အိုက်စလန်က ဆန်းသစ်တဲ့ လူကူးမျဉ်းကြား
အိုက်စလန်နိုင်ငံ အနောက်မြောက်ပိုင်းက Ísafjörður ဆိုတဲ့ မြို့ငယ်လေးမှာ ယာဉ်မောင်းတွေကို အံ့အားသင့်စေမယ့် အရာတွေရှိနေပါတယ်။ အဲဒါကတော့ သုံးဖက်မြင် (3D) ရုပ်ကြွ လူကူးမျဉ်းကြားတွေပါပဲ။
မြေပြင်ကနေ ကြွတက်နေပြီး လေထဲမှာ ပေါလောပေါ်နေသလို ထင်ရစေတဲ့ ဒီဇိုင်းကြောင့် ယာဉ်မောင်းတွေဟာ အလိုလို အရှိန်လျှော့ချင်စိတ် ဖြစ်ပေါ်စေပါတယ်။
Ísafjörður မြို့ရဲ့ ပတ်ဝန်းကျင်ရေးရာ တာဝန်ခံ Ralf Trylla က ဒီစိတ်ကူးကို အိန္ဒိယနိုင်ငံ နယူးဒေလီမြို့မှာ တွေ့ရှိခဲ့တာပါ။
သူဟာ ဒီလိုသုံးဖက်မြင် လူကူးမျဉ်းကြားတွေဟာ ယာဉ်အသွားအလာကို ထိန်းချုပ်နိုင်ပြီးလမ်းကူး သူတွေအတွက် ပိုမိုလုံခြုံမှုရှိစေတယ်လို့ ယုံကြည်ခဲ့ပါတယ်။
ဒါကြောင့် Vegmálun GÍH ကုမ္ပဏီနဲ့ လက်တွဲပြီး Ísafjörður မြို့မှာ ဒီအနုပညာမြောက် လူကူးမျဉ်းကြားတွေကို ဖန်တီးခဲ့တာပါ။
ရလဒ်ကတော့ အောင်မြင်မှုပါပဲ။ ယာဉ်မောင်းတွေဟာ ဒီထူးခြားတဲ့ လူကူးမျဉ်းကြားတွေကို မြင်တာနဲ့ အရှိန်လျှော့ချကြပါတယ်။ လမ်းကူးသူတွေအတွက်လည်း ပိုမိုလုံခြုံတဲ့ အခြေအနေကို ဖန်တီးပေးနိုင်ခဲ့ပြီး မြို့ရဲ့ ခရီး သွားလုပ်ငန်းကိုပါ အထောက်အကူဖြစ်စေခဲ့ပါတယ်။
#knowledge
