လူထုဒေါ်အမာဟာ စာသမား သတင်းသမားတစ်ဦးပီပီ နိုင်ငံတနံတလျား ခရီးသွားခဲ့ရပါတယ် ။ တခါတရံ နိုင်ငံတကာအနှံ့ ခြေဆန့်ရတဲ့အခါမျိုးလည်း
ရှိကောင်းရှိခဲ့တယ် ။ သွားရတဲ့ခရီးကလည်း အကြောင်းအရာအဖုံဖုံ မျိုးစုံလှပါတယ် ။ စာပေခရီး ၊ လေ့လာရေးခရီး စသည် စသည်ဖြင့် ဒီလိုခရီးသွားရတဲ့အခါမျိုးတွေမှာ လူထုဒေါ်အမာဟာ တွေ့သမျှ မြင်သမျှ ကြားသမျှ ကြုံသမျှ ဆုံသမျှ ဒေသအလိုက် ထူးခြားချက်များ ၊ လူပုဂ္ဂိုလ်များကစ ဒေသထွက်ကုန်ပစ္စည်းများနဲ့ ပေါက်ဈေးနှုန်းများအဆုံး အားလုံးကို ကျကျနန အသေးစိတ် မှတ်တမ်းတင် ရေးသားထားလေ့ရှိပါတယ်။
အဲဒီမှတ်တမ်းရေးသားချိန်က ‘ဘယ်မှာမှသုံးစွဲဖို့’
လူထုဒေါ်အမာက စိတ်မကူးခဲ့ပေမယ့် ကနေ့အချိန်က
ပြန်ပြောင်းလှမ်းမျှော်ကြည့်လိုက်တဲ့အခါ လွန်ခဲ့တဲ့
နှစ် ၃ဝ ကျော်လောက်က စာပေ၊ လူမှုရေး၊ နိုင်ငံရေး၊ စီးပွားရေး ခေတ်ပြိုင် မှတ်တမ်းများသဖွယ် ဖြစ်နေတဲ့အတွက် စာဖတ်သူများအဖို့ အကျိုးများနိုင်ဖွယ်ရှိလို့ ယခုလို စုစည်းထုတ်ဝေလိုက်ခြင်းဖြစ်ပါတယ် ။
ဒီဆောင်းပါးတွေထဲမှာ အများစုကတော့ စာပေဟောပြောပွဲခရီးစဉ် အတွေ့အကြုံမှတ်တမ်းတွေ ဖြစ်ပါတယ်။
လူထုဒေါ်အမာဟာ ၁၉၇ဝ ခုနှစ်က ၁၉၇၉ ခုနှစ်အတွင်း ခရီးစဉ်ပေါင်း ၁၉ ခုကို သွားရောက်ခဲ့ရပါတယ် ။ ရောက်ခဲ့တဲ့မြို့ပေါင်းက ၂၅ မြို့။ ဒါတောင် ခရီးသွားဟန်လွှဲ ရောက်ခဲ့တဲ့ မြို့တွေ၊ ရွာတွေ မပါသေး။
ကျန်တဲ့ဆောင်းပါးများကတော့ ရှေးခေတ်ဟောင်း အောက်မေ့ဖွယ် ပြန်လည်ရေးသား မှတ်တမ်းတင်ထားတာပါ။ ဘာပဲဖြစ်ဖြစ် နေ့စဉ် မှတ်တမ်းတခုဟာ ခေတ်ပြိုင်မှတ်တမ်းအနေနဲ့ ဘယ်လောက်ထိအောင် တန်ဖိုးကြီးမားတယ်ဆိုတာ စာဖတ်သူအနေနဲ့ ဖတ်ရှုရင်း ခံစားမိကြမှာပါ။
#အလွမ်းပြေမှတ်စုများ
#လူထုဒေါ်အမာ
