ကောင်လေးက တောသား
ကောင်မလေးကမြို့သူ
" ကောင်မလေးက လိုတရနေတဲ့အချိန်မှာ
ကောင်လေးက ပွတ်စရာ အကြွေစေ့ နှစ်ပြားတောင်မရှိဘူး"
တစ်ယောက်နှင့်တစ်ယောက် ပိုက်ဆံကွာဟချက် ကြီးမားတဲ့အချိန်မှာ ချစ်ခြင်းတွေက ကြာရှည် တည်တံ့နိုင်ပါ့မလား။
ဒီလိုအချစ်မျိုးကို ရိုက်ကူးထားတဲ့ The NoteBook ဆိုတဲ့ဇာတ်ကားလေးကို ဒီနေ့မှာ ညွှန်းပေးချင်ပါတယ်။ မင်းသားက Ryan Gosling နှင့် မင်းသမီးကတော့ Rachel Mcadams တို့ဖြစ်ပြီးတော့ သရုပ်ဆောင်ချက်တွေကတော့ အစားထိုးလို့မရနိုင်လောက်အောင်ပါပဲ။
ဆီးဘရွှန်မြို့ပွဲတော်တစ်ခုမှာ နိုအာကယ်ဟွန်းဆိုတဲ့ ကောင်လေးတစ်ယောက် က အယ်လီဟမ်မီလ်တင် ဆိုတဲ့ ကောင်မလေးတစ်ယောက်ကို မြင်မြင်ချင်းသဘောကျသွားတယ်။ အယ်လီက မြို့က ချမ်းသာတဲ့မိသားစုကဖြစ်ပြီးတော့ နွေရာသီ ပိတ်ရက်မှာ ဆီးဘရွတ်မြို့ကို အလည်လာတာဖြစ်ပါတယ်။ နိုအာကတော့ ဆီးဘရွှတ်မြို့က သစ်စက်မှာ အလုပ်လုပ်နေတာပါ။ တစ်နာရီကို ဆင့် ၄၀ လောက်ပဲ ရတော့ ကောင်မလေးရဲ့အသိုင်းအဝိုင်းနဲ့ဆို မိုးနဲ့မြေပေါ့ဗျာ။
နိုအော က အယ်လီကို စတွေ့တဲ့နေ့မှာပဲ ချစ်ကြောင်းလိုက်ဖွင့်ပြောရင်း ရက်အနည်းငယ်ကြာတော့ သူတို့တွေ မေတ္တာမျှသွားကြတယ်။ သူတို့က တစ်ယောက်ကို တစ်ယောက်အရမ်းချစ်ကြပါတယ်။ ဒါပေမယ့် နွေရာသီ ပိတ်ရက်မပြီးခင်မှာတော့ New York မှာကျောင်းသွားတက်ရမယ်ဆိုတာကို နိုအောသိလိုက်ရတယ်။ ပြီးတော့ အယ်လီ မိဘတွေကလည်း သူတို့အသိုင်းအဝိုင်းနဲ့ မသင့်တော်ဘူးဆိုပြီး သဘောမတူပါဘူး။ ဒီလိုနဲ့ အဲဒီနေ့မှာပဲ နိုအောနဲ့အယ်လီတို့ စကားများပြီး လမ်းခွဲလိုက်ကြပါတယ်။ နောက်နေ့ အယ်လင်းတို့မိသားစုက ပိတ်ရက်မပြီးခင် မြို့ကို တန်းပြန်သွားကြပါတယ်။ နိုအော နှင့် အယ်လင်းတို့ရော နောက်ဆုံးအကြိမ်လေးတောင်မဆုံဖြစ်ခဲ့ကြပေါ့ဗျာ။
ဒီလိုနဲ့ နိုအောကတော့ အယ်လင်းဆီ စာတွေနေ့တိုင်းပို့ပေမယ့်လည်း အယ်လင်းအမေက အယ်လင်းမသိအောင်သိမ်းထားလိုက်ပါတယ်။ ဒါကြောင့် သူတို့တွေ အဆက်အသွယ်ပြတ်သွားပြီး ကိုယ့်လမ်းကို လျှောက်လမ်းကြတော့တာပေါ့။ ဒါပေမဲ့ ရေစက်မကုန်သေးတော့ သူတို့တွေ ပြန်ဆုံခွင့်ရခဲ့ကြတယ်။
ဒါပေမယ့် အယ်လင်းမှာ စေ့စပ်လက်စွပ်နဲ့ နိုအောမှာတော့ သူတို့နှစ်ယောက်စိတ်ကူးယှဉ်ခဲ့တဲ့ အိမ်တစ်လုံးနဲ့အတူပေါ့။ သူတို့တွေ ပြန်ပေါင်းစည်းနိုင်ရမလား ဒါမှမဟုတ် တစ်သက်လုံး သူတို့နှစ်ယောက် သူငယ်ချင်းအဖြစ်နဲ့ပဲ နေသွားကြရတော့မလားဆိုတာကတော့ ဇာတ်ကားလေးကိုကြည့်ရင်း ခံစားကြဖို့ The Notebook ဆိုတဲ့ဇာတ်ကားကောင်းလေးကို ညွှန်းပေးလိုက်ပါတယ်ခင်ဗျာ။
