၁ ပတ်အတွင်း ပုံ သန်း 700 ကျော်ဖန်တီးပေးခဲ့ရတဲ့ ChatGPT
မတ်လနောက်ဆုံးအပတ်တုန်းက မိတ်ဆက်လိုက်တဲ့ ChatGPT ရဲ့ GPT-4o Image Generation Feature အသစ်က User တွေကြားမှာတင်မက AI နယ်ပယ်ထဲမှာကို တော်တော်လေး အုတ်အော်သောင်းနင်းဖြစ်ခဲ့ရတာပါ။ အလွယ်ပြောရမယ်ဆို ဒီ Feature က AI ကို ပုံထုတ်ပေးခိုင်းလို့ရတဲ့ပုံစံမျိုးပါ။
AI နဲ့ ပုံထုတ်တာက ပုံမှန်လိုပဲ ထင်ခဲ့ပေမဲ့ ChatGPT ရဲ့ GPT-4o Image Generation Feature ဟာ တကယ်တည်းမှာ အံ့ဩဖို့ကောင်းလောင်အောင်ကို ကြမ်းခဲ့တာပါ။ (Studio Ghibli ပုံတွေ Bank Slip နဲ့ Payment တွေကို အတိအကျ အစစ်အတိုင်းထုတ်ပေးခဲ့တာမျိုး) ချီးကျူးတာတွေရှိခဲ့သလို လိမ်လည်မှုတွေအတွက်လည်း မှတ်ချက်တွေ ပေးခဲ့ကြပါသေးတယ်။
ဟိုးလေးတကျော်ကျော်ဖြစ်ခဲ့ရတဲ့ ဒီ Feature ကြောင့် user တွေတောင်းဆိုတဲ့ ပုံတွေကို ဖန်တီးပေးခဲ့ရတာ ၁ ပတ်အတွင်းမှာတင် ပုံပေါင်း သန်း 700 ကျော်ရှိတယ်လို့ OpenAI က ဖော်ပြလာပါတယ်။ User သန်း 130 ကျော်ကနေ ပုံပေါင်း သန်း 700 ကျော်ဖန်တီးခိုင်းခဲ့တာပါ။
ဒီ Feature ကြောင့်ပဲ User အသစ်တွေ သန်းနဲ့ချီ တိုးလာတာကြောင့် "သုံးစွဲသူများရဲ့ အမြန်ဆုံးလိုအပ်ချက်တွေကို ဖြည့်ဆည်းနိုင်ဖို့ သက်ဆိုင်ရာအဖွဲ့က ကြိုးစားအလုပ်လုပ်နေပါတယ်။" လို့ OpenAI က ဆိုထားပါတယ်။
