ကလေ-းလုပ်သား ပပျောက်ရေး ဆက်လက် အကောင်အထည်ဖော်သွားမည်
မြန်မာနိုင်ငံ ကလေ-းအလုပ်သမား ပပျောက်ရေး အမျိုးသားအဆင့် ဒုတိယ (၅) နှစ် လုပ်ငန်းစီမံချက် (၂၀၂၄-၂၀၂၈ ခုနှစ်) ကို မူလရည်မှန်းချက် (၆)ရပ်အပေါ်အခြေခံ၍ နေပြည်တော်ကောင်စီ၊ တိုင်းနှင့် ပြည်နယ် အားလုံးတွင် ဆက်လက် အကောင်အထည်ဖော် ဆောင်ရွက်သွားမည်ဖြစ်ကြောင်း မြန်မာနိုင်ငံ ကလေ-းအလုပ်သမား ပပျောက်ရေးဆိုင်ရာ အမျိုးသားကော်မတီမှ သိရသည်။
မြန်မာနိုင်ငံ ကလေ-းအလုပ်သမား ပပျောက်ရေးဆိုင်ရာ အမျိုးသားကော်မတီ၊ အတွင်းရေးမှူးအဖွဲ့၏ သတ္တမအကြိမ် လုပ်ငန်းညှိနှိုင်းအစည်းအဝေးကို နိုဝင်ဘာ (၂၂)ရက်က နေပြည်တော်ရှိ အလုပ်သမားဝန်ကြီးဌာန အစည်းအဝေးခန်းမ၌ ကျင်းပရာတွင် အလုပ်သမားဝန်ကြီးဌာန ဒုတိယဝန်ကြီး ဦးဝင်းရှိန်က ပြောကြားခဲ့ခြင်းဖြစ်သည်။
အစည်းအဝေးသို့ မြန်မာနိုင်ငံ ကလေ-းအလုပ်သမား ပပျောက်ရေးဆိုင်ရာ အမျိုးသားကော်မတီ အတွင်းရေးမှူးအဖွဲ့၊ အဖွဲ့ခေါင်းဆောင် အလုပ်သမားဝန်ကြီးဌာန ဒုတိယဝန်ကြီး ဦးဝင်းရှိန်၊ မြန်မာနိုင်ငံ ကလေ-းအလုပ်သမား ပပျောက်ရေးဆိုင်ရာ အမျိုးသားကော်မတီ အတွင်းရေးမှူးအဖွဲ့ အဖွဲ့ဝင် ညွှန်ကြားရေးမှူးချုပ်များ၊ ဖိတ်ကြားထားသည့် ဧည့်သည်တော်များနှင့်တာဝန်ရှိသူများ တက်ရောက်ခဲ့ကြကြောင်း သိရသည်။
အမျိုးသားအဆင့် ဒုတိယငါးနှစ် လုပ်ငန်းစီမံချက် ၂၀၂၄ -၂၀၂၈ ခုနှစ် ကိုလည်း မူလရည်မှန်းချက် (၆)ရပ်အပေါ်အခြေခံ၍ စက်မှုကုန်ထုတ်ကဏ္ဍ၊ စီးပွားရေးနှင့် ကူးသန်း ရောင်းဝယ်ရေး ကဏ္ဍတို့တွင် နေပြည်တော်ကောင်စီ၊ တိုင်းဒေသကြီးနှင့် ပြည်နယ်အားလုံးတွင် ဆက်လက် အကောင်အထည်ဖော် ဆောင်ရွက်သွားမည်ဖြစ်ကြောင်း ဒုတိယဝန်ကြီးက ပြောကြားသည်။
ထို့ပြင် အတွင်းရေးမှူးအဖွဲ့ အဖွဲ့ဝင်များက ယခင် ပထမ (၅) နှစ် စီမံချက်ကာလအတွင်း ကြုံတွေ့ခဲ့ရသည့် အားနည်းချက်၊ အားသာချက်များအပေါ် ပြန်လည်သုံးသပ်၍ ဒုတိယ (၅)နှစ် လုပ်ငန်းစီမံချက် (၂၀၂၄-၂၀၂၈ ခုနှစ်)ကို ပိုမိုထိရောက်အောင်မြင်စေရေး ဆက်လက် အကောင်အထည်ဖော်သွားရန်လိုကြောင်း ၎င်းက တိုက်တွန်း ပြောကြားခဲ့သည်။
ကလေ-းအလုပ်သမားပပျောက်ရေး လုပ်သင့်သည့်အကြောင်းရင်းများမှာ ဥပဒေနှင့်အညီလိုက်လိုက်နာဆောင်ရွက်ခြင်း၊ဈေးကွက်တိုးမြင့် ဝင်ရောက်မှု ရရှိစေခြင်း၊ ကုန်ထုတ်စွမ်းအား တိုးတက်စေခြင်း ၊မှန်ကန်သောကျင့်ဝတ်နှင့် အလုပ်လုပ်ကိုင်ခြင်းကိုဖြစ်စေခြင်း တို့ကိုအခြေခံသည်။
အလုပ်ရှင်များကလည်းကလေ-းအလုပ်သမားဆိုင်ရာ နည်းဗျူဟာဥပဒေကျင့်ဝတ်များနှင့်ညီညွတ်မှုရှိ၊မရှိဆန်းစစ်မှုကိုအဆင့် ၈ဆင့်ဖြင့် လုပ်ဆောင်သင့်သည်။
