Dear God, sometimes it's hard for me to understand what you really want to happen.

But I trust you.
I know you'll give me what's ❤️

မေမှာ ရပ်တန့်လိုက်ရတဲ့ ဆက်ဆံရေးတွေရှိတယ်။
မေရောက်ပြီဆို ချစ်သူတွေ အထိအရှများတယ်။
မေဟာ နွေရဲ့ အပူဆုံးလ လဲ ဖြစ်တယ်။
ပြီးတော့ ငါသိပ်ချစ်ရတဲ့ တစ်စုံတစ်ယောက်ကို
လက်လွှတ်လိုက်ရတဲ့လ ဖြစ်ခဲ့တယ်။

#tarmhyuunge

"အစုံသုပ်"လုပ်နည်း
*********************
ထည့်သုပ်ရတဲ့အမယ်များပါတယ်
လုပ်စားလို့ရအောင်ရေးပေးပါမယ်

ဂျုံခေါက်ဆွဲဖတ် ၊ ဆန်ကြာဆံ ၊ ညှပ်ဖတ်
ပဲပင်ပေါက်လှော် ၊ ငှက်ပျောဖူးပါးပါးလှီး
သခွားသီးပါးပါးလှီး၊ ကြက်သွန်နီ ၊ တိုဟူး
ဂေါ်ဖီထုပ်ပါးပါးလှီး ၊ နံနံပင် ၊ ရှောက်ရွက်
ပဲပြားကြော်၊ အာလူးပြုတ်
ထမင်းဆီနယ် ( ငရုတ်သီးအရောင်တင်မှုန့်ကိုဆီသပ်ပြီး
ထမင်းနဲ့နယ်တာပါ )၊ သင်္ဘောသီး
စသဖြင့်တို့လိုအပ်ပါတယ်
ထည့်သုပ်စားဖို့အတွက်က
ကြက်သွန်နီဆီချက် ၊ ကြက်သွန်ဖြူ ဆီချက်
မန်ကျည်းမှည့်ရည် ၊ ငန်ပြာရည် ၊ ပုစွန်ခြောက်မှုန့်
ငရုတ်ဆီ ( ငရုတ်သီးအရောင်တင်မှုန့်ကိုဆီသပ်တာပါ )
ပဲအကျက်မှုန့် ၊ ငရုတ်သီးအလှော်မှုန့် တို့လိုပါအပ်ပါတယ်

ဟင်းခါးပူပူလေးကိုတော့
ကြွက်နားရွက်မှို ၊ ပဲပင်ပေါက် ၊ ဂေါ်ဖီ
ငါးဖယ်လုံး ၊ ငရုတ်ကောင်း
ကြက်သွန်ဖြူ တို့နဲ့ချက်ပါတယ်
မူရင်းရေးသားသူအားလေးစားစွာဖြင့် Creditပေးပါတယ်
#cooking

#စောင့်ထိန်းအပ်သော လူမှုကျင့်ဝတ်များ

(၁) ဘယ်လောက်ပဲ ချစ်ခင်ရင်းနှီးပါစေ။
စကားကို လက်လွယ်စပယ် မပြောပါနဲ့....။

ခံစားတတ်တဲ့ ဝေဒနာဆိုတာ
လူတိုင်းမှာ ရှိပါတယ်....။

(၂) ဘယ်လောက်ပဲ မုန်းတီးနေပါစေ။ အခြားသူရဲ့ပုဂ္ဂိုလ်ရေးကို နှိမ့်ချစော်ကား
တာမျိုး မပြုလုပ်ပါနဲ့....။

လေးစားမှုဆိုတာ လူတိုင်းနဲ့ထိုက်တန်သလို
မိမိကိုယ်တိုင်နဲ့လည်း ထိုက်တန်ပါတယ်...။

(၃) ဘယ်လောက်ပဲ သဘောကောင်းတဲ့သူနဲ့
တွေ့ပါစေ အခွင့်အရေးကို တဆုံးမနှိုက်ပါနဲ့။

မိမိကိုယ်ကိုယ် ထိန်းသိမ်းတတ်ပါစေ။ အခွင့်
အရေးသမားကို လူတိုင်းက ရွံ့မုန်းကြပါတယ်။

(၄) ဘယ်လောက်ပဲ အလကားရနေပါစေ။
မိမိရသင့်တဲ့ အတိုင်းအရှည် ပမာဏကို
အသိစိတ်နဲ့ ဆင်ခြင်တတ်ပါစေ။ သိက္ခာ
တရားဆိုတာ မွေးမြူသင့်ပါတယ်....။

(၅) ဘယ်လောက်ပဲ အခက်အခဲပြဿနာနဲ့
ကြုံရပါစေ မိမိကိုယ်ပိုင် အစွမ်းအစနဲ့ အရင်
ဖြေရှင်းတတ်ပါစေ။ အကူအညီကို အလွယ်
တကူ လိုချင်တဲ့သူ မဖြစ်ပါစေနဲ့...။

(၆) ဘယ်လောက်ပဲ ရိုးသားတဲ့လူကို
တွေ့ပါစေ။ သင့်အကျိုးအမြတ်အတွက်...
အသုံးမချပါနဲ့...။

ရိုးသားမှုဆိုတာ အရည်အသွေးတစ်ခုဖြစ်ပြီး
အခြားသူအတွက် ဖြစ်တည်နေတာ မဟုတ်
ပါဘူး။

(၇) ဘယ်လောက်ပဲ အင်အားကြီးမားတဲ့သူ
သင်ဖြစ်နေလည်း အလွယ်တကူ အနိုင်ကျင့်
ချင်တဲ့ စိတ်ဓာတ်မျိုး မမွေးပါနဲ့....။

ဒီကနေ့ အင်အားကြီးမားသူဟာ နောင်
တစ်နေ့မှာ အင်အား ပျောက်ဆုံးသွားနိုင်လို့ပါ။
သံသရာဆိုတာ လည်ပတ်နေပါတယ်....။

(၈) ဘယ်လောက်ပဲ အတွေးအခေါ်တွေ ဆန့်
ကျင်ဖက် ဖြစ်နေပါစေ။ ကိုယ်ပဲ မှန်နေတယ်
လို့ မထင်ပါနဲ့။ မကျင့်သုံးနိုင်ရင် ပယ်လိုက်ပါ။

အခြားသူရဲ့ အတွေးအခေါ်ထဲ သင်လည်း
မနေနိုင်သလို သူလည်း နေမှာမဟုတ်ပါဘူး။

(၉) သင်ဘယ်လောက်ပဲ ထူးချွန်ထက်မြက် နေပါစေ
တခြားသူကို ညံ့ဖျင်း တုံးအတယ်လို့...
အလွယ်တကူ မှတ်ချက်မပေးပါနဲ့....။

နောက်ခံအခြေအနေဆိုတာ တသမတ်တည်း
ရရှိနိုင်တာ မဟုတ်လို့အရည်အချင်းတွေ
ကွဲပြားနေတာကို သတိပြုမိပါစေ...။

(၁၀) မိမိကြိုက်နှစ်သက်တဲ့ လူ အရာဝတ္ထု
အတွေးအခေါ် အခြေအနေ တစ်ခုကို မိမိ
ဘာသာ စိတ်ကြိုက် နှစ်သက်ခွင့်ရှိပါတယ်။

ဒါပေမယ့် သူတစ်ပါးကြိုက်နှစ်သက်တဲ့အရာ
တွေကိုတော့ ကဲ့ရဲ့ရှုတ်ချပြီး သင်ကြိုက်တဲ့......
အရာတွေကို ဂုဏ်တင်ပြီး ပြောတာမျိုးတော့မဖြစ်သင့်ပါ။

#crd #respect
#မေတ်တာဖြင့်ပြန်လည်မျှဝေသည်။
#shar

ပြည်ထမင်းသုတ်
~~~~~~~~

ပြည်ထမင်းသုတ်လေး သုတ်စားတယ် ။ အမယ်တွေတော့ အရမ်းမစုံပေမယ့် အရသာရှိရှိ စားကောင်းသည့်အတွက် ဖော်ပြပေးလိုက် ပါတယ်နော်။

ပါ၀င်ပစ္စည်းများ

ပဲကြာဆံ
ထမင်း
ခါ့ကွကျဥ
ဂေါ်ဖီ
အာလူး
မှိုခြောက်
ပဲပင်ပေါက်
ပုစွန်ခြောက်ထောင်း
ပဲမှုန့်
ငရုတ်သီးမှုန့်
ဆီကျက်
ငရုတ်ကျက်မှုန့်
မကျည်းရည်
ငံပြာရည်
Dashi ငါးမှုန့်
ကြက်သွန်ဖြူ
တို့ဟူးခြောက်ကြော်

ပြင်ဆင်ပြုလုပ်နည်း

အာလူးကို ပြုတ်ပြိး အခွံနွှာ ပါးပါးလှီးထားပါ ။ ပဲကြာဇံ အနည်းငယ်ကို ၁၅ မိနစ်ခန့် ရေစိမ်ထားပိ ဆူနေသော ရေနွေထဲသို့ ခဏကြာထည့်ပြုတ်ပြီး ဆယ်ယူထားပါ ။ ထမင်း ၊ ပဲကြာဆံ ၊ ခါ့ကြက်ဥ ၊ ဂေါ်ဖီ ၊ အာလူး ၊ မှိုခြောက် ၊ ပဲပင်ပေါက် နှင့် ပါ၀င်ပစ္စည်းများ အားလုံး နှံ့အောင် ရောနယ်ပြီး အချို ၊ အငန်၊ အစပ် ကိုယ်ကြိုက်သလို ပြင်ဆင်၍ စားသုံးနိုင်ပါသည် ။
ကြက်သွန်ဖြူနှင့် တို့ဟူးခြောက်ကြော်လေးနဲ့တွဲပြီး ဂေါ်ဖီဟင်းခါးလေးနဲ့ဆို အရသာရှိသော ထမင်းသုပ်လေး ရပါပြီ
မူရင်းရေးသားသူအားလေးစားစွာဖြင့် Creditပေးပါတယ်
#cooking

အမှားနည်းချင်ရင် စကားနည်းနည်းပဲပြော
*********************************************

လူ့ပတ်ဝန်းကျင်မှာ လူတိုင်းရှောင်လွှဲလို့မရတဲ့အရာတစ်ခုကတော့ ပြောဆိုဆက်ဆံခြင်းပါပဲ။ လူမှုပေါင်းသင်းဆက်ဆံရေးမှာ ကိုယ့်နှုတ်ကထွက်ကျလာတဲ့ စကားလုံးတိုင်းက တန်ဖိုးရှိဖို့နဲ့ သူများကို မထိခိုက်စေဖို့က အရေးအကြီးဆုံးပါ။

လူတော်တော်များများက အနိုင်ရလိုဇောနဲ့ စကားတွေကို မထိန်းဘဲ ငါ့စကားနွားရ ပြောတတ်ကြတယ်။ လူတစ်ယောက်နဲ့ တစ်ယောက်ကြား ဆက်ဆံရေးတွေ ပြတ်တောက်သွားစေတဲ့ အဓိက တရားခံကလဲ စကားလုံးတွေကြောင့်ပဲဖြစ်နေတတ်ပါတယ်။

အဲဒီတော့ ကျွန်တော်တို့က စကားတစ်ခွန်းပြောတေ့ာမယ်ဆိုရင် ပြောသင့်လား၊ မပြောသင့်လား ပြန်စဉ်းစားဖို့ လိုပါတယ်။ ကိုယ်ပြောမဲ့ စကားရဲ့ အတိမ် အနက်ကို ကိုယ်တိုင်သိဖို့လဲ လိုပါတယ်။ စကားလုံးတွေက လူတစ်ယောက်ရဲ့ စိတ်နေသဘောထားနဲ့ အဆင့်အတန်းကို ဖော်ပြနိုင်တဲ့အတွက် ကောင်းတဲ့စကားတွေပဲ ကိုယ့်နှုတ်က ထွက်နိုင်ဖို့ စာတွေဖတ်ရမယ်။ စာမဖတ်ရင် အကန်းနဲ့တူတယ် မဟုတ်လား။ စာတွေဖတ်မှပဲ အကောင်း၊ အဆိုး၊ အကြောင်း၊ အကျိုး၊ အမှား၊ အမှန်တွေကို ဝေဖန်ပိုင်းခြားဆင်ခြင်နိုင်စွမ်းရှိပြီး အကျိုးရှိတဲ့ စကားလား။ အကျိုးမရှိတဲ့ စကားလားဆိုတာ ကိုယ့်ကိုယ်ကိုယ် ပြန်ဆန်းစစ်နိုင်မှာပေါ့။

ဒီတော့စကားများများပြောရင် အမှားများများပါတတ်လို့ ပြောမဲ့စကားတိုင်းကို ပြောသင့်၊ မသင့် အရင်စဉ်းစားပါ။ စကားကောင်းတွေပြောနိုင်ဖို့ ဗဟုသုတရရှိတဲ့ စာအုပ်တွေကို နေ့စဉ်ဖတ်ပါ။

ဒီစာအုပ်လေးက အမေရိကန်စာရေးဆရာ Cal Newport ရဲ့ နာမည်ကျော် So Good They can't Ignore You ကို ဘာသာပြန်ထားတဲ့စာအုပ်လေးပဲ ဖြစ်ပါတယ်ရှင့်

#မောရိသျှ
မျက်ကွယ်ပြုလို့မရလောက်အောင်ထူးချွန်ပြလိုက်ပါ

▪️Universe ဆိုတဲ့ စကားလုံးကို ရေရွတ်ကြည့်လိုက်တိုင်း စိတ်ထဲမှာ အတော်အင်အားတွေ ပြည့်သွားသလို ခံစားရပါတယ်။ ဉာဏက Universe ရဲ့ သဘောတရားတွေကို နက်နက်ရှိုင်းရှိုင်း ယုံကြည်သက်ဝင်တဲ့သူ တစ်ယောက်ပါပဲ။ ဒါပေမယ့်.. အဲဒီအကြောင်းတွေကို အကျယ်တဝင့် ရေးသားပြောဆိုဖြစ်တဲ့သူတော့ မဟုတ်ပါဘူး။

▪️ဒီအပတ်ထဲမှာ ဆရာမ မွန်ဟော်စီရဲ့Universe စာအုပ်လေးကို ပထမဆုံးအကြိမ်ဖတ်ဖြစ်ခဲ့စဉ်က ဉာဏအနေနဲ့ အင်မတန် စိတ်လှုပ်ရှားနေခဲ့ပါတယ်။ ဉာဏ သိပ်ကို စိတ်ဝင်စားမိတဲ့အကြောင်းအရာတွေ ဖြစ်လို့ပါပဲ။ စာအုပ်ကိုင်ထားတဲ့ လက်ဖျားတွေတောင် တုန်ယင်နေတဲ့အထိပါ။

► ဆရာမအနေနဲ့ ဒီစာအုပ်လေးကို သေသေချာချာ အားစိုက်ထုတ်ကာ ရေးသားထားတယ်ဆိုတာကိုလည်း မြင်သာသလို.. ဒီစာအုပ်လေးထဲမှာ ပါဝင်နေတဲ့ Energy ကိုလည်း ခံစားရပါတယ်။ စာအုပ်လေးရဲ့အဖွင့် Introduction ကအစ အတော်စိတ်ဝင်စားဖို့ ကောင်းနေပါတယ်။

▪️Spiritual Path ကို လျှောက်လှမ်းခဲ့တာကြောင့် ဘဝမှာငြိမ်းချမ်းမှုတွေ အများကြီးရခဲ့တယ်။ လက်ခံတတ်လာသလိုလွှတ်ချတတ်လာတယ်။ အောင်မြင်မှုတွေ အများကြီးရခဲ့တယ်။ မေတ္တာတရားနဲ့ နေထိုင်ခြင်း၊ ကျေးဇူးတရားနဲ့နေထိုင်ခြင်းဟာ ဘယ်လောက်အထိ မိမိစိတ်ကို လုံခြုံစေသလဲ ဆိုတာကို Spirituality က အကြိမ်ကြိမ်အခါခါ သက်သေပြခဲ့တယ်။ The Universe has my back . Universe ဟာ ကျမရဲ့နောက်မှာ မာမားမတ်မတ်ရပ်တည်ပေးခဲ့တယ်လို့ပြောရမှာပဲ ဖြစ်ပါတယ်.. တဲ့ ။

► Introduction မှာ ပါဝင်တဲ့ ဒီစာသားတွေဟာ ဉာဏရဲ့ဘဝတလျောက်မှာ ကြုံခဲ့ရတဲ့အရာတွေ အတော်များများနဲ့ တထပ်တည်းကျခဲ့ပါတယ်။ အဲဒီတော့ ရင်ထဲမှာ တငြိမ့်ငြိမ့်နဲ့ လှိုက်လှိုက်လှဲလှဲ ခံစားရပါတယ်။

ဆက်လက်ပြီး ဒီစာအုပ်ထဲမှာ Universe ရဲ့ သိကောင်းစရာ အကြောင်းအရာတွေကို ဆရာမက အများကြီး ရှင်းပြထားပါတယ်။ ဆရာမ ရေးပြထားတဲ့အထဲက အင်မတန်ကြိုက်တဲ့ သဘောတရားတစ်ခုကို ဖော်ပြပါရစေ .. ။

▪️လိုချင်တာ ရပါစေ.. ဆုတောင်းတွေ ပြည့်ပါစေ၊ ရည်မှန်းချက်တွေ အောင်မြင်ပါစေဆိုပြီး Universe ကိုကလေးလေးတယောက်လို လက်ဖြန့်တောင်းကြတယ်။

ဒါကို Manifestation လို့ ဆိုကြတယ်။ ဒီလို သူ့ကို တောင်းရင်လိုချင်တာ အကုန်ရမယ်၊ ကောင်းတာတွေအကုန်လုံး သူက ပေးနိုင်တယ်လို့ ထင်ကြတယ်။ တကယ်တော့ Universe ဆိုတာလည်း ကံအလုပ် ဖြစ်ပါတယ်။

ကျေးဇူးတရား၊ မေတ္တာတရား၊ ငြိမ်းအေးမှု၊ ငြိမ်သက်မှုယုံကြည်မှုသဒ္ဓါတရားနဲ့ ကုသိုလ်အလုပ်တွေပဲ ဖြစ်ပါတယ်။
ဒီအလုပ်တွေနဲ့ဆိုရင် ဘဝမှာမတောင်းဘဲနဲ့ကို ပြည့်နိုင်တဲ့ဆုတွေရှိပါတယ်။ အကျိုးကို ရလာဖို့ အကြောင်းကို ဖန်တီးလိုက်တဲ့အတွက်ကြောင့် ဖြစ်ပါတယ်။

"ဒါကြောင့် Universe ဆိုတဲ့အရာကို အဝေးမှာ သွားရှာဖို့မလိုပါဘူး။ အဲဒီ Universe ဆိုတဲ့အရာဟာ မိမိရင်ထဲ နှလုံးသားထဲမှာ အနီးကပ်ဆုံး ရှိနေတတ်ပါတယ်။ ကိုယ်တိုင်ဟာ ကိုယ့်ရဲ့Universe ပါပဲ"လို့ ဆရာမက ရေးသားထားပါတယ်။

▪️ဒီရေးသားချက်တွေဟာ တကယ့်ကို မှန်ကန်လွန်းပါတယ်။ ဉာဏအမြင်အရ..အခု ဖြစ်ပျက်နေကြတာ အတော်များများက Spiritual ကို အပေါ်ယံလောက်သာ လေ့လာ၊ Law of attraction သဘောတရားတွေနဲ့ Manifestation တွေ လုပ်၊ ကိုယ်လိုချင်တဲ့အရာကိုရဖို့ အသည်းအသန်တွေ ကြိုးပမ်းကြပါတယ်။ ဒါကိုပဲ Spiritual လမ်းကြောင်းကို လျှောက်လှမ်းနေတယ်လို့ ထင်တတ်ကြပါတယ်။

ကိုယ်တိုင်ကတော့ Universe ကို ဘာပေးမလဲလို့ မစဉ်းစားကြဘဲ Universe ဆီက ဘာတွေရမလဲဆိုပြီးပဲ အရင်ဆုံး စဉ်းစားကြပါတယ်။ အတောမသတ်နိုင်တဲ့ဆန္ဒတွေနဲ့ ပူလောင်ကြတယ်။ ကိုယ်နဲ့ မထိုက်တန်သေးတာတွေကို လောဘတကြီး တောင်းဆိုကြတယ်။

► Universe ရဲ့ ဥပဒေသအရ မိမိနဲ့မထိုက်တန်ရင် ဘယ်အရာမှ ရလေ့မရှိပါဘူး။ မိမိ Energy နဲ့ ကိုက်ညီတဲ့အရာ၊ မိမိစိတ်ဓာတ်နဲ့ ထိုက်တန်တဲ့ဘဝကိုသာ ရရှိမှာ ဖြစ်ပါတယ်။ ဒီသဘောတရားကို ဉာဏ အကြွင်းမဲ့ ယုံကြည်လက်ခံထားပါတယ်။

ဆရာမရဲ့ Universe စာအုပ်က ပေးချင်တဲ့ Message ကလည်း " ကိုယ်လုပ်သမျှ ကိုယ်ပြန်ရမယ်"၊ "ကိုယ်စိုက်သမျှ ကိုယ်ပြန်ရိတ်သိမ်းရမယ်"ဆိုတဲ့ ကမ္မနိယာမကို ဦးတည်ထားတယ်လို့ ခံစားမိပါတယ်။ ဒါကြောင့် ဖတ်ရှုရတာ အင်မတန်စိတ်ကျေနပ်မိပါတယ်။

📌 ဒီစာအုပ်လေးဟာ Spiritual ဆိုင်ရာ သဘောတရားတွေကို လမ်းမှားမသွားစေအောင်.. ၊ ဝေဝါးမသွားစေအောင်.၊ ကံ..ကံရဲ့အကျိုးကို သွေဖယ်မသွားစေအောင်.. ၊ ရိုးရှင်းတည့်မတ်တဲ့ အယူအဆတွေနဲ့ ရှင်းလင်းဖော်ပြထားပါတယ်။

Spiritual လမ်းကြောင်းကို လျှောက်လှမ်းနေသူတွေနဲ့ ၊ ကံနဲ့ ကံရဲ့အကျိုးကို သက်ဝင်ယုံကြည်သူတိုင်းအတွက်.. ပိုမိုလေးလေးနက်နက်လေ့လာနိုင်စေဖို့.. မှန်ကန်တဲ့လမ်းကြောင်းတွေကို မီးမောင်းထိုးပြထားတဲ့ စာအုပ်ကောင်းလေးတစ်အုပ် ဖြစ်ပါတယ်။
#

လိုတာထက်မပိုနဲ့
••••••••••••••••••••••

••••ဘယ်သူ့ကိုမဆို ရောပြီးပေါင်းသင်းတတ်တာ ကောင်းပေမယ့် ဘယ်အရာမဆို လိုတာထက်မပိုတာ အကောင်းဆုံး ပဲ။

••••အချစ်ပဲ ဖြစ်ဖြစ် စေတနာပဲဖြစ်ဖြစ် လိုတာထက် ပိုပေးမိရင် တန်ဖိုးမဲ့သွားတာပဲလေ
မတန်ဘူးထင်ရင် လိုတာထက် မပိုမိစေနဲ့။

••••တစ်စုံတစ်ယောက်ကို လိုတာထက်ပို ဂရုစိုက်ကြည့် ချစ်ကြည့် အချိန်တန်ရင် နောက်ဆုံးပစ်ချသွားတာချည်းပဲမဟုတ်လား??

•••••အပေါင်းအသင်း တွေကြားမှာ အားနာတတ်တဲ့ စိတ်နဲ့ အရာအားလုံးကို လိုတာထက် ပိုလုပ်ပေးကြည့် သူ့အလိုလို ကိုယ်က လိုသုံးကြီးဖြစ်သွားတာပဲလေ။

•••••တန်ရင်ဆေး မလိုရင်ဘေးပါပဲ တစ်ခါတစ်လေ ကိုယ့်စိတ်နဲ့မတန်ပေမယ့် ကိုယ့်စိတ်က ပြုပြင်မရတဲ့ ဇွတ်ကောင်းစိတ်ကြောင့် မာနနဲ့ သိက္ခာတွေပါထိခိုက်တတ်ကြတယ်။

•••••မပြောပဲနေလိုက်ရတဲ့အခိုက်အတန့်တွေရှိပေမယ့် ကိုယ့်ဘဝနဲ့ကိုယ် ကိုယ့်စိတ်ကြောင့် ဖြစ်လာတဲ့ အရာတွေမို့ ဆင်ချင်လိုက်ရတဲ့အခိုက်အတန့်တွေရှိတယ်။

•••••ပိုနေသမျှ အရာအားလုံးက ကိုယ့်ဘက်က စေတနာ မေတ္တာမှန်ပေမယ့် တစ်ဖက်လူအတွက်တော့ အမှိုက်သာသာပါပဲ ဒါကြောင့်
ဘယ်သူအပေါ်ကိုမှ လိုတာထက်ပို မဆက်ဆံပါနဲ့ ပုံမှန်လေးပဲ ကောင်းပါတယ်။

•••••သိက္ခါနဲ့မာနကိုထိပါးပြီး လိုတာထက် ပိုဆက်ဆံမိလိုက်တဲ့အခိုက် တန်ပြန်ရတာက
ကိုယ်ပဲ ခံစားရတာမို့ တစ်ချို့တွေက
လိုတာထက် ပိုပြီးပေးလိုက်မိရင် တန်ဖိုးထားရကောင်းမှန်းမသိကြဘူးဆိုတာ ပိုသိလာတယ်။

•••••ဒါကြောင့် ကိုယ့်သိက္ခာကိုယ့်မာနကို ထိပါးပြီး ကိုယ့်မေတ္တာ ကိုယ့်စေတနာတွေကို စျေးပေါပေါနဲ့ တန်ဖိုးအဖြတ်မခံပါနဲ့ကိုယ့်သိက္ခာ ကိုယ်ထိန်ပြီးဘယ်သူ့ ကိုမှ လိုတာထက် ပို မဆက်ဆံတာအကောင်းဆုံးပါပဲ။

Huawei Pura 70 Ultra မှာပါတဲ့ ကြွတက်နိုင်တဲ့ Camera ရဲ့ ထူးခြားချက်တွေကိုပြောရမယ် ဆိုရင် အသိသာဆုံးထူးခြားချက်ကတော့

“အခြားဖုန်းတွေနဲ့ မတူပဲ ကြွတက်နိုင်တဲ့ Retract Camera ဖြစ်တာပါပဲ”

ဘာကြောင့် ကြွတက်နိုင်ရမှာလဲ ၊ အရှင်းဆုံး အဖြေကတော့ Sensor Size ကြီးကြီးကို ၊ Camera Bump ခပ်သေးသေးမှာ ထည့်နိုင်တာကြောင့်ပါတဲ့

ဒီတော့ Camera Bump သေးသေး ၊ Sensor ကြီးကြီး ၊ ပုံတွေပိုကောင်းကောင်းရိုက်နိုင်မယ်ပေါ့ဗျာ

Retract Camera ပါဖို့ ဘာတွေလိုလဲ “ဖုန်း Company က ထည့်ပေးဖို့ပဲလိုတာပါ” :3

ထည့်ပေးဖို့ ဘာတွေထပ်လိုလဲရင် ကြွတက်ဖို့ ကူညီပေးမဲ့ Stepper Motors ၊ ဖုန်းတွေဘာတွေဝင်တာနဲ့ ကင်မရာကို ကာကွယ်ပေးဖို့ Telescopic Lens Cover တွေလိုတယ်

ဆက်ရရင် Pura 70 Ultra မှာ ထူးခြားနေတာကဘာလဲ?

အကြိမ် ၁ သိန်းအထိ ကြွတက်နိုင်မှုကိုစမ်းထားတယ် လို့ပြောထားတယ်

ရေစိုခံတာနိုင်မယ် လှုပ်ရှားနိုင်တဲ့အစိတ်အပိုင်း ပါပေမဲ့ Huawei က IP68 Rating ရအောင်ဖန်တီးထားနိုင်တယ် ဒါက ပထမဆုံးပဲ

နောက်တစ်ခုက Stepper Motor ကိုအသံငြိမ်ဖို့ noise-suppressing foam တွေပါထည့်ပေးထားသေးတယ်

⚜️ ဥရောပတိုက်ရဲ့ 16 ရာစုနှစ်အတွင်းမှာဖြစ်ပွါးခဲ့တဲ့ Queen Elizabeth I of England နဲ့ King Phillip II of Spain တို့ကြားကတိုက်ပွဲဟာ နိုင်ငံရေးအယူအဆနဲ့ ဘာသာရေးအယူအဆကွဲပြားမှုတွေကနေတဆင့် တဖြည်းဖြည်း လောင်ကျွမ်းလာခဲ့ရတာပဲဖြစ်ပါတယ်။ England ရဲ့ Elizabeth ဟာ 1558 မှာနန်းတက်ခဲ့ပြီး သူမဟာ သူမရဲ့အဖေ King Henry VIII နဲ့ မောင်တော် King Edward VI တို့လို Protestant ကိုထောက်ခံတာကြောင့် Elizabeth နန်းတက်တာကို Catholic ဘာသာဝင်နိုင်ငံ Spain ရဲ့ King Phillip II က လုံးဝမကျေနပ်ပဲ အပြစ်သားတစ်ယောက်သဖွယ်သတ်မှတ်ထားခဲ့ပါတယ်။ Phillip ဟာ Elizabeth ရဲ့အမတော် Mary Tudor ( Queen of England ) နဲ့ လက်ထပ်ထားခဲ့သူလဲဖြစ်ပြီး Elizabeth နဲ့ Mary Staurt ( Queen of Scots ) ကြားမှာလဲ ရန်ငြိုးရန်စတွေ အမုန်းတရားတွေပေါ်ပေါက်လာအောင် ကြားထဲကနေ သွေးထိုးလှုံဆော်ပေးခဲ့သူပဲဖြစ်ပါတယ်။ Elizabeth ကနေပြီးတော့ Spain တို့ထိန်းချုပ်ထားတဲ့ Netherlands နိုင်ငံမှာ Protestants တွေကိုထောက်ခံပေးလိုက်ပြီး Spain နိုင်ငံက သင်္ဘောတွေကို ကိုလိုနီနယ်မြေများကနေ တိုက်ထုတ်ရန် စွန့်စားသူများဖြစ်ကြတဲ့ Francis Drake တို့ကို အမိန့်ပေးလိုက်တဲ့အခါမှာ Phillip အနေဖြင့် ဒါဟာ အမေရိကတိုက်နဲ့ဥရောပတိုက်မှာ စပိန်တွေရဲ့အာဏာကို ခြိမ်းခြောက်တာပဲလို့ယူဆပြီး အမျက်များထွက်ခဲ့ပါတယ်။ ဒီလိုနဲ့ပဲ ကြားထဲမှာ Elizabeth တို့က Phillip နောက်ကွယ်ကနေ ပံပိုးပြီး သူလိုရာကိုကြိုးဆွဲချင်နေတဲ့ Mary Queen of Scots ကို ကွပ်မျက်လိုက်တဲ့အခါမှာ England ထီးနန်းရဲ့ စစ်မှန်တဲ့ဘုရင်မကို မတရားသဖြင့်ကွပ်မျက်ခဲ့တယ်ဆိုပြီး ရမယ်ရှာကာ 1588 ခုနှစ်မှာ စစ်သင်္ဘောပေါင်း 141 စီး၊ သင်္ဘောသား 10139 ယောက်၊ စစ်သား 19315 ယောက်၊ လက်နက်ခဲယမ်းပေါင်း 3000 နီးပါး ပါဝင်တဲ့ စပိန် Armada ရေတပ်ကြီးဟာ Elizabeth ကိုနန်းချ၊ Catholic ဘာသာကို ပြန်လည်ထူထောင်မယ်ဆိုပြီး England ရေပိုင်နက်ထဲကို စတင် ကျူးကျော်ဝင်ရောက်လာခဲ့ပါတော့တယ်။ သို့သော်ငြားလဲ ကံအကြောင်းမလှစွာဖြင့် Armada ရေတပ်ကြီးဟာ သူတို့မကျွမ်းကျင်တဲ့ England သုမုဒ္ဒရာ ရေပြင်အခြေအနေ၊ ရာသီဥတုအခြေအနေတွေနဲ့ England ရေတပ်ရဲ့ ဆန်းသစ်တဲ့နည်းဗျူဟာတွေ၊ အားမလျော့ပဲ တောင့်ခံထားမှုတွေနဲ့ စုပေါင်းပြီးကြုံလိုက်ရတဲ့အခါမှာ စပိန် Armada ရေတပ်ကြီးဟာ မှန်းချက်နဲ့နှမ်းထွက်မကိုက်ပဲ အကြီးအကျယ်ကို ရှုံးနိမ့်သွားရပါတော့တယ်။ Armada ရေတပ်ကြီးရဲ့ရှုံးနိမ့်မှုဟာ ဥရောပသမိုင်းရဲ့ အကြီးကျယ်ဆုံးရှုံးနိမ့်မှုတစ်ခုဖြစ်ပြီး England ရဲ့အောင်မြင်မှုကြောင့် Elizabeth ရဲ့ထီးနန်းဟာ ပိုမိုခိုင်မာသွားခဲ့ပြီး England ဟာလဲ ဥရောပတိုက်မှာ အင်အားကြီးနိုင်ငံတစ်ခုအဖြစ် စတင်ပြောင်းလဲလာခဲ့ပါတော့တယ်။ Armada ရေတပ်ကြီးဆုံးရှုံးသွားတာကြောင့် စပိန်နိုင်ငံဟာ ခွက်ခွက်လန်အောင် အရှုံးပေါ်သွားခဲ့ပြီး စီးပွါးရေးအကြပ်အတည်းတွေ၊ ငွေကြေးဖောင်းပွမှုတွေ၊ နိုင်ငံရေးအာဏာလျော့နည်းလာမှုတွေ၊ စစ်သည်အင်အားမလုံလောက်မှုတွေ များစွာကိုရင်ဆိုင်ခဲ့ရပြီး Phillip ရဲ့အာဏာဟာလဲ စပိန်နန်းတွင်းမှာအရာမဝင်တော့တဲ့အထိကိုဖြစ်သွားခဲ့ရပါတယ်။ Armada ရေတပ်ကြီးရဲ့ရှုံးနိမ့်မှုဟာ Spain နိုင်ငံကို ခေတ်နောက်ပြန်ဆွဲသည်အထိဖြစ်သွားခဲ့ရပြီး စီးပွါးရေး၊လူမှုရေး၊စစ်ရေး၊နိုင်ငံရေး များစွာတို့အပေါ်ပါ ဆိုးကျိုးများစွာ သက်ရောက်ခဲ့ရပါတယ်။ ဒီစစ်ပွဲအကြောင်းနဲ့ပတ်သတ်ပြီးတော့ အသေးစိတ်ကို Elizabeth: The Golden Age ရုပ်ရှင်ထဲမှာ ထည့်သွင်းရိုက်ကူးပြထားပါတယ်။