ကမ္ဘာ့အကြီးဆုံးသင်္ချိုင်း - (Wadi us Salaam)
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
အီရတ်နိုင်ငံ၊ နာဂျက်(Najaf) မြို့မှာတည်ရှိတဲ့ ဝါဒီအက်ဆာလမ် (Wadi us Salaam) သင်္ချိုင်းဟာ ကမ္ဘာ့အကြီးဆုံး သင်္ချိုင်းအဖြစ် ထင်ရှားပါတယ်။
"ငြိမ်းချမ်းရေးချိုင့်ဝှမ်း" လို့ အဓိပ္ပာယ်ရတဲ့ ဒီသင်္ချိုင်းဟာ ဧရိယာ စတုရန်းမိုင်ပေါင်း ၁၄၈၅.၅ မိုင် ကျယ်ဝန်းပြီး နှစ်ပေါင်း ၁၄၀၀ ကျော် သက်တမ်းရှိပြီဖြစ်ပါတယ်။
ဝါဒီအက်ဆာလမ်ဟာ ရှီအာမွတ်စလင်တွေအတွက် အထွဋ်အမြတ်ထားရာ နေရာတစ်ခုဖြစ်ပါတယ်။ စတုတ္ထမြောက် အစ္စလာမ်ခေါင်းဆောင် အလီဘင်အဘီတာလစ် (Ali ibn Abi Talib) ရဲ့ ဂူဗိမာန်တည်ရှိရာ နာဂျက်မြို့နဲ့ ကပ်လျက်မှာ တည်ရှိတာကြောင့်လည်း အရေးပါပါတယ်။
ရှီအာမွတ်စလင်တွေဟာ သူတို့ရဲ့ နောက်ဆုံးခရီးကို အလီဘင်အဘီတာလစ်ရဲ့ အနီးမှာ နိဂုံးချုပ်ခွင့်ရဖို့ ဆန္ဒရှိကြပြီး ဒီသင်္ချိုင်းမှာ မြှုပ်နှံခံရဖို့ မျှော်လင့်ကြပါတယ်။
ဒီသင်္ချိုင်းဟာ ရှီအာအစ္စလာမ်ဘာသာရဲ့ သမိုင်း၊ ယုံကြည်မှုနဲ့ ဆက်နွယ်နေတဲ့ နေရာတစ်ခုဖြစ်ပြီး ကမ္ဘာတစ်ဝှမ်းက ရှီအာမွတ်စလင် သန်းပေါင်းများစွာရဲ့ ရုပ်ကလာပ်တွေကို မြှုပ်နှံထားပါတယ်။
နေ့စဉ်နဲ့အမျှ ရုပ်အလောင်းတွေကို ဆက်လက်မြှုပ်နှံနေဆဲဖြစ်ပြီး ခန့်မှန်းခြေအားဖြင့် ရုပ်ကလာပ်ပေါင်း သန်း ၅၀ ကျော် မြှုပ်နှံထားပြီးဖြစ်တယ်လို့ ယူဆရပါတယ်။
ဝါဒီအက်ဆာလမ်ဟာ ခြောက်သွေ့တဲ့ သဲကန္တာရမြေပေါ်မှာ ကျယ်ပြန့်စွာ တည်ရှိနေပါတယ်။ အုတ်ဂူတွေ၊ ဂူဗိမာန်ငယ်တွေနဲ့ မြေအောက်ခန်းတွေ အများအပြားနဲ့ ပြည့်နှက်နေပြီး နေရာအနှံ့မှာ မြင်တွေ့ရမှာပါ။
ဂူဗိမာန်အများစုဟာ မိသားစုအလိုက် မြှုပ်နှံထားကြပြီး မျိုးဆက်တစ်ခုပြီးတစ်ခု ဆက်လက်အသုံးပြုကြပါတယ်။ အချို့သော ဂူဗိမာန်တွေဟာ နှစ်ပေါင်းရာနဲ့ချီ သက်တမ်းရှိနေပြီဖြစ်ပါတယ်။
#knowledge