တရုတ် အနောက်တောင်ပိုင်းမှာ စက်လှေနစ်မြုပ်မှု ကိုးယောက်သေပြီး လူ ၇၀ ဆေးရုံရောက်
ပေကျင်း၊ မေ-၅-၂၀၂၅
တရုတ်နိုင်ငံ အနောက်တောင်ပိုင်း ခရီးသွားနေရာတခုမှာ စက်လှေတိမ်းမှောက်မှုကြောင့် လူကိုးယောက်သေဆုံးပြီး အယောက် ၇၀ ဆေးရုံတင်ထားရတယ်လို့ တရုတ်နို်ငငံပိုင် သတင်းဌာနက ဒီကနေ့မှာ အတည်ပြုထုတ်ပြန်ပါတယ်။
ခရီးသည်တင်စက်လှေဟာ ကွေ့ကျိုးပြည်နယ် ကျန်ဇီမြို့ရှိ မြစ်တစင်းပေါ်မှာ မနေ့က မွန်းလွဲပိုင်းက တိမ်းမှောက်ခဲ့တာဖြစ်ပြီး လူ ၈၄ ယောက်ဟာ ရေနစ်ခဲ့တယ်လို့ ဆိုပါတယ်။ ရှာဖွေကယ်ဆယ်ရေးနဲ့ ဒဏ်ရာရသူတွေကို အစွမ်းကုန်ကုသမှုပေးဖို့ တရုတ်သမ္မတ ရှီကျင်းပင်က အမိန့်ထုတ်ထားပါတယ်။
ခရီးသွားဆွဲဆောင်ရာနေရာတွေမှာ ဘေးကင်းရေးအစီအမံတွေနဲ့ အခြားအများပြည်သူနေရာတွေမှာလည်း လုံခြုံရေးအစီအမံတွေ အားကောင်းလာစေဖို့ သမ္မတရှီကျင်းပင်က ညွန်ကြားထားပါတယ်။ တရုတ်ဒုတိယဝန်ကြီးချုပ်ဟာ ကယ်ဆယ်ရေးလုပ်ငန်းတွေ ကြီးကြပ်ဖို့ အခင်းဖြစ်ရာနေရာကို သွားရောက်ခဲ့ပါတယ်။
နိုင်ငံအလယ်ပိုင်း ဟူနန်ပြည်နယ်မှာ ခရီးသည်တစက်လှေတစင်းနဲ့ စက်မှုလုပ်ငန်းသုံးသင်္ဘောတို့ တိုက်မိပြီး နစ်မြုပ်မှုကြောင့် လူ ၁၁ ယောက်သေဆုံးပြီးနောက် နှစ်လအကြာမှာ လက်ရှိမတော်တဆမှု ဖြစ်ပွားခဲ့တာပါ။
စက်လှေဟာ ဝန်ပိုတင်ဆောင်တာမရှိဘူးလို့ တာဝန်ရှိသူတွေက ပြောပါတယ်။ နစ်မြုပ်ရတဲ့ အကြောင်းရင်းကို စုံစမ်းစစ်ဆေးနေပါတယ်။ တရုတ်နိုင်ငံမှာ မကြာသေးမီနှစ်တွေအတွင်း လူအသေအပျောက်များတဲ့ စက်လှေနစ်မြုပ်မှုနဲ့ မတော်တဆမှုတွေ ဖြစ်ပွားခဲ့ပါတယ်။
Ref:CNA
Photo:AP
