သဘာဝဘေးအန္တရာယ်တွေ စောင့်ကြည့်လို့ရမယ့် Weather App ၂ ခု
Weather App တွေ Website တွေဆိုတာ ပုံမှန်ဆို သာမန်ကာလျှံကာ App တွေရယ်လို့ ထင်ကြမယ်ဆိုပေမဲ့ တကယ်တမ်းကြုံတွေ့လာတဲ့အခါမှ ရှိထားဖို့ လိုအပ်မှန်း အရေးကြီးကြမှန်း သိကြတာပါ။

မကြာသေးခင်က ဖြစ်ခဲ့တဲ့ ငလျင်ရဲ့ နောက်ဆက်တွဲသတင်းအချက်အလက်တွေကို စောင့်ကြည့်ဖို့နဲ့ လာမယ့်မိုးရာသီမှာလည်း ရာသီဥတု သဘာဝဘေးအန္တရာယ်တွေကို စောင့်ကြည့်နိုင်ဖို့ နာမည်ကြီးတဲ့ App နှစ်ခုကို ဖော်ပြပေးချင်ပါတယ်။
My Earthquake Alert : ဒီ App ကတော့ လောလောဆယ် လူတိုင်းရဲ့ဖုန်းထဲမှာ ရှိနှင့်နေပြီးပြီလို့တောင် ထင်ပါတယ်။ အခုအချိန်မှာ လိုအပ်တယ်ဆိုပေမဲ့ နောက်ပိုင်း အခြေအနေပြန်ငြိမ်သွားရင် မလိုအပ်တော့ဘူးဆိုပြီး Uninstall ပြန်မလုပ်လိုက်ပါနဲ့။ ထည့်ကို ထည့်ထားပါ။
ငလျင်လှုပ်တာနဲ့ ချက်ချင်တော့ Alert တော့မပေးနိုင်ပေမဲ့ အတက်နိုင်ဆုံး စက္ကန့်ပိုင်းအတွင်း (အင်တာနက်ပေါ်မူတည်ပြီး အကြာဆုံး ၁၀ မိနစ်) လှုပ်နေတဲ့အကြောင်း Alert ပေးပါတယ်။ Aftershock တွေကိုလည်း စောင့်ကြည့်လို့ရတယ်။ Pro Version ရှိပြီး Por Version က ပိုပြီး Alert မြန်တယ်လို့လည်း ပြောကြပါတယ်။

(ပုံစံတူ App ဆို LastQuake နဲ့ Earthquake Tracker တွေကိုလည်း စမ်းကြည့်ပါ)

Windy : 2023 မိုခါမုန်တိုင်းနောက်ပိုင်း အသုံးအများဆုံး Weather Website ပါ။ App လည်း ရှိပါတယ်။ မကြာခင် မိုးရာသီရောက်တော့မှာမို့ ပိုလိုအပ်ပါတယ်။ အွန်လိုင်းပေါ်မှာ မုန်တိုင်းကြီးတွေ လာမယ် ဘာညာတွေ ပစ်မယုံလိုက်ပါနဲ့ ကိုယ်တိုင်လည်း App တို့ Website တို့မှာ ကြည့်နိုင်ပါတယ်။ Windy က ရာသီဥတုအပူချိန်၊ မိုးရွာမှုနှုန်းတွေ၊ ပင်လယ်ရေလှိုင်းအမြင့်တွေနဲ့ မုန်တိုင်းဖြစ်လာနိုင်တဲ့ အခြေအနေတွေကို ကြည့်လို့ရပါတယ်။ နောက်ပြီး သူက ၁၀ ရက်အတွင်း မိုးလေဝသအခြေအနေကို ဖြစ်နိုင်ခြေအရှိဆုံး ပြသပေးထားပါသေးတယ်။ Premium Version ဆိုရင် ၁၅ ရက်အထိတောင် ကြည့်နိုင်ပါတယ်။ Display 46 ခုထိ ရှိတာမို့ ကိုယ်ကြည့်ချင်တဲ့ ပုံစံနဲ့လည်း ရွေးကြည့်နိုင်ပါသေးတယ်။
Weather Website နဲ့ App တွေတိုင်းကို Intsall လုပ်ထားရမယ်လို့ မဆိုလိုပါဘူး။ လိုအပ်တဲ့ App တစ်ခု နှစ်ခုလောက်ကို Install လုပ်ထားပြီး Alert လေးတွေ On ထားတာနဲ့တင် လုံလောက်ပါတယ်။ ဖုန်းထဲက Weather Widget တွေလည်း အမြဲ Home ပေါ် တင်ထားပြီး မနက်ဆိုတာနဲ့ တစ်ချက် Check လုပ်ပေးပါ။

ငလျင်လိုမျိုး မခန့်မှန်းနိုင်တဲ့ သဘာဝဘေးအန္တရာယ်တွေအတွက်ဆိုရင်လည်း ကြုံတွေ့ခဲ့ရရင် ဘယ်လိုမျိုးတွေ လုပ်ဆောင်သင့်လဲ ၊ အကာအကွယ်ယူသင့်လဲဆိုတာတွေကို App တွေကနေ လေ့လာထားတာလည်း ပိုအဆင်ပြေစေပါတယ်။