Final Destination ကြောင့် ဘားတွေအရင်းပြုတ်ကုန်မှာ စိုးရိမ်နေရ
Final Destination: Bloodlines Teaser ထွက်လာပြီးတော့ မနက်ဖြန်မှာ Official Trailer ထွက်လာမယ့်အပေါ် ဘားပိုင်ရှင်တွေနဲ့ ဘားမှာအလုပ်လုပ်သူတွေဟာ မျက်ခုံးလှုပ်နေကြပါပြီ။
မနက်ဖြန် Trailer ထဲမှာတော့ ကမ်းခြေဘေးက ဘားတစ်ခုမှာဖြစ်ပျက်လာမယ့် သေမင်းရဲ့ ပစ်မှတ်တွေက ဘယ်သူတွေဖြစ်မလဲဆိုတာကို ကြည့်ရတော့မှာဖြစ်ပါတယ်။
Zach Lipovsky နဲ့ Adam B. Stein (Freaks) တို့က ဒါရိုက်တာအဖြစ် ရိုက်ကူးထားပြီး Lori Evans Taylor (Wicked Wicked Games) နဲ့ Guy Busick (Scream) တို့က ဇာတ်ညွှန်းရေးသားထားတဲ့ Final Destination ဇာတ်လမ်းတွဲရဲ့ ဆဌမမြောက် ဇာတ်ကားကို ၁၄ နှစ်အတွင်း ပထမဆုံးအကြိမ် Warner Bros မှ မေလ ၁၆ ရက်နေ့မှာ ရုပ်ရှင်ရုံများနဲ့ IMAX တွေမှာ စတင်ပြသတော့မှာဖြစ်ပါတယ်။
ဇာတ်လမ်းကတော့ ကောလိပ်ကျောင်းသူ Stefanie က သူမရဲ့ မိသားစုကို သေမင်းရဲ့ စက်ကွင်းကနေ ကယ်တင်ဖို့ အိမ်ကိုပြန်သွားပြီးနောက်ပိုင်းမှာ ကြုံတွေ့ရမယ့် နေ့စဥ်ဘဝထဲက ခြောက်ခြားစရာ သေဆုံးမှုတွေနဲ့ ဘယ်လိုရင်ဆိုင်ရမလဲဆိုတာကိုကြည့်ရမှာဖြစ်ပါတယ်။
Teaser ထဲမှာတော့ ဘားတွေတောင် ရေခဲတုံးနဲ့ ဖန်ကွဲစတွေရောပြီး သောက်မိတဲ့သူ ဘယ်လိုတွေရှောမလဲဆိုတာကတော့ စိတ်ဝင်စားဖို့ကောင်းနေပါပြီ။
လက်ရှိမှာတော့ Trailer ထွက်လာပြီးရင် ဘားတွေအရင်းပြုတ်ကုန်မှာကို ဘားပိုင်ရှင်တွေအနေနဲ့ စိုးရိမ်နေကြောင်းသိရပါတယ်။
Final Destination: Bloodlines ကြည့်ပြီးရင်တော့ ဘားတွေသွားရင် အရက်ခွက်ထဲမှာ ရေခဲတုံးလား ဖန်ကွဲစလားဆိုပြီး စစ်ဆေးရေးတွေလုပ်ကြရင်းနဲ့ တိုင်ပတ်မှာတော့ မြင်ယောင်ပါသေးတယ်။