စိတ်လုံခြုံမှုတဲ့ ဟုတ်လား "
တစ်ဖက်စောင်းနင်းပြောတဲ့ မင်းတို့‌လေးတွေရဲ့
စကားတွေကိုလည်း ငါကြားရဖန်များလို့
နားရည်ဝပါပြီ
စိတ်လုံခြုံမှုပေးနိုင်မှ ရေရှည်အဆင်ပြေနိုင်တာတဲ့လေ
အဲ့တော့ မေးပါရစေဦး
မင်းတို့လိုချင်နေတဲ့ စိတ်လုံခြုံမှုက ဘယ်လိုရည်ညွှန်း
ချက်နဲ့ တည်ရှိနေတာလဲ
မင်းတို့လေးတွေ လုပ်ချင်ရာလုပ်နေချိန်
ငါတို့က မင်းတို့ပုံသွင်းထားသလိုအမြဲတမ်းနေပေး
နိုင်နေရမယ်ဆိုတဲ့ အတွေးအပေါ်အခြေခံပြီး
ရှိနေတာလား ဒါမှမဟုတ်
ငါတို့ကအမြဲလိုက်နာတတ်သူတွေဖြစ်ရမယ်
မင်းတို့ကို အမြဲအနွံတာခံပြီး ကောင်းကောင်းဆိုးဆိုး
လက်ခံပေးရမယ်ဆိုတဲ့ ယူဆချက်တစ်ခုလား
အပူအပင်အများကြီးရှိနေတဲ့ကြားက
ကိုယ့်ကိုကိုယ်ထိန်းကွပ်တည့်မတ်ပေးနိုင်အောင်
လုပ်ရတာ လွယ်တဲ့ကိစ္စတစ်ခုလို့ မင်းတို့လေးတွေ
ထင်တာလား ၊ မလွယ်တဲ့ကြားက ကြိုးစားနေခဲ့တဲ့
လက်တွေကိုမှ ပုတ်ထုတ်ချင်တာကိုကျ
မင်းတို့နှုတ်ဆိတ်နေကြတာ ဘယ်လိုမျိူးကြောင့်လဲ
ငါတို့မှာ ထုတ်ဖော်ပြောခွင့်ရတဲ့ အခွင့်အရေးအတော်
နည်းတယ် ၊ ဒါကြောင့်တချို့အချိန်တွေမှာ
တစ်ယောက်တည်း ဒေါသပေါက်ကွဲပြီး အန်ထုတ်
ရတယ် ၊ တစ်ခါတစ်ခါ မူးရူးလိုက်မှ အဆင်ပြေ
သွားတယ်
ယောင်္ကျားသားမို့ မျက်ရည်မကျရဘူးဆိုတဲ့
ပဝေသဏီအယူအဆတစ်ခုကြား လူစုံချိန်အရက်ခွက်
ထဲကို ကျတဲ့ ပူလောင်လောင်အရည်တွေက
မင်းတို့လေးတွေပေးတဲ့ စိတ်လုံခြုံမှုလား
" စိတ်ဆိုးချိန်လုပ်ချင်ရာလုပ်လိုက်မယ် "
ဒါပေမဲ့ မင်းတို့လေးတွေ လုပ်ချင်ရာလုပ်တဲ့အပေါ်
ငါတို့မှာ ခေါင်းငုံ့လက်ခံထားရမယ်
အခါမလပ်တောင်းပန်နေရမယ် ဒါကရော
မင်းတို့လေးတွေရဲ့ စိတ်ဆာလောင်မှုပဲလား
ငါ့သူငယ်ချင်း လူရိုးကြီး အရက်သမားလုံးလုံး
ဖြစ်သွားတယ် ၊ ငါ့‌လမ်းထဲက ဦးလေးကြီးမိန်းမ
တစ်ယောက်အတွက် ဘုံဆိုင်မှာနေ့တိုင်းအချိန်ကုန်
နေတာ ငါတွေ့တယ် ၊ ငါ့သူငယ်ချင်းတစ်စု
ဂိမ်းဆော့ရင်း ကောင်မလေးကတားလို့ အကြီးအကျယ်
ရန်ဖြစ်ပြီး ပြတ်ဆဲလိုက်ရတယ် ၊ ဒါတွေကရော
မင်းတို့ပေးတဲ့ နားလည်မှုလား
ငါမြင်မိတာကတော့ ငါတို့အပေါ်ထားတဲ့
ခပ်ညံ့ညံ့အတ္တတွေပဲ
တချို့အရာတွေဟာ တစ်ဖက်ကပဲ ကြိုးစားပေးနေလို့
မဖြစ်နိုင်ဘူးတဲ့ မင်းတို့ပြောသေးတယ်
ဒီစကားသိပ်မှန်လို့ ငါထောက်ခံပါတယ်
ငါတို့ဘယ်လောက်ကြိုးစားကြိုးစား
မင်းတို့မမြင်ဘူးလေ ငါတို့မှာ ကြိုစားနေရတာတွေ
သိပ်များတယ် ၊ မိသားစုအတွက် မင်းတို့အတွက်
ငါတို့ရှေ့ဆက်လျှောက်ရမယ့်လမ်းတွေအတွက်
စိတ်ထွက်ပေါက်ရဖို့
တစ်ခါတစ်ခါ တစ်ယောက်တည်းအပြင်သွားမိရင်ပဲ
မင်းတို့မိုးမီးလောင်ပြီ ၊ ဂိမ်းလေးပြေးဆော့မိ
ဘောလုံးပွဲလေးပြေးကြည့်မိပြီး စိတ်ဖိအားတွေကို
ဖွင့်ချဖို့ကြိုးစားရင်လည်း မင်းတို့သေမလိုဖြစ်ကြတယ်
တစ်ယောက်တည်းခဏလောက်နေချင်တယ်ဆိုလည်း
ငါတို့မှာ နေခွင့်မရှိတာများတယ်
အဲ့လိုနေမိရင် မင်းတို့လေးတွေ တစ်ဖက်မှာ
သာယာမိသွားမှာကိုလည်း စိုးရိမ်ရတယ်
ညဘက်တွေ အိပ်မယ်ပြောပြီး မအိပ်ခဲ့တဲ့ရက်တွေ
ဘာလို့လဲ ငါတို့တွေမမေးခဲ့ဘူး
Reply တွေ ဘာလို့ကြာနေလဲ ငါတို့အတွေးနဲ့ပဲ
နှစ်သိမ့်ခဲ့ရတယ် , Line Busy တွေကိုလည်း
စိတ်ထဲပဲ သိမ်းထားခဲ့ပေမဲ့ ဒါတွေကို မင်းတို့
မျက်ကွယ်ပြုခဲ့တယ်
ကိုယ်တွဲထားတဲ့လက်ကလေး တစ်ပါးသူလက်ကို
လှမ်းမဆွဲမိအောင် အသေအလဲဖက်တွယ်ထားရတာ
သိပ်ခက်တယ်
ငါတို့ပခုံးပေါ်မှာ ထမ်းပိုးထားရတာ အများကြီး
လူတန်းစေ့မှုဖိအားတွေလည်း အုံးလိုက်ကျင်းလိုက်
ပတ်ဝန်းကျင်ထိုးနှက်ချက်တွေကလည်း
ဧရာဝတီမြစ်ထဲကရေးစီးတွေလိုပဲ အလျင်မပြတ်
ဒီ့အတွက် ငါတို့မှာ စိတ်လုံခြုံနိုင်စွမ်းတွေလည်း
အခါမလပ်ပြန်ပြန်ဖြည့်တင်းရတာတွေက
သိပ်များတယ်
မင်းတို့လေးတွေကို လှစေချင်တယ်
သူများတွေပေးနိုင်သလို ငါတို့ပေးနိုင်ဖို့ကြိုးစား
ရတယ် ၊ တစ်ခါတစ်ခါ လက်ထဲတစ်ပြားမှမရှိချိန်
ချေးငှားပြီး ပျော်အောင်ထားတယ် ဒါတွေကို
ငါတို့ထုတ်ပြောနိုင်စွမ်းမရှိခဲ့တာပဲဖြစ်ကြမယ်
ဒါကလည်း အစွမ်းအစမရှိတဲ့လူလို့ မင်းတို့မြင်လာရင်
မင်းတို့လိုချင်တော့မယ် အပုပ်ကောင်ကြီးအဖြစ်
ဆက်ရှိနိုင်တော့မှာ မဟုတ်လို့ပဲ
ယောင်္ကျားတစ်ယောက်ဘာလို့ ‌စီးကရက်မဖြတ်နိုင်လဲ
ဘာလို့အရက်အိုးထဲခေါင်းစိုက်နေလဲ
ဘာလို့ အခါမလပ်သူငယ်ချင်းတွေနဲ့ ဖြတ်သန်း
ပြီး ပျော်အောင်နေနေရလဲ
ဘာလို့အသဲအသန်အလုပ်ပဲဖိလုပ်နေလဲ
အခွင့်အရေးရရင် ထုတ်မေးကြည့်လိုက်
ငါတို့ပေးနိုင်အောင်ကြိုးစားနေတဲ့
စိတ်လုံခြုံမှုဆိုတဲ့ ခေါင်းစဉ်အောက်က
ငါတို့မရနေတဲ့ စိတ်လုံခြုံမှုတွေအကြောင်း
မင်းတို့လေးတွေ သဲ့သဲ့လေးကြားရလိမ့်မယ်