဇနီးနဲ့ နှစ်ခြိုက်စွာ အိပ်မောကျနေလောက်မှာပေါ့။
မောင့်ကို ထားပစ်ခဲ့မှ...လို့
တစ်ခွန်းအပြောင်အပျက် ပြောဖူးတာတောင်
" ထားရဲရင် ထားပစ်ကြည့်လေ.....ဘယ်ကမ္ဘာ
ရောက်ရောက် နင့်ကို လိုက်သတ်ပစ်မယ်
ကြားလား..." လို့ ပြောခဲ့တဲ့မောင် ဟာ စုစုထွေးကို ဘာကြောင့်များ ထား ရက်ခဲ့တာပါလိမ့်။
အမှတ်တရ ဟာ နန်းရှေ့က အိမ်လေးကြောင့်
ပိုပြီး လွမ်းဆွတ်ရတယ် ။ မောင် ဆိုတဲ့
အမည်မသိနာမ်စားကြောင့် စိတ်ဝင်စားရတယ်။
မောင် နဲ့ စုစုထွေး ရဲ့ ဆေးတက္ကသိုလ်ထဲက
ချစ်ခြင်းပုံပြင်ကြောင့် ကြည်နူးရတယ် လွမ်းဆွတ်
ရတယ်။ စုစုထွေး ရဲ့ ခံစားချက်စကားလုံးတွေကြောင့် မျက်ရည်ဝဲရတယ်၊
"ဘယ်လိုပဲဖြစ်ခဲ့ဖြစ်ခဲ့မောင့် ချစ်သူ ဟာ
ကျွန်မဖြစ်ခဲ့တဲ့ အတွက် ကျေနပ်ပါတယ် တဲ့။"
အချိန်ဘယ်လောက်ကြာကြာ ပြန်ဖတ်တိုင်း
အမှတ်တရ ကတော့ ရင်ထဲမှာ အမှတ်တရ
ဖြစ်နေမှာပါ။ မောင်ပေးခဲ့တဲ့ အိပ်မက်လှလှလေးတွေဟာ စုစုထွေးကို သာမက စာဖတ်သူတွေကိုပါ အမှတ်တရဖြစ်စေခဲ့ပါတယ်.....။
အိပ်မက်ကလေး လှပ ခဲ့တဲ့အတွက်
ကျေးဇူး အမြဲတင်နေတော့မှာပါ....
[ အမှတ်တရ က true story ဟုတ် မဟုတ်ကိုတော့ ဆရာမဂျူး ရဲ့ အမြုတေမှာ ဖြေထားတာကို
ဖတ်ရှုလို့ရပါတယ်

Comment

6 w - Translate

မိန်းမတစ်ယောက်ရဲ့ ဖွင့်ဟဝန်ခံချက် - ဂျူး
" ယောကျ်ားတွေကို တန်ဖိုးမထားတတ်တဲ့ နှင်းက
သူ့ကို ဘယ်လိုရွေးခဲ့သလဲ၊အချစ်နဲ့ ရွေးခဲ့တာလား"
" ဘယ်ဟုတ်မလဲ ကိုယ့်အိမ်ထောင်ရေးမှာ
အချစ်ဟာ အောက်ဆုံးအဆင့်မှာ ရှိတယ် "
ယုမော် နဲ့ သက်နှင်းအိမ် ။ ဆရာမဂျူး ရေးခဲ့တဲ့ စာအုပ်တွေထဲက လူသိများတဲ့ ဇာတ်လမ်းတစ်ပုဒ်ပေါ့ ။ ဇာတ်ကောင် နှစ်ယောက်ရဲ့ အားပြိုင်မှုတွေက စာဖတ်တဲ့သူတွေကိုလည်း အားပြိုင်မှုတွေ ဖြစ်စေခဲ့တာ ။ သက်နှင်းအိမ် မှန်တယ်ထင်တဲ့ သူတွေနဲ့
ယုမော် ကို သနားမိကြသူတွေ ။
ဝတ္ထုကိုရော ရုပ်ရှင်ကိုရော အကြိမ်ကြိမ်ကြည့်ပြီး ဖတ်ပြီးတဲ့အထိ နားမလည်နိုင်ဆုံး စိတ်အပျက်
ရဆုံး ဇာတ်ကောင်ကတော့ သက်နှင်းအိမ် ပါပဲ ။
သက်နှင်းအိမ် ဟာ ယုမော်ကို အမျိုးမျိုး အရှက်သိက္ခာကျအောင် လုပ်ခဲ့တဲ့ သူ ။
ပထမဆုံး ယုမော်ကို ကြောင်တောင်နှိုက်တဲ့သူ အဖြစ် ရောက်အောင် လုပ်ခဲ့တာ ။
တခြား အမျိုးသားတစ်ယောက် နဲ့ လက်ထပ်ရတော့မဲ့သူက ယုမော် ကို မာယာတွေ သုံးပြီး ချဉ်းကပ်ခဲ့တာ ။
သူ့ အိမ်ထောင်ရေးမှာ အချစ်ဟာ အောက်ဆုံး
အဆင့်မှာရှိတယ် ပြောပြီး အချစ်ကြောင်း
ကြီးကြီးကျယ်ကျယ်တွေ ပြောနေတာကတော့ ရယ်စရာကောင်းနေရော ။ မောင့်ခြေဖဝါးက
ဖုန်မှုန့်ကအစ နမ်းဝံ့သူဆိုပါလား ။
ယုမော်က ပညာတွေသင်ဖို့ နိုင်ငံခြားသွားမယ် လိုက်နိုင်မလား မေးတော့ ကျေကျေနပ်နပ်ကြီး လက်ခံ
ခဲ့တဲ့သူကလည်း သူပဲ ။ တကယ်သွားရတော့မှ
မလိုက်ဘူးပြောတာလည်း သူပဲ ။
ပတ်ဝန်းကျင်ကို ဂရုမစိုက်ဘူး ပြောပြီး ပတ်ဝန်းကျင် ရဲ့ ယုမော်ကို အသုံးမကျဘူး မိန်းမ ထဘီနား ခိုစားတဲ့ကောင် လို့ ပြောစကားတွေကို မသိစိတ်က မှတ်ပြီး ထင်ခဲ့တာလည်း သူပဲ ။
သူ့ ဇနီးကို တင့်တင့်တယ်တယ် ဖြစ်မှ လက်ထပ်
ယူမယ် လို့ ပြောတာကို လက်မခံ ဘဲ ဇွတ် လက်ထပ်ချင်နေလွန်းတဲ့ သက်နှင်းအိမ် ဆိုတဲ့ ဒေါက်တာ
တစ်ယောက် ။
သူထင်ရာ ဇွတ်လုပ်နေတဲ့ သက်နှင်းအိမ် ကို မြင်ရတာ ရယ်ချင်စရာ ကောင်းသလို ၊ ဒေါသဖြစ်ချင်စရာပဲ ။
ယုမော် ကို သေမတတ် ချစ်နေတာလည်း သူပဲ
ရူးမတတ် လက်ထပ်ချင်နေခဲ့တာလည်း သူပဲ
နောက်ဆုံး ခါးခါးသည်းသည်း မုန်းတယ်တဲ့လေ ။
သူ့ ရဲ့ စိတ်အပြောင်းအလဲ မြန်မှုအောက်မှာ
ကိုအောင် လည်း အရှက်ရခဲ့ရတယ် ၊ ယုမော်လည်း သိက္ခာကျခဲ့ရတယ် ။
ယုမော် ရဲ့ ခံစားချက်ကို နားလည်ပေးနိုင်တယ် ။
လူများ ရဲ့ ကြာခိုတဲ့လူ ၊ ချူစားမဲ့ လူ လို့ ပြောစကားတွေ ကြားမှာ သက်နှင်းအိမ် ကို ချစ်စိတ် နဲ့ မခွဲနိုင်လို့ လက်ထပ်ပေးခဲ့ရတယ် ။
သူ့ကို အထင်သေးတဲ့ အသိုင်းအဝိုင်းကနေ စွန့်ခွါပြီး သူ့ဘဝ မြင့်မားတဲ့အထိ ပညာနဲ့ ကြိုးစားမယ်လို့ ရည်မှန်းထားတဲ့ ယုမော် ။ ဖြစ်ချင်တဲ့အတိုင်း ဖြစ်အောင် လုပ်တဲ့ ယုမော် ။ ယုမော်ကို ဒေါသထွက်မိတာကတော့ သက်နှင်းအိမ် နဲ့ လက်ထပ်ပြီး သူ့အမေ ကို အသိမပေးခဲ့တာပါပဲ ။
ဒါပေမဲ့ သူ့သားတစ်ယောက် သူများရည်းစား ခိုးတဲ့ လူလို့ အစွပ်စွဲခံရပြီး အရှက်ခွဲခံရတဲ့ သားတစ်ယောက် ရဲ့ အမေ အနေနဲ့ သက်နှင်းအိမ် ကို သဘော မတူတာ ဖြစ်သင့်ပါတယ် ။ လူအားလုံး သိက္ခာကျအောင် သိက္ခာမရှိတဲ့ လုပ်ရပ်ကို လုပ်ခဲ့တာ
သက်နှင်းအိမ် လေ ။
မောင်နဲ့ နီးစပ်ဖို့ ကိုယ့်ဘက်က ခြေလှမ်း လှမ်းခဲ့ပေမယ့် မောင့်ဘက်က ဘယ်နှလှမ်း လှမ်းခဲ့ဖူးလို့လဲ လို့ မေးတဲ့ သက်နှင်းအိမ် ကယုမော် လှမ်းလာခဲ့တဲ့ ခြေလှမ်းတွေကို မေ့လျော့နေခဲ့တယ် ထင်ပါရဲ့ ။
သက်နှင်းအိမ် နဲ့ ပေါင်းဆုံဖို့ ယုမော် ဟာ
မော်လမြိုင်အထိ လှမ်းလာခဲ့တယ် ။ နီးစပ်ဖို့အတွက် ယုမော်ရဲ့ အကြီးမားဆုံး အလှမ်းခဲ့ဆုံး ခြေလှမ်းကတော့ အများတကာ ရဲ့ ကြာခိုကောင်လို့ အပြောခံ ခဲ့ပြီး သက်နှင်းအိမ်ကို လက်ထပ်ခဲ့တာပါပဲ ။
စာအုပ်ထဲက ဇာတ်ကောင်တွေကိုကတော့ စာဖတ်သူတွေက အမျိုးမျိုး ထင်ကြ သူတို့သဘောကျရာ ခံစားရာ ဇာတ်ကောင်ဘက်က ရပ်တည်ကြမှာပဲ ။
သူကမှ အမှန် ၊ ငါကမှ အမှန်တော့ လုပ်လို့မရဘူး။ သူ့အတွေးနဲ့ သူ ၊ သူ့ခံစားချက် နဲ့ သူကိုး ။
သက်နှင်းအိမ် ရဲ့ မိန်းမ မာန ကို သဘောကျမဲ့သူတွေ ရှိနိုင်သလို ၊ ယုမော် ရဲ့ ယောကျ်ား သိက္ခာ နဲ့
ပညာမက်မောမှုတွေကို သဘောကျမဲ့သူတွေ ရှိမှာပဲ။
ဒီ ဝန်ခံချက်ကို ဖတ်ပြီးရင်တော့ အိမ်ထောင်
တစ်ခုကို အချစ်တွေနဲ့ပဲ ထူထောင်လို့မရဘူးဆိုတာရယ် ၊ နားလည်မှု ထားကြပြီး မာနတွေ
လျှော့ရမယ် ဆိုတာ မြင်လာမိမယ် ထင်ပါရဲ့ ။
မာန တွေ ၊ သဘောထားမတိုက်ဆိုင်မှု ၊
နားမလည်မှုတွေကြောင့် ကွဲကွားသွားကြရတဲ့ အိမ်ထောင် တစ်ခု အကြောင်းပေါ့ ။
သက်နှင်းအိမ် ရဲ့ ခံစားချက်ဘက်ကနေ ရေးထားလို့ သူ့ရဲ့ စကားလုံးတွေရဲ့ နောက်မှာ တခါတခါ
မျောသွားပေမဲ့ ယုမော်ကို စာနာမိတာတော့
အမှန်ပါပဲ ။
#ဂျူး
#မိန်းမတစ်ယောက်ရဲ့ဖွင့်ဟဝန်ခံချက်