ကျွန်တော်တို့တွေ 3 idiots ကို တစ်ကြိမ်ထက်မက ကြည့်ဖူကြလိမ့်မယ်လို့ထင်ပါတယ်။တကယ်လည်း ဒီရုပ်ရှင်မှာ ကျွန်တော်တို့ဘ၀အတွက် လိုအပ်မယ့် ဘ၀သင်ခန်းစာတွေ အဖြေတွေ နည်းလမ်းတွေ ပါပါတယ်။ရန်ချို၊ဖာဟန်၊ရာဂျူး တို့ရဲ့ သူငယ်ချင်းသံယောဇဉ်။နှစ်တွေကြာပြီးတာတောင် သူတို့ကို အဓိက ပြောင်းလဲပေးခဲ့တဲ့ ကိုယ့်သူငယ်ချင်းကိုမမေ့ဘဲ ကြိုးစားပမ်းစားပြန်ဆုံဖို့ကြိုးစားကြတဲ့ပုံစံလေးက ကိုယ့်သူငယ်ချင်းတွေအပေါ်မှာထားသင့်တဲ့ စိတ်ထားလေးလို့မြင်မိပါတယ်။
နောက်ပြီး ကျောင်းက စာဂျပိုးလေး ချာတူးရဲ့ သူများနဲ့မတူနဲ့ သူလိုချင်တာကို ရအောင်ကြိုးစားလိုစိတ်၊ရန်ချိုလို စာတွေကို လွယ်လွယ်ကူကူ ရနေတဲ့သူမဟုတ်တာတောင် နေ့မအိပ်မညမအိပ်စာကျက်ပြီး ရန်ချိုကို ကျော်ရမယ်ဆိုတဲ့ စိတ်မျိုးကလည်း တစ်ဖက်ကကြည့်ရင် အတုယူဖို့ကောင်းပါတယ်။
နောက်တော့ ဖာဟန်ရဲ့ Character က မြန်မာနိုင်ငံက လူငယ်အများစုဖြစ်နေတဲ့ပုံစံမျိုးလို့ပြောလို့ရပါတယ်။ကိုယ်ဖြစ်ချင်တာကို လုပ်ခွင့်မရဘဲ မိဘတွေနဲ့ဖြစ်ချင်တဲ့စိတ်တစ်ခုတည်းနဲ့ Engineer ကျောင်းကိုရောက်လာခဲ့တယ်။ဒါပေမယ့် မိဘတွေကိုသေချာရှင်းပြပြီး ကိုယ်ဖြစ်ချင်တာကို ပျော်ပျော်ကြီး ဖြစ်အောင် ဖာဟန်ကလည်း ကျွန်တော်တို့ဘ၀မှာပါ ပိုက်ဆံရဖို့အတွက်နဲ့ မပျော်တာတွေ လုပ်နေမယ့်အစား ကိုယ်ပျော်မယ့်အလုပ်မှာပဲ လုပ်သင့်ကြောင်း ဖာဟန်ကပြသပေးခဲ့ပါတယ်။
နောက်တစ်ယောက်က ရာဂျူး။အိမ်ကခြစ်ကုန်ပြီး သူ့ကို Engineer ကျောင်းထားထားရတော့ ပုံမှန်လိုတာထပ်ပိုတဲ့ ဖိအားတွေနဲ့ သူငယ်ချင်းတွေကို အထင်အမြင်လွဲတာတွေ၊ကိုယ်တိုင်ကြိုးစားဖို့ထက် ဘုရားသခင်ကို ပိုပြီးအားကိုးနေတာတွေ ဒီလိုတွေနေမယ့်အစား ကိုယ့်ကိုကိုပိုယုံကြည်မှုရှိပြီး ပုံမှန်ကြိုးစားနေရင် ကိုယ်လိုချင်တဲ့ နေရာတစ်ခုကို အချိန်တန်ရင်ရောက်မယ်ဆိုတာ သူကသက်သေပါပဲ။
နောက်ဆုံး မင်းသားလေး ရန်ချိုကတော့ ကျောင်းရောက်လာကတည်းအေးအေးဆေးဆေးလေးပဲ။စာတွေကိုလည်း နှုတ်တိုက်ကျက်တာထက် ကိုယ်တိုင် သဘောထား သေချာနားလည်အောင်လုပ်ပြီး သင်ယူသင့်ကြောင်း၊သူငယ်ချင်းတွေကို ကိုယ်ဘက်ကတတ်နိုင်သလောက်ကူညီသင့်ကြောင့်၊ခက်ခဲတဲ့အရာတွေ ကြုံလာရင်လည်း (All Is Well) အရာအားလုံးအဆင်ပြေသွားမှာပါဆိုတဲ့ စိတ်လေးနဲ့ဖြတ်သန်သင့်ကြောင်းအပြင် လက်တွေ့ဘ၀ရဲ့သင်ခန်းစာ အများအပြားကိုလည်း မှန်တစ်ချပ်လို မြင်သာအောင် ပုံဖော်ပေးသွားပါတယ်။
"မနက်ဖြန်အတွက် တွေးပူနေရင် ဒီနေ့အတွက် ဘယ်လိုရှင်သန်မလဲ"တဲ့။ရုပ်ရှင်တစ်ခုမှာ အိုဗာတွေနည်း၊မှတ်သားစရာ dialogue တွေများပြီး ကောင်းမွန်းလွန်းတဲ့ သရုပ်ဆောင်မှုတွေအပြည့်နဲ့ ဒီရုပ်ရှင်လေးမှာ ကျွန်တော်ပြောပြထားတဲ့ အကြောင်းအရာထပ် အများကြီးပိုပါသေးတယ်ဆိုတာ ကြည့်ဖူးတဲ့သူတိုင်းသိပါတယ်။အရေးအသားက အခြားသူတွေလောက် မချောမွေ့တာမလို့ ဒီနေရာလေးမှာဘဲ 3 idiots ဆိုတဲ့ရုပ်ရှင်ထဲက စိန်ခေါ်မှုလေးတစ်ခုက ၁၅ နှစ်ရှိပြီဖြစ်ကြောင်း အသိပေးရင်း ရုပ်ရှင်လေးအကြောင်း တင်ဆက်ပေးလိုက်ပါတယ်ခင်ဗျာ။
