ဒီတစ်ပတ်တော့ ဟောင်းပေမယ့် ကောင်းနေဆဲ ဇာတ်ကားလေးတစ်ကားကို ချစ်သောဂန္ထဝင်လေးတို့ အတွက် မျှဝေပေးချင်လို့ ပြန်ရှာကြည့်ထားပါတယ်။
အဲ့ဒါကတော့ 2017 မှာ ထွက်ရှိခဲ့တဲ့ Survival Family ဆိုတဲ့ ဂျပန်ဇာတ်ကားလေးပါ။
ကုမ္ပဏီဝန်ထမ်းအမျိုးသားကြီးမှာ အိမ်ထောင်ရှင်မဘဝသက်သက်နေထိုင်တဲ့ဇနီးသည်၊ ကျောင်းတက်နေ ဆဲ ဆယ်ကျော်သက်သားနဲ့သမီးတို့ရှိပါတယ်။ နည်းပညာအလွန်တိုးတက်တဲ့နိုင်ငံဆိုတော့ မိသားစုထမင်းဝိုင်းမှာ တောင် ကိုယ့်ဖုန်းနဲ့ကိုယ်၊ ကိုယ့်ကွန်ပျူတာနဲ့ကိုယ်ပေါ့။
အဲ့ဒီလိုနဲ့ညပိုင်းမှာ ပုံမှန်အတိုင်း အိပ်ရာဝင်လိုက်ကြပြီး မနက်လင်းချိန်မှာတော့ သူတို့အမြဲရှိမယ်ထင်ခဲ့တဲ့ မီးက မရှိတော့ပါဘူး။ အားလုံးပြတ်တောက်သွားပါပြီ။ ဖုန်းအားမသွင်းရသေးတဲ့သူက မသွင်းရသေး၊ အလုပ်သွား ကျောင်းသွားမယ်ဆိုတော့လည်း လျှပ်စစ်ရထားတွေက မထွက်နိုင်၊ ကားတွေကလည်း မထွက်နိုင်တော့တဲ့အတွက် ကျောင်းသွားဖို့၊ ရုံးသွားဖို့ ရုန်းကန်ရပါတော့တယ်။ ဒါပေမဲ့ ရုံးရောက်တော့လည်း လုပ်ငန်းတွေက မီးပျက်နေတဲ့ အတွက် မလည်ပတ်နိုင်တော့ပါဘူး။ လာမယ်ထင်ပြီး မျှော်နေကြပေမယ့် မီးအစား တစ်ရက်ပြီး တစ်ရက်ပြတ် တောက်ခြင်းတွေသာ သူတို့ရဲ့ဘဝထဲရောက်လာကြတဲ့အခါ…။
မီးမလာတော့ဘူးဆိုတဲ့ ကောလာဟလတွေနဲ့အတူ ဘဏ်ကတ်တွေလည်း ငွေထုတ်မရ၊ ရေတွေလည်း ပြတ်တောက်၊ ကုန်စုံဆိုင်တွေမှာလည်း ကြောက်အားလန့်အားနဲ့ ဝိုင်းဝယ်ကြလို့ ရေသန့်ဘူးကအစ ရှားပါးလာ ချိန်မှာ သူတို့နေတဲ့မြို့ကြီးကိုပါ စွန့်ခွာဖို့အထိဖြစ်လာကြတော့တယ်။ ဘယ်မြို့မှာတော့ မီးလာတယ်။ ဘယ်မြို့ မှာတော့ မလာဘူးလို့ ရမ်းသမ်းပြောနေကြပေမယ့် အဆက်အသွယ်တွေပါ ပြတ်တောက်နေတဲ့အတွက် ဘယ်မြို့ မှာ တကယ်လာမှန်း ဘယ်သူမှလည်း မသိကြပါဘူး။ ဒါနဲ့ပဲ ဂျပန်ဦးလေးကြီးတို့မိသားစုလေးယောက်ဟာ ဇနီး သည်ရဲ့ ဖခင်ရှိရာ ရွာလေးကို အားကိုးတကြီးသွားဖို့ စက်ဘီးနဲ့ခရီးထွက်ဖို့ ဆုံးဖြတ်လိုက်ကြတယ်။
လေယာဉ်မပြောနဲ့ ကားတောင်မရှိ၊ ရထားလည်း အားကိုးမရတဲ့ကာလဆိုးကြီးမှာ စက်ဘီးကိုယ်စီနဲ့ လက်ကျန်ရိက္ခာတွေတင်ပြီး နေပူတစ်လှည့်၊ မိုးရွာတစ်လှည့်ခရီးထွက်ခဲ့ကြပြီးတဲ့နောက် သူတို့မိသားစုလေး ဘယ်လိုကံကြမ္မာတွေနဲ့ ဆုံကြလဲ။ ရည်ရွယ်ရာခရီးရော ချောချောမောမော ရောက်နိုင်ခဲ့ကြလားဆိုတာ Survival Family ဆိုတဲ့ ဇာတ်ကားလေးမှာပဲ ဆက်ကြည့်လိုက်တော့နော်။
မီးလေး ၃ နှစ်တည်းပျက်တာကို ဖြစ်ပျက်နေတဲ့
ဂျပန်တွေအတွက် စိတ်မကောင်းခြင်း၊ အံ့ဩခြင်းနဲ့အတူ
သူတို့မီးပြန်လာချိန်မှာလည်း သူငယ်ချင်းတွေကိုပါ ခေါ်ပြီး ထပ်တူခံစားပေးချင်တဲ့အထိ ရသစုံပါတဲ့ဇာတ်ကား လေးပါ။