Discover postsExplore captivating content and diverse perspectives on our Discover page. Uncover fresh ideas and engage in meaningful conversations
A sanctuary of peace, calm, and comfort. Home sweet home 🌱🕯️
+6
ထိုင်းသံရုံးက ကြီးမှူးကျင်းပသည့် တော်ဝင်ကထိန်သင်္ကန်းဆက်ကပ်လှူဒါန်းပွဲသို့ မြန်မာသံအမတ် တက်ရောက်
မလေးရှားနိုင်ငံ၊ ဆီလန်ဂေါပြည်နယ်ရှိ Thai Buddhist Chetawan Temple ၌ နိုဝင်ဘာ (၁၀) ရက်က ထိုင်းသံရုံးမှ ကြီးမှူးကျင်းပသည့် တော်ဝင်ကထိန်သင်္ကန်းဆက်ကပ်လှူဒါန်းပွဲသို့ မလေးရှားနိုင်ငံဆိုင်ရာ မြန်မာသံအမတ်ကြီး တက်ရောက်ခဲ့ကြောင်း နိုင်ငံခြားရေးဝန်ကြီးဌာန ထုတ်ပြန်ချက်အရ သိရသည်။
အဆိုပါ ကထိန်သင်္ကန်းဆက်ကပ်လှူဒါန်းပွဲတွင် ထိုင်းဘုရင် His Majesty King Maha Vajiralongkorn Phra Vajirakl aochaoyuhua မှ လှူဒါန်းသည့် သင်္ကန်းများအား သံဃာတော်များထံသို့ ဆက်ကပ်လှူဒါန်းခဲ့ကြကြောင်း သိရသည်။
ယင်းအခမ်းအနားသို့ ထိုင်းနိုင်ငံခြားရေးဝန်ကြီးဌာန၊ ဒုတိယအမြဲတမ်းအတွင်းဝန် H.E. Paisan Rupanichkij နှင့် ကွာလာလမ်ပူမြို့အခြေစိုက် ထိုင်း၊ ဗီယက်နမ်၊ လာအို၊ ကမ္ဘောဒီးယားနှင့် သီရိလင်္ကာသံရုံးများမှ သံအမတ်ကြီး/ မဟာမင်းကြီးများနှင့် ၎င်းတို့၏ ဇနီးများလည်း ပါဝင်တက်ရောက်ခဲ့ကြောင်း သိရသည်။
၂၀၂၄ ခုနှစ် မြန်မာ့ရုပ်ရှင်ထူးချွန်ဆု (အကယ်ဒမီ) ချီးမြှင့်ပွဲကို လာမည့် ဖေဖေါ်ဝါရီလတွင် နေပြည်တော်၌ ကျင်းပမည်
၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆုချီးမြှင့်ပွဲ အခမ်းအနားကို ၂၀၂၅ ခုနှစ်၊ ဖေဖော်ဝါရီလတွင် ပြည်ထောင်စုနယ်မြေ နေပြည်တော်၌ ကျင်းပပြုလုပ်ရန် စီမံထားကြောင်း ပြန်ကြားရေးဝန်ကြီးဌာနမှ သိရသည်။
မြန်မာ့ရုပ်ရှင်ထူးချွန်ဆု ချီးမြှင့်ပွဲ အခမ်းအနား အောင်မြင်စွာကျင်းပရေး လုပ်ငန်းညှိနှိုင်းအစည်းအဝေးကို နိုဝင်ဘာ (၁၀) ရက်က ရန်ကုန်မြို့၊ ဗဟန်းမြို့နယ်ရှိ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ရုပ်ရှင်မြှင့်တင်ရေးဌာနခွဲအစည်းအဝေးခန်းမ၌ ကျင်းပခဲ့ရာ ပြည်ထောင်စုဝန်ကြီး ဦးမောင်မောင်အုန်း တက်ရောက်ခဲ့ကြောင်း သိရသည်။
မြန်မာ့ရုပ်ရှင် ထူးချွန်ဆုများ ချီးမြှင့်ရေးနှင့် ပတ်သက်၍ ရသင့်ရထိုက်သည့် အနုပညာရှင်များ ရရှိစေရေး ဆုများ အကဲဖြတ် စိစစ်ရေးအဖွဲ့ကို စနစ်တကျ ဖွဲ့စည်းတာဝန်ပေးအပ်ရန် ပြည်ထောင်စုဝန်ကြီးက မှာကြားခဲ့ကြောင်း သိရသည်။
အဆိုပါ စိစစ်ရေးအဖွဲ့တွင် အတ္တစွဲကင်းကင်း၊ ပုဂ္ဂိုလ်စွဲကင်းကင်းဖြင့် ရွေးချယ်ပေးမည့် ပုဂ္ဂိုလ်များအား တာဝန်ပေးအပ်ရန်လိုပြီး အထူးသဖြင့် ၂၀၂၄ ခုနှစ်တွင် ရုံတင်ပြသခဲ့သော ရုပ်ရှင်ဇာတ်ကားများ၌ ပါဝင်ခဲ့သည့် ပုဂ္ဂိုလ်များနှင့် ရုပ်ရှင်ထူးချွန်ဆု ချီးမြှင့်ခံရနိုင်ဖွယ်ရှိသည့် ပုဂ္ဂိုလ်များကို အစကတည်းကပင် ဆုများအကဲဖြတ် စိစစ်ရေးအဖွဲ့တွင် တာဝန်ပေးအပ်ရန် မပြုသင့်ကြောင်း ၎င်းက ဆက်လက်ပြောကြားသည်။
၎င်းတို့အား အကဲဖြတ်စိစစ်ရေးအဖွဲ့ တာဝန်ပေးအပ်ပါက မလိုလားအပ်သည့် အထင်အမြင်လွဲမှားမှုများ ကြုံတွေ့ရနိုင်ပြီး ယခုကျင်းပမည့် မြန်မာ့ရုပ်ရှင် ထူးချွန်ဆုချီးမြှင့်ပွဲ အခမ်းအနားကြီးကို ပြန်ကြားရေးဝန်ကြီးဌာနနှင့် မြန်မာနိုင်ငံရုပ်ရှင်အစည်းအရုံးတို့က တာဝန်ယူ၊ တာဝန်ခံစိတ်ဖြင့် အောင်မြင်စွာ ကျင်းပသွားမည်ဖြစ်ကြောင်း ပြည်ထောင်စုဝန်ကြီးက ဆိုသည်။
ရုပ်ရှင်ထူးချွန်ပွဲ ချီးမြှင့်ပွဲ အခမ်းအနားကို ယခင်နှစ်ကျင်းပခဲ့သည့် အစဉ်အလာအတိုင်း ခမ်းနားတင့်တယ်စွာ ကျင်းပနိုင်ရေး သက်ဆိုင်ရာ ပုဂ္ဂိုလ်များအနေဖြင့် လိုအပ်သည်များ ကြိုတင်ပြင်ဆင်ထားရှိစေလိုကြောင်းလည်း ပြောကြားခဲ့ကြောင်း သိရသည်။
ဆက်လက်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ညွှန်ကြားရေးမှူးချုပ်နှင့် မြန်မာနိုင်ငံရုပ်ရှင် အစည်းအရုံးဥက္ကဋ္ဌ ဦးကြည်စိုးထွန်းတို့က ယခင်နှစ်ကျင်းပခဲ့သည့် အခမ်း အနားမှ ရရှိခဲ့သော အားသာချက်/အားနည်းချက်များ၊ ယခုအခမ်းအနားအတွက် တာဝန်ခွဲဝေဆောင်ရွက်မည့် အစီအစဉ် များကို ရှင်းလင်းတင်ပြပြီး ပြန်ကြားရေးဝန်ကြီးဌာန ပြည်ထောင်စုဝန်ကြီးက ညှိနှိုင်းပေါင်းစပ်ပေးခဲ့ကြောင်း သိရသည်။
ခြေစမ်းပွဲ ကစားမည့် ပဏာမ မြန်မာ့လက်ရွေးစင် အမျိုးသမီး ဖူဆယ်အသင်း ထိုင်းနိုင်ငံသို့ ယနေ့ ထွက်ခွာ
အာဆီယံ အမျိုးသမီး ဖူဆယ်ချန်ပီယံရှစ် ပြိုင်ပွဲမတိုင်မီ ကြိုတင် ပြင်ဆင်သည့်အနေဖြင့် ပဏာမ မြန်မာ့လက်ရွေးစင် အမျိုးသမီးဖူဆယ်အသင်းသည် ခြေစမ်းပွဲယှဥ်ပြိုင်ရန် ထိုင်းနိုင်ငံသို့ ယနေ့ နိုဝင်ဘာ (၁၁) ရက် နံနက်ပိုင်းက ထွက်ခွာသွားပြီဖြစ်ကြောင်းသိရသည်။
ပဏာမ မြန်မာ့လက်ရွေးစင် အမျိုးသမီး ဖူဆယ်အသင်းသည် ထိုင်းနိုင်ငံတွင် လေ့ကျင့်မှုများ ပြုလုပ်ပြီး ခြေစမ်းပွဲ (၁) ပွဲ ကစားပြီးနောက် နိုဝင်ဘာ (၁၄) ရက်တွင် ပြိုင်ပွဲကျင်းပရာ ဖိလစ်ပိုင်နိုင်ငံသို့ သွားရောက်မည်ဖြစ်သည်။
ဖိလစ်ပိုင်နိုင်ငံက အိမ်ရှင်အဖြစ် လက်ခံကျင်းပမည့် အာဆီယံ အမျိုးသမီး ဖူဆယ်ချန်ပီယံရှစ် ပြိုင်ပွဲကို နိုဝင်ဘာ (၁၆) ရက်မှ (၂၁) ရက်အထိ ပြုလုပ်သွားမည်ဖြစ်သည်။
မြန်မာ့လက်ရွေးစင် အမျိုးသမီး ဖူဆယ်အသင်းသည် ၂၀၂၄ အာဆီယံ အမျိုးသမီးဖူဆယ် ချန်ပီယံရှစ် ပြိုင်ပွဲအဖြစ် နိုဝင်ဘာ (၁၆) ရက် မြန်မာစံတော်ချိန် ညနေ (၅) နာရီခွဲတွင် အိမ်ရှင် ဖိလစ်ပိုင်၊ နိုဝင်ဘာ (၁၇)ရက် မြန်မာစံတော်ချိန်နေ့လယ် (၂)နာရီခွဲတွင် ဗီယက်နမ်၊ နိုဝင်ဘာ (၁၈) ရက် မြန်မာစံတော်ချိန် ညနေ (၅)နာရီခွဲတွင် ထိုင်း၊ နိုဝင်ဘာ (၁၉)ရက် နေ့လယ် (၂)နာရီခွဲတွင် အင်ဒိုနီးရှားအသင်းတို့နှင့် ယှဉ်ပြိုင်ကစားရမည်ဖြစ်သည်။
ပြိုင်ပွဲအား (၅)သင်း အုပ်စုပတ်လည်စနစ်ဖြင့် ကစားသွားမည်ဖြစ်ပြီး အုပ်စု ပထမနှင့် ဒုတိယရအသင်းသည် ဗိုလ်လု ပွဲအဖြစ် လည်းကောင်း၊ အုပ်စု တတိယနှင့် စတုတ္ထရအသင်းသည် တတိယလုပွဲအဖြစ်လည်းကောင်း ကစားသွားမည်ဖြစ်သည်။
အာဆီယံ အမျိုးသမီး ဖူဆယ်ချန်ပီယံရှစ် ပြိုင်ပွဲ၏ ဗိုလ်လုပွဲနှင့် တတိယလုပွဲကို လာမည့်နိုဝင်ဘာ (၂၁) ရက်တွင် ယှဥ်ပြိုင်သွားမည်ဖြစ်သည်။
ဘုံကထိန်သီချင်းတွေပြီးရင်
ရေစက်ချလို့ပြီးပါပြီတွေလာတော့မယ်
ကြက်အစာဈေးနှုန်း မြင့်မားမှုကြောင့် ကြက်ဥဈေးများ မြင့်လာ
နိုဝင်ဘာ ၁၁
မြန်မာနိုင်ငံတွင် လတ်တလော ကြက်အစာဈေးနှုန်းများ မြင့်မားနေမှုကြောင့် ကြက်ဥ ဈေးနှုန်းများလည်း မြင့်တက်လာခဲ့ကြောင်း ကြက်ခြံများနှင့် ကုန်စည်ဒိုင်များထံမှ သိရသည်။
ကြက်အစာများကို ပြည်ပမှ တင်သွင်းနေရခြင်းကြောင့် လက်ရှိတွင် ကြက်အစာဈေးနှုန်းများ အဆမတန် မြင့်တက်လာကြောင်း၊ ထို့နောက် ကြက်မွေးမြူရာတွင် ဆုံးရှုံးမှုများ ရှိနေသည့်အတွက် တချို့သော ကြက်မွေးမြူ ရေးခြံများ ရပ်နားခဲ့ရသည့်အတွက် ဈေးကွက်အတွင်း ကြက်ဥ လိုအပ်ချက် ဖြစ်ပေါ်ခဲ့ကြောင်း သိရသည်။
ထို့နောက် ကြက်ဥဈေးနှုန်း မြင့်တက်လာသည့် အခြေအနေကို ရောက်ရှိလာကြောင်း ကြက်မွေးမြူသူများက ပြောသည်။
လက်ရှိတွင် ဈေးကွက်အတွင်း ကြက်ဥတစ်လုံးလျှင် ၅၀၀ ကျပ် ဖြစ်ပေါ်နေသော်လည်း ကြက်ခြံများတွင် ၃၈၀ ကျပ်သာ ရရှိသေးကြောင်း၊ ယခင်က ကြက်ဥ တစ်ပိဿာလျှင် ၇၀၀၀ ကျပ်သာ ရှိသော်လည်း လက်ရှိတွင် ၁၀,၀၀၀ ကျပ် ဖြစ်ပေါ်နေသည်ဟု ရန်ကုန်တိုင်းဒေသကြီး၊ ထောက်ကြန့်မြို့နယ်မှ ဥစားကြက်မွေးမြူရေး လုပ်ငန်းရှင် ဦးထွန်းငွေက ပြောသည်။
၎င်းက “ကြက်အစာဈေးတွေ ရယ်ဒီမိတ်အစာတွေ ဝယ်ပါတယ်။ ဝယ်တဲ့အခါကျတော့ အဆမတန် ဈေးတက် တယ်။ အဆမတန် ဈေးတက်တဲ့အခါကျတော့ ကြက်မွေးတဲ့သူတွေက အစာဈေးတက်တော့ သူတို့မှာ အရှုံးပေါ်နေ ကြတယ်။ အခု ကြက်တွေ မမွေးနိုင်တဲ့သူတွေ ရှိမယ်။ ခြံပြုတ်သွားတဲ့သူတွေ ရှိမယ်။ အဲဒီအချိန်မှာ ကြက်ဥနည်း နည်း ရှားလာတဲ့အခါကျတော့ ကြက်ဥဈေးက မြန်မာပြည်မှာ သိတဲ့အတိုင်းပဲ ပစ္စည်းရှားရင် ဈေးက ခုန်တက် တယ်။ အဲဒီတက်တဲ့ဟာလောက်မှ ကြက်သမားတွေ အမြတ်လောက်နဲ့ ကွက်တိ သွားကျတာ။ ဒီအတိုင်းဆိုရင် အများကြီး တက်တာတော့ မဟုတ်သေးဘူး။ ကြက်ဥတစ်လုံးကို ၄၀၀ ဝန်းကျင်တောင် ခြံသမားတွေ မရသေးဘူး။ ၃၈၀ လောက်ပဲ ရသေးတယ်။ အဲဒါကြောင့်မို့လို့ ကြက်ဥဈေး တက်လာတာ မဟုတ်ဘူး။တခြားဟာတွေ အကုန် လုံး တက်နေတဲ့အတွက် ကြက်ဥဈေးက တက်တာ နောက်ကျနေတာ အဲဒီသဘောပဲ ပြောလို့ရတယ်။ ကြက်ဥဈေး ကလည်း အခုဆိုရင် ၁၀,၀၀၀ ဈေး ခေါ်တာပေါ့။ ကြက်ဥ ၁ ပိဿာကို ၁၀,၀၀၀ ပေါ့၊ ၁ ပိဿာမှာ ၂၇ လုံးလောက် ဆံ့ပါတယ်။ အရင်တုန်းကဆို ၇၀၀၀ လောက်ပဲ ရပါတယ်။ အရင်ဆိုတာက လွန်ခဲ့တဲ့ ၁ လကျော်ကျော်လောက် ၇၀၀၀ လောက်ပဲ ရတယ်။ အဲဒါကျတော့ အရမ်းနည်းတယ်။ အဆင်မပြေဘူး” ဟု ပြောသည်။
ပြီးခဲ့သည့် သြဂုတ်လကုန်ပိုင်းတွင် ကြက်ဥ တစ်လုံး ကျပ်(၄၅၀)အထိ ဈေးနှုန်းမြင့်တက်ခဲ့ပြီး စက်တင်ဘာလတွင် တစ်လုံး ကျပ် ၃၀၀ အထိ ကျဆင်းသွားခဲ့သည်။
ထိုကာလတွင် ဥစားကြက် မွေးမြူသူများ အရှုံးနှင့် ရင်ဆိုင်ခဲ့ရပြီး လက်ရှိတွင် ၄၅၀ ကျပ်မှ ၅၀၀ ကျပ်သို့ ပြန်လည် မြင့်တက်လာသည်ကို တွေ့ရသည်။
ထို့ကြောင့် လက်ရှိဖြစ်ပေါ်နေသည့် ဈေးနှုန်းများအရ ကြက်မွေးမြူရေးလုပ်ငန်းများအတွက် အကျိုးအမြတ် ကျန်ရှိသည့် အတိုင်းအတာ ဖြစ်လာသည်ဟု ဥစားကြက်မွေးမြူရေးလုပ်ငန်းရှင် ကိုမင်းက ပြောသည်။
“အခု ရှုံးတဲ့အနေအထား မရှိတော့ဘူး။ အခုဆိုရင် အကျိုးအမြတ် အတိုင်းအတာလေးတစ်ခုတော့ ကျန်တယ်။ ကြက်ဆိုတဲ့အမျိုးက အသက်နဲ့ သတ္တဝါတွေ ကျန်းမာရေးစောင့်ရှောက်မှု ဘာညာ အကုန်လုံးပေါ့ လုပ်ရတဲ့အခါ ကျတော့ အမြတ်က ၁၀ ရာခိုင်နှုန်း၊ တခြားကုန်တွေလို ၅ ရာခိုင်နှုန်း၊ ၇ ရာခိုင်နှုန်းဆိုပြီး အဲဒီလိုမျိုး တွက်လို့ မရဘူး။ သူက အနည်းဆုံးက ၂၀ ရာခိုင်နှုန်းလောက် မြတ်နေမှ သူတို့ အရှုံးနဲ့ အလုပ်သမားစရိတ်တွေ ကာမိမှာ လေ။ အခုက အဲဒီဟာလောက်တောင် မကျန်ချင်ဘူး အရင်တုန်းက။ အရင်းသာသာလောက် အဲဒီလိုပဲ သွားကြ တယ်။ သွားကြတဲ့အခါကျတော့ သူတို့က ရှုံးတယ်။ အခု အနေအထားဆိုရင်တော့ ကြက်ဥတစ်လုံးကို ၃၈၀ လောက် ရရင်တော့ သူတို့က အကျိုးအမြတ် နည်းနည်း ရှိတယ်ပေါ့နော်။ အလုပ်သမားအတွက်လည်း ကာမိတယ်။ ကိုယ့်အတွက်လည်း ကျန်တယ်ပေါ့။ မွေးမြူလို့ နည်းနည်း မွေးမြူလို့ ကောင်းတဲ့ အနေအထား ရှိတာပေါ့” ဟု ပြောသည်။
ကြက်အစာဈေး မြင့်တက်မှုကြောင့် ကြက်ဥဈေး မြင့်တက်လာသည့်အတွက် စားသုံးနေသူများအပေါ်တွင် ထိခိုက်မှုရှိလာပြီး ကြက်အစာဈေးနှင့် ကုန်ကြမ်းများကို ဈေးချပေးနိုင်မည်ဆိုပါက ကြက်ဥဈေးနှုန်းများလည်း ကျဆင်းလာမည် ဖြစ်သည့်အတွက် သက်ဆိုင်ရာဌာနဆိုင်ရာများက လုပ်ဆောင်ပေးရန်အတွက် လိုအပ်သည်ဟု ကြက်မွေးမြူရေးလုပ်ငန်းရှင်များနှင့် စားသုံးသူပြည်သူများက သုံးသပ်ပြောဆိုသည်။
ပုံ - ကြက်မွေးမြူရေးလုပ်ငန်းတစ်ခု
#centralnewsnaypyitaw
ဘော့ပင်လဲထည့်တော့ဘူး
ဘာမှလဲထည့်တော့ဘူး နိုနဲ့တော့နော်
တစ်တစ်...😑
ဘော့ပင်လဲထည့်တော့ဘူး
ဘာမှလဲထည့်တော့ဘူး နိုနဲ့တော့နော်
တစ်တစ်...😑
ဘော့ပင်လဲထည့်တော့ဘူး
ဘာမှလဲထည့်တော့ဘူး နိုနဲ့တော့နော်
တစ်တစ်...😑
