သင်္ကြန်ပိတ်ရက်အတွင်း ပြည်ပအပန်းဖြေခရီးထွက်သူများခြင်းကြောင့် ခရီးစဉ်တချို့ လူပြည့်နေ
၂၀၂၅၊ မတ် ၂၃
သင်္ကြန်ပိတ်ရက်အတွင်း ပြည်ပအပန်းဖြေခရီးထွက်သူများခြင်းကြောင့် ခရီးစဉ်တချို့ လူပြည့်နေကြောင်း ပြည်ပခရီးသွားဝန်ဆောင်မှုပေးသည့် လုပ်ငန်းများမှ သိရသည်။
အဆိုပါ သင်္ကြန်ပိတ်ရက်များတွင် ပြည်ပခရီးစဉ်များအနက် ထိုင်း၊ ကမ္ဘောဒီးယား၊ တရုတ်၊ ဗီယက်နမ်၊ စင်ကာပူ၊ မလေးရှားစသည့် အရှေ့တောင်အာရှ အိမ်နီးချင်းနိုင်ငံများသို့ သွားရောက်လည်ပတ်ကြသူများ ပြား နေပြီး ခရီးစဉ်တချို့ လူပြည့်နေကြောင်း သိရသည်။
“သင်္ကြန်ပိတ်ရက်တွေမှာ ပြည်ပခရီးစဉ်တွေအနေနဲ့ ထိုင်း၊ ကမ္ဘောဒီးယား၊ ဗီယက်နမ်၊ စင်ကာပူ၊ မလေး ရှားနိုင်ငံတွေအပြင် တရုတ်နိုင်ငံ ယူနန်ပြည်နယ်ဘက်တွေလည်း သွားကြပါတယ်။ လက်ရှိတော့ သင်္ကြန် အတွင်း သွားကြတဲ့ ပြည်ပခရီးစဉ်တော်တော်များများက လူပြည့်နေပါပြီ။ သွားတဲ့သူတွေများတော့ ဟိုတယ်ဘိုကင်တွေ လည်း ပြည့်နေပါပြီ။ သင်္ကြန်ပိတ်ရက်အကျော်လောက်မှပဲ သွားလို့ရတော့မှာပေါ့နော်” ဟု ပြည်ပခရီးသွား ဝန် ဆောင်မှု လုပ်ငန်း လုပ်ကိုင်သူတစ်ဦးက ပြောသည်။
အဆိုပါ သင်္ကြန်ပိတ်ရက်များအတွင်း ရေကစားချင်သူများအနေဖြင့် ထိုင်းနိုင်ငံကို အများဆုံး သွားရောက် ကြပြီး အပန်းဖြေခရီးထွက်ချင်သူများအနေဖြင့် ဗီယက်နာမ်နိုင်ငံသို့ အများဆုံး သွားရောက်ကြကြောင်း သိရသည်။
“ပြည်ပမှာ ရေကစားချင်တဲ့သူအများစုကတော့ ထိုင်းနိုင်ငံက ဆုန်ကရန်သင်္ကြန်ပွဲတော်ကို ဆင်နွဲဖို့ အတွက် ထိုင်းနိုင်ငံရဲ့ ဘန်ကောက် ပတ္တရားကမ်းခြေ၊ ချင်းမိုင်၊ ချင်းရိုင်၊ မယ့်ကပေါင်၊ ဖူးခက် စတဲ့နေရာတွေကို သွားကြတယ်ပေါ့နော်။ နောက်ပြီးတော့ တချို့ကလည်း ကမ္ဘော ဒီးယားတို့ တရုတ်နိုင်ငံ ယူနန်ပြည်နယ်တို့ သွား ကြတယ်။ တချို့ကကြတော့ ရေကစားဖို့မဟုတ်ပဲနဲ့ အေးအေးဆေးဆေး အပန်းဖြေခရီးထွက်ချင်တဲ့သူ အများစုက တော့ ဗီယက်နမ်လိုနိုင်ငံကို သွားတာများပါတယ်။ စင်္ကာပူတို့၊ မလေးရှားတို့ သွားကြတာတွေ လည်း ရှိပါတယ်” ဟု ၎င်းက ပြောသည်။
ယင်းအပြင် လာမည့် မြန်မာ့ရိုးရာ အတာသင်္ကြန်နှစ်သစ်ကူးရုံးပိတ်ရက်အတွင်း အိန္ဒိယနိုင်ငံ ဗုဒ္ဓဂါယာသို့ ဘုရား ဖူးထွက်သူများလည်း များပြားလျှက်ရှိခြင်းကြောင့် ဗုဒ္ဓဂါယာဘုရားဖူးခရီးစဉ်များလည်း လူပြည့်နေကြောင်း သိရသည်။
မိုးသောက်(ရန်ကုန်)
Photo –လူမှုကွန်ရက်