Studio Ghibli ပုံစံပဲ ထုတ်ပေးနိုင်တယ်ဆိုပြီး ပျော်နေရင် အလိမ်မိတော့မှာပါ 🫠
.
ChatGPT ကနေ တနေ့တုန်းက GPT-4o Image Generation Feature အသစ်ကို မိတ်ဆက်လိုက်တယ်။ ဒါက AI တွေကို ပုံထုတ်ခိုင်းတဲ့ Feature ဖြစ်ပေမယ့် လုံးဝ Next Level ဖြစ်သွားတာပါ။
ဘာကြောင့်လဲဆိုရင် 4o Image Generation က ပုံထုတ်တဲ့အချိန်မှာ စာသားတွေကို လုံးဝမှန်ကန်အောင် ထုတ်ပေးနိုင်တယ်။ ဟိုးအရင်တုန်းက AI တွေကို ပုံထုတ်ခိုင်းရင် စာတွေ တလွဲဖြစ်နေတယ်ဆိုတာက ဒီ 4o Image Generation ခေတ်မှာ လုံးဝ ပျောက်သွားတာပါ။
ဒါပေမယ့် အခုဘာဆိုးကျိုးဖြစ်နေသလဲဆိုရင် ဒီ​ ChatGPT ကိုခိုင်းပြီး Bank Slip တွေ၊​ Payment Transfer Screenshot တွေကို အစစ်နဲ့ ခွဲမရလောက်တဲ့အထိ တူတဲ့ အတုတွေထုတ်နိုင်နေတာဖြစ်ပါတယ်။ ပုံမှန်က Photoshop နဲ့လုပ်ရင်တောင် အချိန်ပေးရ၊ တူတဲ့ Font Design | Size | Width တွေကအစ တူအောင်လုပ်ပေမယ့် အခုက ChatGPT ကို Sample Bank Slip ပြပြီး ဘာတွေပြင်ပေးဆိုတာကို Prompt ရိုက်၊​ ခိုင်းလိုက်ရုံနဲ့ အစစ်အတိုင်း အတုတွေ ထုတ်ပေးနိုင်နေတာပါ။
ဒါက လောလောဆယ် ထိုင်းဘက်မှာတောင် Warning တွေအကြီးအကျယ်လုပ်နေကြပြီ။​ စမ်းကြည့်နေကြသလောက်ဆိုရင် တခြား Kpay လိုမျိုး အသုံးများတဲ့ Payment Transfer Slip တွေပါ အကုန်အတုလုပ်ပေးနိုင်တယ်ဆိုပဲ။
အရင်ကလည်း အတုလုပ်တာမျိုး ရှိတယ်ဆိုပေမယ့် ဒီတစ်ခါက တကယ်ကို အရေးကြီး ဂရုစိုက်သင့်တဲ့အချက်ဖြစ်နေပါပြီ။
ဥပမာ - စျေးဝယ်၊ စားသောက်ဆိုင်ထိုင်နေတုန်း ကိုယ်ရှင်းရမယ့် ပိုက်ဆံပမာဏကို တကယ်မပေးပဲ ရှင်းမယ့်အချိန်ကို ကြိုပြီး ChatGPT ကို ခိုင်း၊ အချိန်တွေ၊ ငွေပမာဏတွေအကုန် အစစ်အတိုင်း ထုတ်ခိုင်းပြီး Screenshot ပြပြီး လိမ်လို့ရနေတာပါ။
ဆိုတော့ အခုအချိန်မှာ လုပ်သင့်တာက တစ်ယောက်ယောက်က Payment Transfer လုပ်ပြီဆိုတာနဲ့ လွှဲပြီးပြီပဲ ဆိုတာနဲ့ မထားလိုက်ပဲ ကိုယ့်ဆီကို တကယ် ငွေဝင်၊ မဝင်စစ်ကြပါ။ Online Shopping လိုမျိုး Online ကနေ ငွေလွှဲ၊​ ငွေလက်ခံပြီဆိုရင်လည်း Screenshot ပုံမြင်တာနဲ့ ရပြီမဟုတ်ပဲ ငွေဝင်မဝင်၊ Transaction Number တွေပါ တိုက်စစ်ကြည့်ပါ။
တစ်ခုနည်းနည်းတော်သေးတာက လောလောဆယ်အထိ အခု ChatGPT ရဲ့4o Image Generation Feature ဟာ Free User တွေမှာ သုံးလို့မရသေးပဲ ChatGPT Plus လို Subscription နဲ့မှ သုံးနိုင်သေးတာဖြစ်ပါတယ်။ ဒါပေမယ့် OpenAI ကနေ Free User တွေပါ နောက်ပိုင်း ပေးသုံးဖို့ အစီအစဥ်ရှိတယ်ဆိုတော့ အခုပြဿနာကို သိရှိပြီး မပြင်ဆင်သေးသရွေ့ ကိုယ့်ဘက်က သတိထားနေတာ အကောင်းဆုံးပါ။
ChatGPT က Studio Ghibli ပုံစံမျိုး ချစ်စရာ ကာတွန်းပုံလေးတွေပဲ ထုတ်ပေးနေတာဆိုပြီး လျော့တွက်နေရင် ကိုယ်ပဲ အလိမ်ခံရနိုင်ပါတယ်။ ဂရုစိုက်ကြပါ 🫠

တရုတ်ခရီးစဉ်မှာ DeepSeek ကို ချီးကျူးခဲ့တဲ့ တင်မ်ကွတ်
Apple CEO ကတော့ တရုတ်ရောက်တုန်း DeepSeek အစွမ်းကိုပါ ချီးကျူးသွားပါတယ်။
တင်မ်ကွတ်က ဇန်နဝါရီသုံးလပတ် ကုမ္ပဏီဝင်ငွေရလဒ် ရှင်းတမ်းကြေညာတုန်းကလည်း DeepSeek ကို ရည်ရွယ်ပြီး "အလုပ်ဖြစ်ပြီး ထိရောက်တဲ့ တီထွင်ဆန်းသစ်မှုက ကောင်းတဲ့အရာ" လို့ ပြောခဲ့ပါတယ်။ အခု တရုတ်ပြည်ရောက်ချိန်မှာလည်း DeepSeek ရုံးစိုက်တဲ့ ဟန်ကျိူးအထိ သွားလည်ခဲ့တယ်လို့ ဆိုပါတယ်။
ဟန်ကျိူးဆိုတာ တရုတ်ရဲ့ နည်းပညာဇုံလို့ ပြောရမယ့် မြို့ပါ။ ကမ္ဘာကျော် Alibaba Group ရုံးစိုက်တဲ့ ဒီမြို့မှာ "နဂါး ၆ ကောင်" လို့ တင်စားထားတဲ့ ထိပ်တန်းနည်းပညာကုမ္ပဏီ ၆ ခုလည်း ရှိပါတယ်။ နဂါး ၆ ကောင်လို့ တင်စားခံရတဲ့ ကုမ္ပဏီတွေက AI ကုမ္ပဏီ DeepSeek ၊ Manycore Tech ၊ စက်ရုပ်ကုမ္ပဏီ Unitree Robotics ၊ DEEP Robotics ၊ Neuralink စတိုင် အာရုံကြောသိပ္ပံကုမ္ပဏီ BrainCo နဲ့ ဝူခုန်းဂိမ်းကုမ္ပဏီ Game Science တို့ပါ။
တင်မ်ကွတ်ရဲ့ ဟန်ကျိူးခရီးစဉ်မှာ ဒီကုမ္ပဏီတွေနဲ့ တွေ့မတွေ့တော့ မသိရပါဘူး။ ဟန်ကျိုးကို ရောက်တုန်း တင်မ်ကွတ်က Zhejiang University က ကျောင်းသားတွေနဲ့ တွေ့ခဲ့သလို ကျောင်းကိုလည်း ယွမ်သန်း ၃၀ လှူဒါန်းခဲ့တယ်လို့ဆိုပါတယ်။ ဒီကျောင်းက DeepSeek founder လျန် ဝမ်ဖန်းနဲ့ PDD Holding e-commerce လုပ်ငန်းစုသူဌေး ကောလင်းဟွမ်တို့ တက်ခဲ့တဲ့ ကျောင်းပါ။
၂၀၂၅ အတွက် တင်မ်ကွတ်ရဲ့ ပထမဆုံးတရုတ်ခရီးစဉ်က Apple Intelligence တရုတ်မှာ သုံးခွင့်ရဖို့ကိစ္စအပြင် ရှန်ဟိုင်းမှာ developer ကွန်ဖရင့် ကျင်းပဖို့လည်း ပါပါတယ်။ Apple ရဲ့ ရှန်ဟိုင်း developer ကွန်ဖရင့်မှာ Apple Intelligence အကြောင်း တရုတ် developers တွေကို အသေးစိတ် ပြောသွားဖို့ ရှိပါတယ်။
လောလောဆယ်တော့ တရုတ်က iPhone တွေမှာ AI သုံးနိုင်ရေးအတွက် Apple နဲ့ Alibaba တို့ ပါတနာလုပ်ထားတယ်လို့ ဆိုပါတယ်။ တရုတ်ဈေးကွက်ထဲ ဝင်တဲ့ iPhone တွေမှာ AI မပါတာနဲ့ ပြည်တွင်းဖုန်း Brand တွေရဲ့ စိန်ခေါ်အားကောင်းမှုတွေကြောင့် iPhone ရောင်းအား ကျလိုက်လာနေပါတယ်။
၂၀၂၄ စတုတ္ထသုံးလပတ်အတွက် တရုတ်ဈေးကွက်ထဲ iPhone တင်ပို့မှုဟာ အရင်နှစ်ကထက် ၂၅% အထိ ကျသွားပြီး တစ်နှစ်လုံးရောင်းအားဆို ၁၇% အထိ ကျဆင်းမယ်လို့လည်း ခန့်မှန်းထားပါတယ်။

ဂျော်ဂျီနာက အာဂျင်တီးနားကဆိုတာ အရင်တုန်းက သိပ်မသိခဲ့ကြဘူး၊ ကျနော်ကလည်း အာဂျင်တီးနားဆိုရင် သဘောမကျဘူးလို့ လူတွေက ထင်ခဲ့တယ်၊ မဟုတ်ပါဘူး၊ အာဂျင်တီးနားကိုလည်း ကျနော်ကြိုက်ပါတယ်၊ အရမ်းသဘောကျတာပါ"
- ရော်နယ်ဒို

ဝါရှင်တန်မှာ မောင်းသူမဲ့အငှားကား ပြေးဆွဲမယ့် Waymo

အမေရိကန်မှာတော့ Waymo မောင်းသူမဲ့ကားတွေ တော်တော်အလုပ်ဖြစ်နေပါပြီ။

Waymo က Google မိခင်လုပ်ငန်းစု Alphabet ပိုင်တဲ့ မောင်းသူမဲ့ ကားကုမ္ပဏီပါ။ အမေရိကန်ရဲ့ ပထမဆုံး ယာဉ်မောင်းမပါတဲ့ မောင်းသူမဲ့အငှားကားလုပ်ငန်းကို ပြောဆိုရင် Waymo ကို ပြောရပါလိမ့်မယ်။ ဒီကုမ္ပဏီက Tesla ကုမ္ပဏီရဲ့ မဖြစ်သေးတဲ့အိပ်မက်ကို အစောကြီး အကောင်အထည်ဖော်နေတဲ့ ကုမ္ပဏီပါ။

Waymo ရဲ့ robotaxi တွေက အရီဇိုးနားက ဖီးနစ်မြို့ ၊ ကယ်လီဖိုးနီးယားက ဆန်ဖရန်စစ္စကို ၊ ဆီလီကွန်ဗယ်လီ နဲ့ လော့စ်အိန်ဂျလိစ်တို့မှာ ပြေးဆွဲနေပါပြီ။ အခုမတ်လအထိ Waymo One အခပေးဝန်ဆောင်မှုက တစ်ပတ်ခရီးလမ်းကြောင်း ၂ သိန်းကျော်နှုန်း ရှိနေပြီလို့ ဆိုပါတယ်။

လာမယ့် ၂၀၂၆ ခုနှစ်ဆို Waymo မောင်းသူမဲ့ကားတွေက မြို့တော် ဝါရှင်တန်ကို ရောက်တော့မှာပါ။ ဒီအတွက် စည်းကမ်းထိန်းသိမ်းရေးအဖွဲ့တွေဆီက ခွင့်ပြုချက်အရင် ယူရဖို့ ရှိပါတယ်။ ဝါရှင်တန်မှာက အလိုအလျောက်မောင်းယာဉ်တွေ ပြေးမယ်ဆို ယာဉ်လုံခြုံရေးအတွက် safety ဒါရိုက်ဘာထည့်ပေးဖို့ သတ်မှတ်ထားပါတယ်။

Waymo က သူ့ကားတွေ ဝါရှင်တန်မှာ နှစ်အတော်ကြာအောင် စမ်းသပ်ထားတာ ဖြစ်လို့ ဈေးကွက်ဝင်ဖို့ အဆင်သင့်ဖြစ်နေပုံပါပဲ။ ပြိုင်ဘက် Tesla က ဒီနှစ်နှစ်လယ်ပိုင်းမှာ အလိုအလျောက်မောင်း robotaxi စနစ်ကို တက္ကဆက်ပြည်နယ် အော်စတင်မှာ စပြီး ဆွဲဖို့ စီစဉ်ထားပေမယ့် သိပ်တော့ မသေချာသေးပါဘူး။

"Tesla က Waymo ကို ဆယ်နှစ်နီးနီး ယှဉ်ဖိုက်ခဲ့တယ်။ အခုထိ သူတို့ မယှဉ်နိုင်သေးဘူး။ Tesla က ယာဉ်မောင်းအကူ system တစ်ခုနဲ့ ကားကုမ္ပဏီလောက်ပဲ။အခု Waymo လို တစ်လ ခရီးစဉ်သန်းချီမပြောနဲ့ အပြည့်အဝမောင်းသူမဲ့စနစ်ကနေ ဝင်ငွေရတဲ့ လမ်းကြောင်းတစ်ခုတောင် ရှိတာ မဟုတ်ဘူး။"

အရင် Waymo ရဲ့ CEO ဂျွန် ကရက်ဖ်စစ်ကတော့ robotaxi ပိုင်းမှာ Tesla ကို ရှယ်ဖဲ့ထားတာပါ။

Tesla က မနှစ်ကပဲ နှစ်ယောက်စီး Cybercab robotaxi ကို မိတ်ဆက်ပြသခဲ့ပေမယ့်‌ နောက်နှစ်ထဲမှ ထုတ်လုပ်မှုလုပ်ဖို့ ရှိပါတယ်။ ဈေးကွက်ထဲ ဘယ်အချိန် ဝင်မလဲ မသိပေမယ့် Cybercab ကို ဒေါ်လာ ၃ သောင်းအောက်ဈေးနဲ့ ရောင်းမယ်ဆိုတဲ့ အီလွန်မတ်စ်စကားကတော့ မက်လောက်စရာပါပဲ။

ဘောလုံးလောကမှာ ရီးရဲလ်မက်ဒရစ်အသင်းရဲ့ဥက္ကဋ္ဌ ဖလော်ရန်တီနိုပီရက်ဇ်လာပြီဆိုရင် သတိသာထားပေတော့။ ဒီဘဲကြီးက သူလိုချင်တာတွေ့ပြီဆိုရင် မရရအောင်၊ မဖြစ်ဖြစ်တဲ့နည်းနဲ့ အရယူလေ့ရှိတယ်။ အသင်းကိုလည်း သူ့ရဲ့အသက်မှာအောင်မြင်မှုတွေရအောင်လုပ်ပေးခဲ့သလို ရီးရဲလ်မက်ဒရစ်ရဲ့ဘောလုံးအသင်းအတွက် ဖလား 37 လုံး၊ ဘတ်စကတ်ဘောအသင်းအတွက် ဖလား 28 လုံးရအောင် ပီရက်ဇ်ကလုပ်ဆောင်ပေးထားတယ်။

ဒီအောင်မြင်မှုတွေကို အသုံးချပြီးတော့လည်း ပီရက်ဇ်က သူလိုချင်တာတွေ့ပြီဆိုတာနဲ့ အရယူလေ့ရှိတယ်။ ဒါကလည်းသူ့ရဲ့အရည်အချင်းပဲလေ၊ ရီးရဲလ်ကိုအောင်မြင်အောင် သူကိုယ်တိုင်လုပ်ပေးခဲ့တာကိုး။ အမ်ဘာပေလို ဘောလုံးလောကရဲ့ဈေးအမြင့်ဆုံးကစားသမားကို ပီအက်စ်ဂျီကနေအလွတ်နဲ့မရရအောင်ခေါ်ပြခဲ့သလို လီဗာပူးပရိသတ်တွေရဲ့အသည်းကျော် အာနိုးလ်ကိုလည်း အလွတ်နဲ့ရအောင် အောင်မြင်မှုတွေကိုအသုံးချပြီးခေါ်ပြသွားခဲ့တာက ကြောက်ဖို့ကောင်းလွန်းလှပါတယ်။

မြစ်ထဲ ၅ နှစ်ကြာ မြုပ်နေတဲ့ iPad ကြောင့် တရားခံတွေ ဖော်ထုတ်နိုင်ခဲ့

လန်ဒန်ရဲတွေ နှစ်အတော်ကြာအောင် ခေါင်းခြောက်ခဲ့တဲ့အမှုတစ်ခုက iPad Mini တစ်ခုကြောင့် ဖြေရှင်းနိုင်ခဲ့ပါတယ်။

အမှုက ၂၀၀၆ မှာ ဖြစ်ပွားခဲ့တဲ့ အင်္ဂလန်သမိုင်းရဲ့ အကြီးဆုံး ဘဏ်ဓါးပြမှု ကျူးလွန်ခဲ့သူတွေထဲက တစ်ဦးဖြစ်တဲ့ ပေါလ်အလန်ကို သတ်ဖို့ ကြိုးစားမှုနဲ့ ဆက်စပ်နေပါတယ်။ ပေါလ်အလန်ပါ ၈ ဦးဟာ အင်္ဂလန်ဘဏ် ငွေတိုက်ကို ဓါးပြတိုက်ပြီး ပေါင် ၅၃ သန်း ခိုးသွားခဲ့တာပါ။

ဘဏ်ဓါးပြတွေရဲ့ ထရပ်ကားနဲ့ မဆန့်လို့သာ နောက်ထပ် ပေါင် ၁၅၄ သန်း ဘဏ်မှာ ကျန်နေခဲ့တာ ဖြစ်ပါတယ်။ ဒီအမှုကြောင့် အလန်ကို ထောင် ၁၈ နှစ် ချခဲ့ပေမယ့် ထောင်ထဲ ၉ နှစ်ကျော်လောက်ပဲ နေခဲ့ရပြီး ၂၀၁၆ မှာ လွတ်လာခဲ့ပါတယ်။ ထောင်ကလွတ်ပြီး ၃ နှစ်အကြာ အိမ်ထဲမှာ ရှိနေတုန်း အလန်ကို လူသုံးယောက်က သေနတ်နဲ့ ၆ ချက်ပစ်သွားခဲ့ပါတယ်။

ဘဏ်ဖောက်တုန်းက ကြံရာပါတွေကို လက်စဖျောက်ဖို့လို့ ယူဆရပါတယ်။ လုပ်ကြံခံရမှုမှာ မသေပေမယ့် အာရုံကြောမကြီးထိပြီး အောက်တစ်ပိုင်းသေသွားခဲ့ပါတယ်။ ဒီအမှုကျူးလွန်သူတွေကို ဖမ်းမိတဲ့အခါ အမှုနဲ့ မသက်ဆိုင်တဲ့ ဓါးပြမှုတွေပါ ရဲက ဖော်ထုတ်မိသွားပါတယ်။ တစ်မှုက ပြတိုက်ဖောက်ပြီး ပေါင် ၂.၈ သန်းတန် ၁၄ ရာစု ချင်မင်းဆက်ခေတ်က ရှေးဟောင်းပစ္စည်းတွေ ခိုးတဲ့အမှုပါ။

ခိုးရာပါပစ္စည်းတွေကို Public Auction တစ်ခုမှာ မစဉ်းမစား လေလံတင်ရောင်းဖို့ လုပ်ရာကနေ လေလံရုံးက ရဲကို အကြောင်းကြားလိုက်လို့ ဖမ်းမိသွားတာပါ။ တရားခံတွေကို DNA စစ်ကြည့်ချိန်မှာ လွန်ခဲ့တဲ့ ၅ နှစ်က အလန်ကို လုပ်ကြံချိန်က ရခဲ့တဲ့ DNA တွေနဲ့ တူနေရာကနေ အမှုကွင်းဆက်ပေါ်လာပါတယ်။

အမှုကို စစ်ရင်းနဲ့ တစ်ယောက်က ကားကို သိမ်းမြစ်ဘေးမှာ ရပ်ထားခဲ့တယ်ဆိုတဲ့ စစ်ချက်အရ မြစ်ထဲမှာ လက်နက်တွေ ရှာဖို့ ရဲက သတ္တုရှာစက်နဲ့ ဆင်းရှာခဲ့တာပါ။ သေနတ်အစား ရွှံထဲ မြုပ်နေတဲ iPad တစ်လုံး ရှာတွေ့ခဲ့ပြီး ဒီ iPad ထဲက Vodafone SIM Card ကို စစ်‌ဆေးမိရာကနေ တရားခံတစ်ဦးဖြစ်တဲ့ ဒန်နီယယ် ကယ်လီပိုင်တက်ဘလက်မှန်း သိသွားခဲ့ပါတယ်။

SIM Card က အလန်ရဲ့ ကားမှာ တပ်ထားတဲ့ GPS ခြေရာခံစက်နဲ့လည်း ချိတ်ဆက်ထားတာတာပါ။ ဆင်းမ်ကတ်ထဲက Call Data တွေက ကယ်လီနဲ့ အယ်ဟာန်း ညီအစ်ကိုကို ရာဇဝတ်ဘေးပြေးမလွတ်အောင် ဖမ်းချုပ်နိုင်ခဲ့ပြီး အပြစ်ရှိကြောင်း သက်သေပြနိုင်ခဲ့ပါတယ်။ တရားခံတွေကိုတော့ လာမယ့် ဧပြီ ၂၅ ရက်နေ့ စီရင်ချက်ချမှာပါ။

ရုပ်ရှင်ဆန်တဲ့ ဒီအမှုမှာ iPad တစ်လုံးက အဓိကဇာတ်ဆောင်တစ်ယောက်လို ဖြစ်ခဲ့သလို ရေအောက် ဒီလောက်ကြာတဲ့အထိ အချက်အလက်တွေ ယူလို့ရနေသေးတာကလည်း ပြောစမှတ်ဖြစ်ခဲ့ပါတယ်။

အခုလက်ရှိမန်ယူအသင်းရဲ့ခြေစွမ်းကိုမြင်ရင် အရင်ချိန်တွေကိုပဲ လွမ်းမိပါရဲ့။ အရင်ကဆိုရင် မန်ယူအသင်းဟာ ရှေ့လယ်နောက်အပြင် ဂိုးသမားနေရာကပါ ပြည့်စုံလွန်းနေခဲ့တယ်။
ရှေ့မှာဂိုးသွင်းပေးမယ့် ရော်နယ်ဒို၊ ရွန်းနီတို့လိုကစားသမားတွေရှိတယ်။ ကွင်းလယ်မှာဆိုရင်လည်း ရွိုင်းကိန်း၊ ပေါစခိုးလ်၊ ရိုင်ယန်ဂစ်တို့လိုကစားသမားတွေရှိကြတယ်။ ဒီကစားသမားတွေက ကွင်းလယ်ကနေ ပြိုင်ဘက်အသင်းရဲ့တိုက်စစ်ဆင်မှုကို ဖြတ်ထုတ်ရမလား၊ ကိုယ့်အသင်းတိုက်စစ်ဆင်နိုင်အောင် ပံ့ပိုးပေးရမလား၊ ဘာမဆိုလုပ်နိုင်သူတွေချည်းပဲ။
နောက်တန်းမှာဆိုရင်လည်း ဖာဒီနန်၊ ဗီဒစ်တို့လို အသင်းအတွက်အရိုးကြေကြေ အရေခမ်းခမ်းကစားပေးမယ့်သူတွေကအဆင်သင့်။ ဂိုးသမားကလည်း ဗန်ဒါဆား၊ နည်းပြကဖာဂူဆန်၊ အရာရာပြီးပြည့်စုံလွန်းတဲ့ မန်ယူအသင်းကို အဲ့ခေတ်အဲ့အခါတုန်းက မြင်တွေ့ခဲ့ရပါတယ်။

ဆာကာ ကတော့ ထရိန်နင်ပြန်ဆင်းနေပြီဖြစ်ကြောင်း အင်စတာဂရမ်ကနေ အသိပေးခဲ့ပါပြီ 🔴👀

ကားဘက်ထရီအစွမ်းပြဖို့ ၆ ထပ်တိုက်ပေါ်ကနေ ဖရဲသီးပစ်ချပြတဲ့ Xiaomi
ဖရဲသီးတစ်လုံး ၆ လွှာကနေ ပစ်ချခဲ့ပေမယ့် မကွဲဘဲ အကောင်းပကတိအတိုင်း ဖြစ်နေရင် အတော့်ကို အံ့ဩရပါလိမ့်မယ်။
ဒီအဖြစ်က တကယ် ဖြစ်ခဲ့တာပါ။ Xiaomi ကုမ္ပဏီက သူ့ကားမှာ သုံးမယ့် ဘက်ထရီဘယ်လောက် ဘေးကင်းစိတ်ချရကြောင်းကို ဖရဲသီးတစ်လုံးနဲ့ လက်တွေ့စမ်းပြသွားတာပါ။ Xiaomi ရဲ့ အမိုက်စား နည်းပညာသက်သေပြမှုလို့ ဆိုနိုင်ပါတယ်။
Xiaomi CEO လေကျွမ်က သူ့ ဘေဂျင်းကားစက်ရုံရဲ့ ၆ ထပ်မြောက်ကနေ မီးခိုးရောင် coating သုတ် ဖရဲသီးကို လွှတ်ချပြခဲ့ပါတယ်။ ဒီဖရဲသီးက Xiaomi SU7 Ultra ဘက်ထရီအိုးမှာ သုံးတဲ့ coating ကိုပဲ သုတ်ထားတာပါ။ ဒီ coating က ရိုးရိုး coating မဟုတ်ပါဘူး။
စုတ်ပြဲ ပျက်စီးတာ အချွန်နဲ့ထိုးတာတွေပါ ခံနိုင်ရည်ရှိတဲ့ ကျည်ကာ bulletproof ဘက်ထရီ coating မျိုး ဖြစ်ပြီး ရိုးရိုး PVC coatings ထက် အပေါက်အပြဲဒဏ် ၁၀ ဆကျော် ပိုခံနိုင်ပါတယ်။ ဒါကြောင့်ပဲ coating သုတ် ဖရဲသီးက တိုက်အောက် ကျသွားချိန် ကွဲမသွားတာလို့ ပြောပါတယ်။
ဒီ coating နည်းပညာသစ်သုံးထားတဲ့ Xiaomi SU7 Ultra EV ကားက ပြီးခဲ့တဲ့လက ဈေးကွက်ထဲ ဝင်ခဲ့ပါတယ်။ ဒေါ်လာ ၇၅၀၀၀ တန် ဒီမော်ဒယ်က luxury ကားဈေးကွက်မှာ လူကြိုက်များနေပြီး ဈေးကွက်ထဲ ဝင်ပြီး ၂ နာရီအတွင်း အော်ဒါ ၁၀၀၀၀ ကျော် ရထားတယ်လို့ ဆိုပါတယ်။

Asus VU Air Lonizer
Asus သည် VU Air Ionizer မော်နီတာစီးရီးအသစ် မိတ်ဆက်ခဲ့သည်။အဆိုပါ seriesတွင်အမြင်အာရုံကို ကောင်းမွန်စေရုံသာမက လေထုသန့်စင်မှုပါဝင်သောအရည်အသွေးမြင့် မော်နီတာဖြစ်ပြီး နာနိုအိုင်ယွန်းနည်းပညာကို အသုံးပြု၍ တစ်မီတာ (1m³) အတိုင်းအတာအတွင်းသန့်စင်ပေးနိုင်သည်။သုံးနာရီအတွင်း လေထဲရှိ ဖုန်မှုန့်များ၏ ၉၀% အထိ ဖယ်ရှားပေးနိုင်သည်။

Model ၃မျိုးနဲ့ထွက်ရှိလာမှာဖြစ်ပြီး ၎င်းတို့ကတော့-

VU249HFI-W (23.8” Full HD)

VU279HFI-W (27” Full HD)

VU34WCIP-W (34” 4K Ultrawide)

မော်နီတာတိုင်းတွင် IPS panel, 100Hz refresh rate ပါရှိပြီး Asus ၏ SmoothMotion နည်းပညာကြောင့် ghosting (ပုံရိပ်ပျက်ခြင်း) ကို လျှော့ချပေးနိုင်သည်။ Eye Care Plus စနစ်က Low Blue Light နှင့် Flicker-Free နည်းပညာများဖြင့် မျက်စိကို ကာကွယ်ပေးမည်ဖြစ်ပြီး Rest Reminders နှင့် Color Augmentation တို့ကသုံးစွဲသူများကိုသက်သောင့်သက်သာရှိစေမှာဖြစ်ပါတယ်။

သဘာဝပတ်ဝန်းကျင်အတွက် အထူးစီမံထားသော ဒီဇိုင်း ဖြစ်ပြီးသုံးစွဲသူများ​၏ မျက်စိကျန်းမာရေးအတွက်သင့်တော်မည့်နည်းပညာမြှင့်အသုံးအဆောင်တစ်ခုလဲဖြစ်လာမည်။