ရန်ကုန်မြိုနဲ့အကိုက်ဆုံးကား
အပိုင်း-၂(Toyota C-HR)
———————————
ရန်ကုန်မြို့ရဲ့အကိုက်ဆုံး Toyota Raize postမှာလူတွေတော်တော်များများစိတ်ဝင်စားပြီတကယ်တမ်းကျJDMဖြစ်လို့သွင်းမရပါဘူး။ဒီတစ်ခါတော့မြန်မာပြည်ကိုသွင်းလို့ရတဲ့ရန်ကုန်မြို့ရဲ့အကိုက်ဆုံးကားကိုဖော်ပြပါမယ်။ Toyota RaizeလိုပဲSmall Compact Crossoverလဲဖြစ်ရမယ်၊ရေကြီးရင်လဲဖြတ်နိုင်ရမယ်၊ ဆီစားလဲသက်သာရမယ်ဆိုတဲ့အချက်တွေနဲ့ Toyota C-HRကကိုက်ညီပါတယ်။
Toyota C-HRက2016ကမှစထွက်လာတဲ့Lineupတစ်ခုပါ။Toyotaရဲ့ထွက်သမျှကားတွေထဲမှာToyotaမဆန်တဲ့ပထမဆုံးကားက C-HRပဲဖြစ်ပါမယ်။ TNGA (Toyota New Global Architecture) Platformပေါ်ကဒုတိယမြောက်ထုတ်ရောင်းတဲ့ကားလဲဖြစ်ပါတယ်။ အဲ့ဒီ Platformအသစ်ပေါ်မှာDevelopတာကြောင့်လဲကားထွက်ခါစကပုံမှန်အရင်Toyota design language မြင်နေကျသူတွေအဖို့လုံးဝကွဲပြားပြီးထွက်လာတဲ့ကားတစ်စီးဖြစ်ခဲ့ပါတယ်။ Exterior/InteriorတွေကToyotaနဲ့တောင်မတူပါဘူး။ ကျွန်တော့်အမြင်မှာဆိုဒီကားလေးကလူငယ်တွေကိုအဓိကTargetလုပ်ထားတဲ့ကားတစ်စီးလို့ပဲမြင်ပါတယ်။
Exterior
—————
ကားကိုစကြည့်လိုက်မယ်ဆိုတာနဲ့မြင်နေကျ Crossoverတွေလိုပုံတော့မဟုတ်ပါဘူး။ Coupe Roof lineနဲ့ Bodyကိုချိူးထားတာတော်တော်လေးမိုက်ပါတယ်။ HeadlampsတွေကလဲLED projectorတွေနဲ့ပါ။ပြီးတော့ Signalမီးပြရင်Sweeping effectကလှပါတယ် (နောက်ပိုင်းLexusတွေမှာပါသလို၊Signalပြရင်မီးတန်းကတစ်ဖက်စွန်းကနေကျန်တစ်ဖက်ကိုသွားတဲ့Effect)။ ဘေးတိုက်ကြည့်ရတာသဘောအကျဆုံးပါပဲ။ Suzuki Swiftလိုမျိုးနောက်တံခါးလက်ကိုင်ကိုအပေါ်နားမှာတပ်ထားတာအမြင်ဆန်းပါတယ်။နောက်ကကြည့်မယ်ဆို TaillightsတွေကိုLED stripသုံးကြောင်းကပုံဖော်ပေးထားတာသဘောကျပါတယ်။ Colour optionဆို 2 tone option (Roof colour black/white) ရွေးလို့ရပါသေးတယ်။ ကျွန်တော်ဆိုပုံထဲကအတိုင်းအရောင်ရွေးပါမယ်။
Interior
—————-
Interiorကိုပြောရမယ်ဆိုရင်မျက်လုံးထဲတန်းမြင်တာ Infotainment unitကြီးပါ။ Dashboardအလယ်မှာထောင်ထောင်ကြီးဖြစ်နေရင်မကြိုက်ပါ၊ Dashboardကိုရိုးရိုးရှင်းရှင်းပဲကြိုက်ပါတယ်။အရှေ့ကထိုင်ခုံတွေက sport seatsတွေလိုမျိုးပါ (Trimပေါ်မူတည်ပြီးကွဲနိုင်)။ ပုံထဲကဆို Diamond quilted seatsတွေပါ (အကွက်ကွက်တွေဖော်)။ ဘေးကSide coverတွေမှာကအစစိန်ကွက်လေးတွေဖော်ထားပါတယ်။ဒီကားမှာမကြိုက်ဆုံးအချက်ကနောက်ခန်းပါ။ပုံမှန်Crossoverတွေနောက်ခန်းမှာထိုင်လိုက်ရင်ပြတင်းပေါက်မှန်ဘောင်ကလူရဲ့လည်ပင်းလောက်နဲ့တော့အနည်းဆုံးသွားညီပါတယ်။C-HRကျတော့ကိုယ်ကနောက်ထိုင်ခုံမှာထိုင်လိုက်ရင်ဘေးမှာပြတင်းပေါက်အစားတံခါးရဲ့Side cover hard plasticကြီးကိုတွေ့နေရမှာပါ။ပြတင်းပေါက်လေညင်းခံချင်တယ်ဆိုခေါင်းကိုရှေ့တိုးပြီးမြှင့်ထားရမယ့်ပုံပါ။ပြီးတော့နောက်ခန်းပြတင်းပေါက်အရမ်းသေးပါတယ်။အလင်းဝင်တာတောင်နည်းပါတယ်ပြတင်းပေါက်Sizeအနေအထားအရ၊လှောင်ပါတယ်။ကျွန်တော်စီးဖူးသလောက်Ride qualityကနည်းနည်းခုန်ပါတယ်။Hybridစီးဖူးတာမို့Engine smoothnessကတော့ပြောစရာမလိုအောင်ငြိမ်ပါတယ်။
Drivetrain & Safety Feature
——————————-
Drivetrainကသွင်းတဲ့နိုင်ငံပေါ်မူတည်ပြီးအမျိုးမျိုးရှိပါတယ်။ဒီကိုအသွင်းများတာက 1.2L Turbochargedနဲ့ဖြစ်ပါတယ်။ 1.2 ဆိုပြီးကားကမဆွဲဘူးမထင်ပါနဲ့။ဒီကားကTurbocharged engineပါ၊ပုံမှန်ကားတွေလို Naturally Aspirated ရိုးရိုးengineမဟုတ်ပါ။ ပုံမှန်မြို့ထဲLow Rpmတွေပါဆီစားက1.2 နီးပါးပဲစားမှာဖြစ်ပြီး High Acceleration, Rpm ရောက်ရင် Turboပွင့်ပြီး HP, Torqueထွက်လာရင် 1.2 တစ်စီးစားတာထက်ပိုစားပါတယ်။ Safety Featuresအနေနဲ့ Toyota ရဲ့ Safety Senseကို optional equipment အနေနဲ့ပါတာလဲရှိပါတယ်။ တစ်စီးနဲ့တစ်စီးမတူပါ။
နိဂုံးချုပ်အနေနဲ့ဆိုဒီကားကမိသားစုများတဲ့သူတွေအတွက်ခရီးသွားမယ်ဆိုအဆင်မပြေပါဘူး။ဒီတိုင်းမြို့တွင်းကိုပေါ့ပေါ့ပါးပါးစီးဖို့အတွက်အသုံးပြုမယ်ဆိုကောင်းပါတယ်။နောက်ခန်းမှန်၊Cargo spaceနည်းတာကလွဲရင်အပြစ်ပြောစရာမရှိပါ။ သူ့စျေးနဲ့သူတန်တယ်လို့တော့မြင်မိပါတယ်။ စျေးကပုံထဲကကားလို Diamond quilted seatsတွေနဲ့grade Brand newတောင်ဒီမှာ၅၅၀ဝန်းကျင်နဲ့ရောင်းနေပါတယ်။