Discover postsExplore captivating content and diverse perspectives on our Discover page. Uncover fresh ideas and engage in meaningful conversations
သွင်းဂိုး/ဖန်တီးမှုတွေနဲ့ ခြေစွမ်းပြနေတဲ့အသင်းခေါင်းဆောင် ကွင်းလယ်လူနှစ်ဦး
ယခုရာသီပရီးမီးယားလိဂ်ပြိုင်ပွဲဝင်အသင်းများတွင် အသင်းကို ခြေစွမ်းကောင်းကောင်းဖြင့် များစွာအကျိုးပြုနေကြသည့် အသင်းခေါင်းဆောင်များထဲ၌ မန်ယူနိုက်တက်ကွင်းလယ်လူ ဘရူနိုဖာနန်ဒတ်စ်နှင့် အာဆင်နယ်ကွင်းလယ်လူ မာတင်အိုဒီဂတ်တို့ ပါဝင်လျက်ရှိသည်။ယခုတစ်ပတ် ပရီးမီးယားလိဂ်ပွဲစဉ် အာဆင်နယ်(၅-ဝ)ချယ်လ်ဆီးပွဲတွင် အိုဒီဂတ်က (၂)ဂိုးဖန်တီးပေးခဲ့ပြီး ယခုရာသီတွင် သူ၏ ပရီးမီးယားလိဂ်ဂိုးပါဝင်ပတ်သက်မှုမှာ (၁၆)ဂိုး (၈ ဂိုးသွင်း၊ ၈ ဂိုးဖန်တီး)ရှိလာခဲ့သည်။ယခုရာသီတွင် အိုဒီဂတ်၏ ဂိုးအခွင့်အရေးဖန်တီးမှုမှာ (၉၁)ကြိမ်အထိရှိထားပြီး ဘောလုံးပေးပို့ရာတွင် မှန်ကန်တိကျမှုက (၈၇.၁%)ရှိခဲ့သည်။ထို့အတူ ယခုတစ်ပတ် ပရီးမီးယားလိဂ်ပွဲစဉ် မန်ယူ(၄-၂)ရှက်ဖီးယူနိုက်တက်ပွဲတွင် ဘရူနို ဖာနန်ဒတ်စ်က ကိုယ်တိုင်(၂)ဂိုးသွင်းယူခဲ့သလို၊ (၁)ဂိုးဖန်တီးပေးခဲ့ပြီး ယခုရာသီတွင် သူ၏ ပရီးမီးယားလိဂ်ဂိုးပါဝင်ပတ်သက်မှုမှာ (၁၇)ဂိုး (၁၀ ဂိုးသွင်း၊ ၇ ဂိုးဖန်တီး)ရှိလာခဲ့သည်။ယခုရာသီတွင် ဖာနန်ဒတ်စ်၏ ဂိုးအခွင့်အရေးဖန်တီးမှုမှာ (၉၉)ကြိမ်အထိရှိထားပြီး ဘောလုံးပေးပို့ရာတွင် မှန်ကန်တိကျမှုက (၇၉.၄%)ရှိခဲ့သည်။ ၎င်းတို့နှစ်ဦးစလုံးအနေဖြင့် မိမိတို့ ကလပ်အသင်းများ၏ သက်ဆိုင်ရာရည်မှန်းချက်များကို အကောင်အထည်ဖော်ပေးနိုင်မလားဆိုသည်ကို ရာသီကုန်အထိ ဆက်ကြည့်ရမည်ဖြစ်သည်။
တရုတ်အစိုးရ ညွန်ကြားချက်ကြောင့် Meta ပိုင်ဆိုင်တဲ့ WhatsApp နဲ့ Threads ကို Apple App Store ပေါ်ကဖြုတ်ချ
တရုတ်ဆိုင်ဘာလုံခြုံရေး၎ာနရဲ့ ညွန်ကြားချက်ကြောင့် Meta ပိုင်ဆိုင်တဲ့ Products ၂ ခုဖြစ်တဲ့ WhatsApp နဲ့ Threads ကို တရုတ် Region Apple App Store ပေါ်ကနေ ဖြုတ်ချလိုက်ပါတယ်။ Apple ဖက်ကလည်းဒါဟာ အစိုးရကညွန်ကြားချက်ဖြစ်တယ်လို့ အတည်ပြုပါတယ်။
Facebook, Messenger, Instagram, Twitter(X) တို့ကတော့ App Store ပေါ်မှာရှိနေဆဲဖြစ်ပါတယ်။ တရုတ်နိုင်ငံက ပေါ်လစီကျွမ်းကျင်သူတွေ ယူဆချက်ကတော့ တရုတ်နိုင်ငံရဲ့ ၂၀၂၃ အတွင်းကထုတ်ပြန်ထားတဲ့ တရုတ်နိုင်ငံအတွင်းမှာရှိတဲ့ Product တိုင်းဟာ အစိုးရမှာ တရားဝင်မှတ်ပုံတင်ရမယ်ဆိုတဲ့ စည်းမျဥ်းကြောင့် ခုလိုလုပ်တာဖြစ်နိုင်ကြောင်း သုံးသပ်ထားပါတယ်။
TikTok ကိုအကွက်တွေပြပြီး အနောက်နိုင်ငံတွေမှာ ကန့်သန့်တာကြောင့် တရုတ်ဖက်ကလည်း ခုလိုကွက်ကြားပြန်ပြီး ပညာပေးလာမလားဆိုတာ စောင့်ကြည့်ရမှာဖြစ်ပြီး၊ တစ်ကယ်ဒီဒဏ်တွေကို ခံစားရတာတော့ ကြားကအသုံးပြုသူတွေပဲဖြစ်ပါတယ်။
အိပ်မက်တွေကို လက်တွေ့အကောင်အထည်ဖော်နိုင်ဖို့
၁။ ယုံကြည်မှုရှိပါ
၂။ နေ့တိုင်းနည်းနည်းချင်းစီလုပ်ဆောင်ပါ
၃။ အချိန်ပေးပါ
၄။ ရှင်းလင်းပြတ်သားနေပါစေ
၅။ မကောင်းပြောသူတွေကို လျစ်လျူရှုပါ
၆။ ကိုယ့်ကိုနားလည်သူတွေနဲ့ အိပ်မက်တွေအကြောင်း ဝေမျှပါ
၇။ ကြိုတွေးပူနေတာတွေကို လျှော့ပါ
၈။ အပြုသဘောမြင်ပါ
၉။ ဘဝမှာ အိပ်မက်အတွက် နေရာတစ်ခုသီးသန့်ပေးထားပါ
၁၀။ အရှိန်ကို ဘယ်တော့မှ မရပ်တန့်ပစ်ပါနဲ့