လူတိုင်းနီးပါး ရိုမီယို နှင့် ဂျူးလီယက် ရဲ့ ဇာတ်လမ်းလေးကို ကြားဖူးကြမှာပါ။ ဒီဇာတ်ကားလေးမှာတော့ မင်းသားကြီး Leonardo DiCaprio နှင့် မင်းသမီးက Clarie Danes တို့က သရုပ်ဆောင်ထားကြတာမလို့ သရုပ်ဆောင်ပိုင်းကတော့ အပြစ်ပြောစရာမရှိလောက်အောင်ပါပဲ။
ဗရိုနာ မြို့မှာ ဂုဏ်ရည်တူ မိသားစုနှစ်ခုရဲ့ ရန်ငြိုးတွေနဲ့ အစပျိုးထားပါတယ်။ ကက်ပျူလပ် မိသားစု နှင့် မွန်တေဂူ မိသားစုတို့ ဖြစ်ပြီး သူတို့ ရန်ငြိုးတွေကြောင့် မြို့မှာ သူတို့ရန်ပွဲတွေဆိုတာ မကြာခဏ ဖြစ်ပွားနေခဲ့ပါတယ်။ ရိုမီယိုကတော့ မွန်တေဂူ မိသားစုရဲ့ တစ်ဦးတည်းသော သားဖြစ်ပြီး ဂျူးလီယက်ကလည်း ကတ်ပျူလက် မိသားစုရဲ့ တစ်ဦးတည်းသော သမီးဖြစ်ပါတယ်။ ရိုမီယိုတစ်ယောက် သူ့သူငယ်ချင်းတွေနဲ့ ကတ်ပျူလက်တို့လုပ်တဲ့ ပါတီတစ်ခုကို သွားကြပြီး ရိုမီနဲ့ ဂျူးလီယက်တို့ဟာ မြင်မြင်ချင်း ချစ်ကျွမ်း၀င်သွားကြပါတယ်။ ရိုမီယိုဟာ ရန်သူတော်ကြီးရဲ့ သမီးဆိုတာသိပေမယ့်လည်း ဂျူးလီယက်ကို လက်ထပ်ဖို့အထိပါ ရည်ရွယ်ကာ ချစ်မိသွားပါတယ်။ ဂျူးလီယက်ကလည်း ထိုနည်း၄င်းပါပဲ။ သူတို့သားသမီးတွေ ဒီလို မေတ္တာမျှနေကြတာကိုတော့ သူတို့မိဘတွေ မသိကြပါဘူး။ ဂျူလီယက် အဖေက လူကြီးသားတစ်ယောက် နဲ့ ဂျူးလီယက်ကို အတင်းစေ့စပ်ထားပြီး ဂျူလီယက် ဆန္ဒမပါဘဲနဲ့ကို အမြန်ဆုံး မင်္ဂလာ ဆောင်နိုင်အောင်မှာ စီစဥ်နေပါတယ်။ ဒီလို အခက်အခဲတွေကိုဖြတ်ကျော်ပြီး ရိုမီယို နှင့် ဂျူးလီယက်တို့ နှစ်ယောက် ပေါင်းစည်းသွားနိုင်မလား။ သူတို့ကြောင့် သူတို့မိသားစုနှစ်စုကြားက ရန်ငြိုးတွေ ကြေအေးသွားနိုင်မလားဆိုတာကတော့ ဇာတ်လမ်းလေးကို ကြည့်ရှုရင်း ခံစားရမှာဖြစ်ပါတယ်။
ရှိတ်စပီးယားရဲ့ နာမည်ကြီး ပြဇာတ်တစ်ခုဖြစ်တာကြောင့် ဇာတ်ကားတစ်ခုလုံးကိုတောင် ပြဇာတ်ထဲကအတိုင်းလို့ ပြောကြတဲ့အတွက် ပြဇာတ်ကနေ ရုပ်ရှင်ကားအဖြစ် ဖန်တီးတင်ဆက်ထားတာကြောင့် တမူထူးခြားတဲ့ ခံစားချက်ကို ပေးစွမ်းနိုင်မှာဖြစ်ပါတယ်။ ဒါကြောင့် Romeo & Juliet တို့ကို အကြိမ်အကြိမ်ပြန်ရိုက်ကြတဲ့ ဇာတ်ကားတွေထဲကမှ အခုဇာတ်ကားလေးက ကြည့်ရတာ အကောင်းဖြစ်မယ်ထင်လို့ ဒီ "Romeo + Juliet" ဇာတ်ကားလေးကို ညွှန်းပေးလိုက်ပါတယ်ခင်ဗျာ။
Author : JinX