Tesla ဟာ လာမယ့်နှစ်ကုန်ပိုင်းမှာ Optimus စက်ရုပ်တွေကို စတင်ရောင်းချနိုင်မယ်လို့ Elon Musk ပြောကြား
Tesla က စက်ရုပ်တွေက လက်ရှိမှာ ဓါတ်ခွဲခန်းမှာ စမ်းသပ်နေဆဲဖြစ်ပေမဲ့ နောက်နှစ်ကုန်ပိုင်းမှာလောက်မှာတော့ ရောင်းချနိုင်ဖို့ အလားအလာရှိနေပြီဖြစ်ကြောင်း Elon Musk က ပြီးခဲ့တဲ့ ဧပြီ ၂၃ ရက် အင်္ဂါနေ့က ပြောလာခဲ့ပါတယ်။
ဘီလီယံနာသူဌေးကြီး Elon Musk ကတော့ Telsa လုပ်ငန်းအတွက် Tesla စက်ရုပ်ရောင်းအားဟာဆိုရင် ၄င်းရဲ့ Tesla ကားထုတ်လုပ်ရေး အပါအဝင် အခြားသော အခန်းကဏ္ဍများထက် ပိုပြီးကြီးမားတဲ့ အစိတ်အပိုင်းဖြစ်လာနိုင်ပြီး
"Tesla ဟာ ဉာဏ်ရည်မြင့်မားတဲ့ စက်ရုပ်တွေကို Quality ပြည့်မီစွာဆောင်ရွက်နိုင်ဖို့ အကောင်းဆုံး အနေအထားမှာ ရှိနေတယ်လို့ ကျွန်တော် ထင်ပါတယ်" ဟု ပြောကြားခဲ့တာပဲ ဖြစ်ပါတယ်။
ဒီ Optimus စက်ရုပ်တွေကိုတော့ လက်ရှိ ကုမ္ပဏီအများစုကြုံတွေ့နေရတဲ့ ဝန်ထမ်းရှားပါးလာမှုကို ဖြေရှင်းပေးဖို့အပြင် အန္တရာယ်များပြားစွာ လုပ်ကိုင်ရတဲ့ ကုမ္ပဏီတွေနဲ့ ငြီးငွေ့ဖွယ်ကောင်းလောက်အောင် ထပ်တလဲလဲလုပ်ကိုင်ရတဲ့ လုပ်ငန်းခွင်တွေမှာ အသုံးပြုရန်အတွက် ကုမ္ပဏီအများစုက ဆန္ဒရှိနေကြပါတယ်။
တစ်ဖက်မှာလည်း Honda ကုမ္ပဏီနှင့် Hyundai Motor ရဲ့ Boston Dynamics တို့ပူးပေါင်းပြီး Humanoid စက်ရုပ်များကို နှစ်အတော်ကြာ တီထွင် စမ်းသပ်ထုတ်လုပ်လျက်ရှိနေပါတယ်။
ဒါ့အပြင် ယခုနှစ်ပိုင်းမှာပဲ Microsoft နှင့် Nvidia ကျောထောက်နောက်ခံ startup Figure တို့ဟာ အမေရိကန်မှာရှိတဲ့ ကားထုတ်လုပ်တဲ့ စက်ရုံမှာ စက်ရုပ်များကို အသုံးပြုဖို့ ဂျာမန်ကားများထုတ်လုပ်တဲ့ BMW နှင့် ပူးပေါင်းလက်မှတ်ရေးထိုးခဲ့ကြောင်းလည်း သိရပါတယ်။
Tesla ကနေ Optimus စက်ရုပ်ကို အခုမှ ပထမဆုံးထုတ်ပြတာတော့ မဟုတ်ပါဘူး။ Optimus လို့ နာမည်ပေးထားတဲ့ Tesla စက်ရုပ်တွေကိုတော့ ၂၀၂၁ ခုနှစ်မှာ Concept အနေနဲ့ ချပြခဲ့တာဖြစ်ပြီး Optimus စက်ရုပ်ရဲ့ ပထမမျိုးဆက်အဖြစ် Bumblebee နာမည်နဲ့ ၂၀၂၂ စက်တင်ဘာလမှာ မိတ်ဆက်ခဲ့တာဖြစ်ပါတယ်။


Credit to Akhayar Tech

ဘယ်လောက်ပဲစိတ်ဆိုးစိတ်ကောက်တစ်ယောက်
နဲ့တစ်ယောက်မခေါ်မပြောပဲမနေနိုင်တာကလဲ
ချစ်ခြင်းမေတ္တာပါပဲ။

ဘယ်သူအရင်စခေါ်မလဲလို့တစ်ခါတလေမာနတွေပြိုင်နေကြပေမယ့်လဲ
ဘယ်သူကပဲစခေါ်ခေါ်
ကြာကြာဟန်မဆောင်နိုင်ကြတာလဲချစ်ခြင်းမေတ္တာပါပဲ။
ဘယ်လောက်ပဲအလုပ်တွေရှုပ်နေနေရတဲ့အချိန်လေးမှာအပြေးအလွှား
အချိန်လုပြီးဆက်သွယ်နေကြတာလေးကလဲချစ်ခြင်းမေတ္တာပါပဲ။

တကယ်တော့....
ချစ်ခြင်းမေတ္တာဆိုတာ
သာမှနာမှမဟုတ်ပါဘူး
သာချင်သာနာချင်နာ
လျော့ပါးမသွားတဲ့တန်ဖိုး
ထားမြတ်နိုးစိတ်ကလေးကသာ
အဓိကပါ။

Apple က ညစ်ညမ်းဓါတ်ပုံတွေ ဖန်တီးနိုင်တဲ့ Generative AI App တွေကို App Store ကနေ ဖယ်ရှား

Generative AI ဟာ ဒီနှစ်ပိုင်းအတွင်း အစွမ်းထက်လာပြီး မသမာသူတွေက အဲဒီ နည်းပညာနဲ့ အကျိုးအမြတ်ရှာဖို့ ကြိုးစားနေကြပါတယ်။ အခုတော့ အဲဒီ ပြဿနာဟာ Apple App Store ကို ရောက်လာပါပြီ။

Apple က အမျိုးသမီးတွေရဲ့ အဝတ်အစားတွေကို အခမဲ့ ချွတ်ပေးမယ်လို့ အင်စတာဂရမ်နဲ့ ညစ်ညမ်း ဝက်ဘ်ဆိုက်တွေမှာကြော်ငြာနေတဲ့ App ၃ ခုကို App Store ကနေ ဖယ်ရှားလိုက်ပါတယ်။

အဲဒီ App တွေမှာ Generative AI ကို အသုံးပြုထားပြီး ဓါတ်ပုံထဲက လူတွေရဲ့ အဝတ်အစားတွေကို ချွတ်ပေးကြတာ ဖြစ်ပါတယ်။ ဒီပြဿနာဟာ တော်တော်ကြီးမားပြီး လူတွေအတွက် အန္တရာယ်ရှိပါတယ်။ အဲဒီ App တွေဟာ ၂၀၂၂ ခုနှစ်ကတည်းက App Store မှာ ရှိနေတာက အံ့အားသင့်စရာကောင်းပါတယ်။

Apple ဟာ App Store မှာ အဲဒီလို App တွေ ရောက်လာတာကို မတားဆီးနိုင်သေးတာကို တွေ့ရပါတယ်။ ဒါပေမယ့် Apple ဟာ လုံခြုံရေးပိုင်းကို အလေးထားတဲ့ ကုမ္ပဏီ ဖြစ်တဲ့အတွက် အဲဒီ ပြဿနာကို ထိထိရောက်ရောက်ကိုင်တွယ်ဖြေရှင်းနိုင်မှာပါ။

Ref : gizmochina
Credit to Digital Times

ရည်းစားဆိုတာ အနေဝေးရင် စိတ်မချရဘူး ။ ဝေးပြီး တစ်ယောက်နဲ့တစ်ယောက်မမြင်တွေ့နိုင်တာကိုအခွင့်ရေးယူပြီး အနေနီးတဲ့လူနဲ့ ဖောက်ပြန်သွားတတ်တယ် ။ ဖောက်ပြန်သွားဖို့ ရာခိုင်နှုန်းများတယ် ။ ဒီလိုဒုက္ခကဝေးအောင် တစ်ခုခုဆို ပြေးလာနိုင် ၊ အတူသွားလာပျော်ရွှင်နိုင် ၊ တစ်ချိန်လုံးအနားမှာရှိနိုင်ပြီး အမြဲတမ်းတွေ့မြင်နေနိုင်မယ့် အနေနီးတဲ့လူနဲ့တွဲမှသာ အချိန်ကြာတော့ ကိုယ့်ကိုရိုးပြီး အနေဝေးတဲ့လူနဲ့ပြန်ဖောက်ပြန်နိုင်မှာပေါ့ 😁😁

Easy poses for boys

ကိုယ့်အနားက ထွက်သွားခါနီး လူတစ်ယောက်ကို အသည်းအသန် တောင်းပန် စာတွေအများကြီးပို့ ဖုန်းတွေ ဆက်တိုက်ခေါ်မိနေတဲ့အချိန်ဟာ တကယ့်ကို ကြောက်စရာပါပဲ

အဲ့ဒီအခိုက်အတန့်လေးမှာလေ ကျနော်တို့က ကိုယ်မှားခဲ့ရဲ့လားလို့လည်း မစဉ်းစားမိတော့ဘူး တောင်းပန်သင့်ရဲ့လားဆိုပြီးလည်း မဝေခွဲတတ်တော့ဘူး

နောက်ဆုံး ကိုယ်မမှားဘဲ သူ့ဘက်က မှားခဲ့တာဆိုရင်တောင် ကိုယ်ကပဲ တောင်းပန်မယ်ဆိုတဲ့အထိ ရူးမိုက်ခဲ့ကြတာ

ပြန်မလာတော့တာ သိနေရင်တောင် ကိုယ့်ဘက်က ခံစားချက်တွေကို သိစေချင်သေးတာ ကိုယ်ဘယ်လောက် တန်ဖိုးထားလဲဆိုတာ ပြောပြချင်နေသေးတယ် ကိုယ်ဘာပြောပြော တဖက်လူအတွက် အရေးမပါတော့မှန်း သိနေရင်တောင်မှလေ

သူ့ဘက်က reply လေးတစ်စောင်လောက် ဝင်လာမလားလို့ ရင်တထိတ်ထိတ်နဲ့ phone screen ကို မျက်တောင်မခတ်ရဲလောက်အောင် စိုက်ကြည့်နေမိတာ

ရုတ်တရက် ဖုန်း ringtone မြည်သံကြားရင် နှလုံးခုန်နှုန်းက အမြင့်ဆုံးထိ ဆောင့်တက်သွားသလို ခံစားခဲ့ရတာ ကိုယ်မျှော်လင့်တဲ့ ဖုန်းနံပါတ်မဟုတ်လို့ ရင်ထဲမှာ လှိုက်ကနဲ လစ်ဟာသွားတာကလည်း နှလုံးသားကို ဆွဲနှုတ်ယူလိုက်သလိုပဲ

အိပ်ချိန်ရောက်ရင်တောင် စိတ်ဖြောင့်ဖြောင့် မအိပ်နိုင်ရှာဘဲ အသိစိတ်က နိုးနေပြီး လူးလူးလိမ့်လိမ့်နဲ့ မိုးစင်စင်လင်းခဲ့ရတဲ့ မနက်တွေက မအိပ်ရဘဲ မက်ခဲ့မိတဲ့ အိပ်မက်ဆိုးတွေပေါ့

နောက်ပိုင်းတော့ ကိုယ်ခံစားခဲ့ရတဲ့ အတွေ့အကြုံတွေအရ တစုံတယောက်ကို စာတွေ အများကြီး ဆက်တိုက်မပို့တော့ဘူး

ကိုယ့်ခံစားချက်တွေ ပြောပြလို့လည်း သူတို့ဟာ ကိုယ့်အပေါ် ကိုယ်ချင်းမစာပေးခဲ့ဘူး ကိုယ်တရစပ် တောင်းပန်လို့လည်း သူတို့ပြန်မလာခဲ့ပါဘူး

ကိုယ့်အပေါ် တကယ်ချစ်ပြီး ထားမသွားမယ့်သူကလည်း ကိုယ့်တစ်ယောက်တည်း အရူးလို စာတွေ အများကြီး ပို့ရလောက်တဲ့အထိ ခံစားစေမှာ မဟုတ်ဘူးလေ

ကိုယ့်ဘက်ကပဲ အများကြီး ပြောရမယ့် အခြေအနေတွေ ရောက်လာရင်တောင် စာတွေရိုက်ခါနီးရင် အဲ့လူဟာ ကိုယ့်အတွက်မဟုတ်လို့ပဲဆိုပြီး ကိုယ့်ကိုကိုယ် သတိပေးလိုက်တယ်

ဒါပေမယ့်လည်း တယောက်ယောက်က တဖက်သတ် စာတွေ အများကြီး တရစပ်ပို့နေတာကို ဖျတ်ကနဲ မြင်မိရင်တောင်မှလေ ရင်ဘတ်ထဲမှာ တင်းကြပ်မောဟိုက်ပြီး ရင်တုန်ပန်းတုန်နဲ့ ခြေဖျားလက်ဖျားတွေ အေးစက်လာတဲ့အထိ အဲဒီ trauma က မပျောက်သေးဘူး

စိတ်ဒဏ်ရာဆိုတာ တကယ်ရခဲ့ဖူးတဲ့သူတွေအတွက်တော့ အသေးအမွှား ကိစ္စလေး လုံးဝမဟုတ်ပါဘူး...

LDRS ဆိုတာ ထင်ထားတာထက်တောင် ခက်ခဲသေးတယ်။ နားမလည်တုန်းကတော့ နေ့တိုင်းမတွေ့ရတော့ နေ့တိုင်းလျှောက်လည်စရာမလိုဘူး နေ့တိုင်းကြီးအချိန်ပေးစရာမလိုဘူး ညဆိုခဏတဖြုတ်ဖုန်းပြော အေးဆေးပဲဘာညာပေါ့။ တကယ်လည်း ချစ်ရပါပြီတဲ့ တစ်ခုခုဆိုမတွေ့ရမမြင်ရနဲ့ ကိုယ့်ထမင်းကိုယ်စားပြီးသူများသားသမီး ကိုယ့်ရင်နင့်သည်းခြာလေးကိုစိတ်မချတွေဖြစ်ပြီး တိုင်ပတ်တော့တာပဲ။

အဆိုးဆုံးကတော့ အကြောင်းအမျိုးမျိုးကြောင့်တစ်ယောက်နဲ့တစ်ယောက် တွေ့မယ့်ရက်ကအဆင်မပြေဖြစ်ပြီး အချိန်ဘယ်လောက်ဖြစ်ဖြစ်ကြာသွားတတ်တာပဲ။ မတွေ့ရမမြင်ရ အနားမှာမရှိရနဲ့ အမှတ်တရတွေဆိုတာအပြင်မှာထက် messenger နဲ့ ph ပြောထားတဲ့ recorded တွေထဲမှာပိုများတယ်။ တစ်ခါတစ်လေ စိတ်ညစ်စရာတွေရှိလို့ သူ့ရှေ့မှာအဆင်မပြေသမျှပြောပြီးရင်ဖွင့်လိုက်ချင်လည်းမရဘူး။ ကိုယ်ဘယ်လောက်အရေးကြီးနေနေ ​သူအားတာမအားတာကရှိသေးတယ်။ အဆင်မပြေဖြစ်ဖို့ဆိုတာအရမ်းလွယ်တယ် ထစ်ခနဲရှိရန်ဖြစ်ဖို့ဆိုတာလည်းလွယ်လွန်းတယ်။ ဘယ်သူနဲ့ရှိနေလဲ ဘာလဲ ဘယ်သွားမှာလဲ ဘဟ်သူပါမှာလဲဆိုတာတွေက ပုံမှန်ထက်ပိုပြီးဂရုစိုက်ရစိတ်ပူရတယ်။ တစ်ခါတစ်လေ သူ့ဖက်ကအလုပ်ကိစ္စတွေနဲ့တိုင်ပတ်နေပြီး ကိုယ့်ဆီအချိန်မှန်မဆက်သွယ်လာနိုင်တဲ့အခါမျိုး မိသားစုကိစ္စလေးတွေနဲ့ ကိုယ့်ဆီအချိန်မပေးနိုင်တာမျိုးတွေ ကိုယ်ကမသိရပဲပြဿနာရှာမိပြီးမှ စိတ်မကောင်းဖြစ်ရတာလည်းအခါခါပဲ။

တစ်ခါတစ်လေ ကိုယ့်ဘာသာလျှောက်တွေးပြီးဆိုက်ကိုဖောက်လာတာမျိုးဖြစ်လာတိုင်း သူမဟုတ်တာမလုပ်ဘူးဆိုတာသိသိကြီးနဲ့လည်း မယုံကြည်တာလိုလို သံသယများတာလိုလိုနဲ့ ဘယ်ကိစ္စမှအကောင်းမမြင်ပဲ အကြီးအကျယ်ပြဿနာတက်ရတာလည်းခဏခဏဖြစ်တယ်။ ပြီးရင် နာရီ၀က်တစ်နာရီလောက်ကြာတော့ မနေတတ်တော့ဘူး နှစ်ယောက်လုံးပြန်ဆက်သွယ်ပြန်တောင်းပန်ပြီးပြေလည်သွားကြတာပဲ။ အနည်းဆုံး နှစ်ပတ်တစ်ခါလောက်တော့ ပုံမှန်သတ်ကြမှပဲ ပြေလည်ရာပြေလည်ကြောင်းတွေ့တယ် မဟုတ်ရင် ​စကားနည်းနည်းပြောလည်း အဆင်မပြေ ထစ်ခနဲရှိစိတ်မရှည်နဲ့ ကတောက်ကဆခဏခဏဖြစ်ပြီး နောက်ဆုံးရန်ဖြစ်လိုက်မှနေလို့ထိုင်လို့ကောင်းသွားတယ်။

ဒါပေမယ့် နှစ်ဖက်လုံးကမပြတ်သွားဖို့တည်ဆောက်နေသ၍ အဆင်ပြေပါတယ်။ ပင်ပန်းတဲ့အခါဖုန်းပြောတာဖြစ်ဖြစ် messenger မှာဖြစ်ဖြစ်ပြောပြီး အချိန်ယူလိုက်ရင် နှစ်ဖက်လုံးအဆင်ပြေသွားကြတာပဲ။ အနေနီးမှ သံယောဇဥ်ပိုတယ်ဘာညာဆိုတာ ဟုတ်ကောင်းဟုတ်မယ် ဒါပေမယ့် ချစ်ခြင်းမေတ္တာသာတကယ်စစ်ရင် အနားမှာမရှိရလည်းအချစ်မလျော့ပါဘူး။ တကယ်ချစ်ကြပြီဆိုရင် မျက်ကွယ်ရာမှာပိုပြီးသစ္စာရှိမယ် ပိုပြီးလိမ်မာမယ် ပိုပြီးယုံကြည်အောင်နေမယ် ဒါတွေကမှာနေစရာမလိုတဲ့ တစ်ယောက်နဲ့တစ်ယောက်ပေးနိုင်တဲ့မေတ္တာတွေပါပဲ။ ဒီလိုနဲ့အတူရှိလာတာ နှစ်တွေလည်းမနည်းတော့ဘူး။ ကိုယ်ရောသူရော အတူရှိရမယ့်ရက်အတူရှိနိုင်မယ့်နေ့တွေအတွက်ပန်းတိုင်ထားပြီးတွဲနေကြတော့ ရည်ရွယ်ချက်ချင်းတူတာမို့ ခက်ခဲပေမယ့်လက်မြဲပါတယ်

Finding solace in the arm of nature🌳

No Internet, No WiFi, Off Phone, a dream with you ♡

Finding solace in the arm of nature🌳