ငါမကောင်းတာမလုပ်ဘူးသီလကိုဖြူဖြူစင်စင်
စောင့်ခဲ့တယ်သိပ်ကောင်းတဲ့ဘဝနေထိုင်ခြင်းပါဗျာ
သတိထားစရာက " ငါ "ပဲ ငါသီလကိုအဖြူစင်ဆုံးစောင့်ခဲ့တယ်ဆိုတာကိုမစွဲနေဖို့လိုတာ သီလကိုလေ့လာတဲ့အခါမှာသီလယူရတယ်ဆိုတာ သီလမရှိလို့လား ?အခုချိန်မှာကော စိတ်ထဲမှာသူ့ဟာသူပေါ်လာတာမဟုတ်ပဲကိုယ်ကလုပ်ယူတွေးပြီး လိမ်မှု ခိုးမှု သတ်မှု လုပ်နေလား ?
အဲဒီလိုသီလပျက်တဲ့အမှုတွေဘာတစ်ခုမှမလုပ်နေဘူးမတွေးနေဘူးဆိုရင် သီလရှိနေတဲ့သူပဲလို့ပြောလို့ရပါတယ်သီလပျက်အောင်တော့ကျူးလွန်မှုတွေကိုလုပ်ရတာဖြစ်ပေမယ့်
သီလရှိနေဖို့က ဘာလုပ်စရာတွေလိုသလဲ ?
ကာယကံတွေ ဝစီကံ မနောကံတွေ မကျူးလွန်ဘူးဆိုရင်သီလရှိသူလို့ပဲပြောလို့ရပါတယ်
ဘုရားရှေ့မှာသွားယူလို့ရတဲ့သီလလည်းမဟုတ်သလို ဘုန်းကြီးကတိုင်ပေးလို့ရတဲ့သီလလည်းမဟုတ်ပါဘူး
ဒါဟာဘယ်သူကပေးထားလို့မှလည်းမဟုတ်ဘူး
ငါကစောင့်ထိန်းထားလို့လည်းမဟုတ်ဘူး...
မကောင်းတဲ့အတွေးတွေ လိမ်မှု ခိုးမှု စတဲ့
မကောင်းမှုဒုစရိုက်တွေမပြုလုပ်ပဲဒီအတိုင်းလေး
သိနေတဲ့စိတ်လေးကို သတိပညာနဲ့စိတ်ကိုသိသိပေးနေရင်သီလကလည်းသူ့နဂိုအတိုင်းရှိနေတဲ့အတွက်
အဲဒီသီလကိုအနတ္တသီလလို့သတ်မှတ်လို့ရသလို
အဲလိုသိတဲ့ဥာဏ်ကိုအနတ္တလက္ခဏာဥာဏ်လို့ခေါ်လို့ရတယ်
အဲ့ဒီဥာဏ်ကလဲနိဗ္ဗာန်ကိုကျေးဇူးပြုမယ့်ဥာဏ်ထဲက
ဉာဏ်တဉာဏ်လို့ဆိုနိုင်ပါတယ်ဗျာ
သီလပျက်အောင်သာလုပ်ရတာ
သီလရှိဖို့ဆိုတာကဒီအတိုင်းအသာလေးသိနေတတ်တဲ့စိတ်သဘောသဘာဝကိုသတိနဲ့သိနေရင်းမကောင်းတာဖြစ်ဖြစ်ကောင်းတာဖြစ်ဖြစ်ကိုယ်ကအလ်ိုနဲ့ပြုမပေးတွေးမပေးနဲ့သီလကရှိနေတာပါလားဆိုတာကိုသေသေချာချာသိသွားတဲ့အခါကျတော့သီလရှိအောင်
ဘယ်လိုမှမလုပ်လိုက်ရပါလား ...
ငါလုပ်ထားတာလည်းမဟုတ်...
ငါ့သီလလည်းမဟုတ် ဘယ်သူမှပေးတဲ့သီလလည်းမဟုတ်သူ့အလိုလို သူ့နဂိုရှိနေတဲ့စိတ်သဘောလေးတွေကိုကောင်းတာလုပ်တဲ့အခါ
ကောင်းစိတ်ကို(ကုသိုလ်)
မကောင်းစိတ်ကို( အကုသိုလ်)လို့သတ်မှတ်ပြီး
သီလလို့နာမည်သတ်မှတ်ခေါ်ထားတာပါလားလို့သဘောပေါက်ဥာဏ်ရောက်သွားပြီး သီလတရားဟာသီလတရားပဲဖြစ်တယ်အဲဒီအထဲမှာငါမပါဘူး ငါမပါတဲ့အတွက်သီလစောင့်တာငါဆိုတဲ့အသိမှာ ဒီသီလစောင့်တဲ့အကျိုးကိုငါခံစားရမယ်ဆိုတဲ့သက္ကယအသိမှားငါမို့လို့စောင့်နိုင်တယ်ဆိုတဲ့အသိမှားတွေအားလုံးရပ်တန့်သွားပြီး
( ဒိဋ္ဌိငါ )ဆိုတဲ့ဒိဋ္ဌိပြုတ်သွားပါတယ်
သက္ကာယဒိဋ္ဌိမပြုတ်သေးဘဲ အတ္တနဲ့စောင့်တဲ့သီလဖြစ်နေခဲ့ရင်မဂ်ဝင်မယ့်သီလမဟုတ်ပါဘူးသက္ကာယဒိဋ္ဌိဖြုတ်ပြီးအပါယ်ပိတ်ပြီး
နိဗ္ဗာန်မြင်ပြီးမှသာမဂ်ဝင်သီလဖြစ်ပါတယ်အဲဒီသီလကိုအနတ္တသီလလို့ခေါ်သလိုအဓိပတိတပ်နိုင်တဲ့အတွက်အဓိသီလလို့ခေါ်ပါတယ်
အဓိသီလဖြစ်မှသာအနတ္တသီလလို့ခေါ်ထိုက်ပြီပေါ့ဗျာ...
လွှတ်လပ်စွာသဘောထားကွဲလွဲခွင့်ရှိပါတယ်...
သတ္တဝါခပ်သိမ်းတရားကိန်းအေးငြိမ်းကြပါစေ
✍️မေတ္တာဖြင့် - Aria Piano
