“မန္တလေးမြိုမှာ တရုတ်နိုင်ငံကယ်ဆယ်ကုသရေးအဖွဲမှ ၁၀ ရက်ခန့် အခမဲ့ကုသပေးသွားမယ်”
(ပြည်တွင်း) ဧပြီ ၈
တရုတ်နိုင်ငံ ပရဟိတဆရာဝန်များနှင့်ဖွဲ့စည်းထားသော ကယ်ဆယ်ကုသရေးအဖွဲ့ဟာ ဧပြီလ ၉ ရက် မှစတင် ကာ မန္တလေးမြို့ ဖူကျင်ဗုဒ္ဓဘာသာဘုရားကျောင်းတွင် အခမဲ့ကုသခြင်းကို ၁၀ ရက်ဝန်းကျင် လုပ်ဆောင်ပေးသွားမယ် လို့ မြန်မာနိုင်ငံတရုတ်ကုန်သည်များ အသင်းချုပ်နှင့် မန္တလေးမြိုဖူကျင်ဗုဒ္ဓဘာသာအသင်းမှ သိရပါတယ်။
အဆိုပါကုသရေးအဖွဲ့ဟာ ဧပြီလ ၉ ရက်မှစတင်ကာ မနက် ၉ နာရီမှ နေ့လယ် ၁၂ နာရီ အထိ၊ ညနေ ၂ နာရီခွဲမှ ၅ နာရီခွဲအထိ အခမဲ့ဆေးကုသပေးသွားမှာဖြစ်ပြီး ဆေးကုသပေးမည့် ပညာရှင်များက ပေကျင်းမြိုနှင့် တရုတ်နိုင်ငံ အနှံမှ အဆင့်မြင့်ဆေးရုံကြီးများ(Grade-A tertiary အဆင့်)မှ အကြီးတန်း ဆရာဝန်ကြီးများနှင့် ဒုတိယအကြီးတန်း ဆရာဝန်ကြီးများဖြစ်ပြီး အထွေထွေရောဂါ (နှလုံးသွေးကြော၊ အသက်ရှူလမ်းကြောင်း၊ အစာအိမ်၊ အာရုံကြော)၊ အရိုး၊ သားဖွားမီးယပ်၊ ခွဲစိတ်(နှလုံးသွေးကြော၊ အသက်ရှူလမ်းကြောင်း၊ အစာအိမ်၊ အာရုံကြော)၊ မေ့ဆေးစတဲ့ ဆရာဝန်ကြီး များဖြစ်ပါတယ်။
ကုသဆောင်ရွက်ပေးနိုင်မယ့် ဝန်ဆောင်မှုများကတော့ ကျန်းမာရေးအကြံပေးခြင်း၊ ဒဏ်ရာပြုစု ကုသခြင်း၊ သားဖွားမီးယပ်စစ်ဆေးခြင်း၊ ဆေးဝါးဆိုင်ရာအကြံပေးခြင်း၊ CT ရိုက်ခြင်း၊ ဓာတ်မှန်ရိုက်ခြင်း၊ ECG ရိုက်ခြင်းတို့ ဖြစ်ကာ ဆေးဝါးအကူအညီလိုအပ်သူများကို မန္တလေးမြို့၊ လမ်း ၃၀ ၊ ၈၂ လမ်းနှင့် ၈၃ လမ်းကြားရှိ ဖူကျင်ဗုဒ္ဓဘာသာ ဘုရားကျောင်း သို့ လာရောက်ပြီး ကျန်းမာရေးဆွေးနွေးပြသနိုင်တယ်လို သိရပါတယ်။
