2021 ခုနှစ်ကနေစတင်ပြီး ပြည်တွင်း League ဖြစ်တဲ့ MPL Myanmar ကိုခေတ္တရပ်နားထားခဲ့ရာကနေ အခုအချိန်မှာတော့ MLBB Esports Myanmar အနေနဲ့ League System ကိုကျင့်သုံးသွားမယ့် MLBB Super League Season 1 ကို ပရိတ်သတ်တွေဆီ အသစ်တဖန်ပြန်လည်မိတ်ဆက်ပေးလာခဲ့ပါတယ်။
ပြိုင်ပွဲဝင်အသင်းစုစုပေါင်း ဆယ်သင်းထိပါဝင်မှာဖြစ်ပြီး ဆော်ဒီနိုင်ငံမှာ ကျင်းပသွားမယ့် MSC 2025 ဝင်ခွင့်ကိုပါပိုင်ဆိုင်ခွင့်ရမှာဖြစ်တဲ့အတွက် MPL နည်းတူ MSL Season 1 ဟာလည်း ပရိတ်သတ်တွေကို ရင်ခုန်စိတ်လှုပ်ရှားမှုတွေ ပေးစွမ်းနိုင်မယ်လို့မျှော်လင့်ရပါတယ်။
လက်ရှိမှာလည်း ပြည်တွင်းအသင်းတွေအနေနဲ့ အားဖြည့်မှုတွေကို အကောင်းဆုံးဖြစ်အောင် ဆောင်ရွက်ထားကြတာကြောင့် မြိုင်ဆိုင်လှတဲ့ ပြည်တွင်းအသင်းတွေရဲ့ အားပြိုင်မှုမှာ ဘယ်အသင်းက မြန်မာကိုယ်စားပြုအဖြစ် MSC 2025 ကိုသွားရောက်ခွင့်ရမလဲဆိုတာကတော့ ကျွန်တော်တို့တွေဆက်လက်စောင့်ကြည့်သွားရဦးမှာဖြစ်ပါတယ်။
