#injuryတွေရတဲ့အထိလေ့ကျင့်ကြသည့်အပေါ် လီဟေနီရဲ့အမြင်
Dorian နဲ့ Ronnie တို့လို ကျွန်တော့်ရဲ့ ခန္ဓာကိုယ်ဖွဲ့စည်းပုံကြွက်သားထုထည်မျိုးက သူတို့နဲ့ ဘယ်တော့ မှ ယှဉ်နိုင်မှာမဟုတ်ဘူးလို့ ကျွန်တော်ထင်တယ်။
ကျွန်တော့်မှာ ခါး ၃၁ လက်မပဲ ရှိခဲ့တယ်။ ကျွန်တော်ထင်တာကတော့... ကျွန်တော် ဒဏ်ရာရသွားမှာပါ
ခင်ဗျားသိတဲ့အတိုင်းပဲ၊ အဲ့ဒီလိုခန္ဓာကိုယ်တွေအတွက် သူတို့ရဲ့ အရိုးဖွဲ့စည်းပုံက ကျွန်တော့်ထက် အများကြီး ပိုထူထဲပါတယ်။
သိပ္ပံပညာရဲ့ ချဉ်းကပ်ပုံက ခင်ဗျားရဲ့ ခန္ဓာကိုယ်ဖွဲ့စည်းပုံကို မပျက်စီးစေဘဲ ခင်ဗျားရှာဖွေနေတဲ့ ရလဒ်တွေကို ပေးနိုင်ပါသေးတယ်။
ဒါကြောင့် ဒါက လူငယ်ကာယဗလမောင်တွေ သတိထားရမယ့်အချက်ပဲ။
ခင်ဗျားပြောနိုင်တာကတော့ "ဟုတ်တယ်လေ၊ ငါ ပေါင် ၈၀၀ မခဲ့တယ်! ငါ ပေါင် ၅၀၀ မခဲ့တယ်!" ပေါ့။
ခင်ဗျား အဲ့ဒါကို ကြာကြာလုပ်နိုင်မှာမဟုတ်ဘူး။ အားကစားလောကမှာ ခင်ဗျား ကြာရှည်ခံမှာမဟုတ်ဘူး။
ပွဲရဲ့အဆုံးမှာတော့ ခင်ဗျားဟာ ပင်ပင်ပန်းပန်းရှာဖွေထားတဲ့ဝင်ငွေတွေကို ကိုယ့်ကိုယ်ကိုယ် ပြန်ဖာထေးဖို့အတွက် သုံးစွဲနေရလိမ့်မယ်။
လှုံ့ဆော်ဖို့ လေ့ကျင့်ပါ၊ ဖျက်ဆီးဖို့ မဟုတ်ဘူး။
ခင်ဗျားက လေ့ကျင့်ခန်းလုပ်ခြင်းရဲ့ သိပ္ပံပညာကို အသုံးပြုတဲ့အခါ၊ ခင်ဗျားရှာဖွေနေတဲ့ ပန်းတိုင်တွေ၊ ရလဒ်တွေကို ရရှိဖို့အတွက် ခင်ဗျားရဲ့ခန္ဓာကိုယ်ကို စုတ်ပြတ်သတ်သွားအောင် လုပ်စရာမလိုပါဘူး။
လေ့ကျင့်ခန်းအလွန်အကျွံလုပ်တာထက်၊ လေ့ကျင့်ခန်းလျော့လုပ်တာက အများကြီး ပိုကောင်းပါတယ်။ ခင်ဗျားနားလည်လား?
ခင်ဗျားက ခန္ဓာကိုယ်ကို လှုံ့ဆော်ပေးတယ်၊ ပြီးတော့ မှန်ကန်တဲ့အာဟာရကို ကျွေးမွေးတယ်။ ပြီးရင် ခန္ဓာကိုယ်ကို အနားယူခြင်း၊ ရေသောက်သုံးခြင်း၊ ဖြည့်စွက်စာကောင်းကောင်းသုံးခြင်းတို့ကနေတစ်ဆင့် ပြန်လည်နာလန်ထူဖို့ အချိန်အလုံအလောက်ပေးရမယ်။
ခင်ဗျားသာ အဲ့ဒီအရာတွေကို လုပ်ဆောင်မယ်ဆိုရင်၊ ခင်ဗျားဟာ ဒီအားကစားလောကမှာ အချိန်အကြာကြီး ရှင်သန်နိုင်မှာပါ။
