မာယာဘုံ - မြသန်းတင့်
မသိန်းရှင်ဆီပို့ပေးပါ စာအုပ်မှာ သိခဲ့ရတဲ့ မှောင်ခိုကုန်သည်တွေရဲ့ ဇာတ်လမ်းအစုံ အကျယ်တဝင့်ကို မာယာဘုံမှာ မြင်တွေ့ရမှာပါ ။
ထန်းလျက်တောင်းလေး မှောင်ခိုကုန်ကူးခဲ့တဲ့
ညိုညို့ ကို သနားခဲ့ရသလို မိသားစုဘဝအတွက်
မှောင်ခိုလောကမှာ ကျင်လည်ခဲ့ရတဲ့ အေးမ ကိုလည်း စာနာမိမှာ အမှန်ပါပဲ ။
အမေဖြစ်သူ မျက်လုံးခွဲစိတ်ဖို့နဲ့ ညီမဖြစ်သူကို ပညာဆုံးခန်းတိုင်စေချင်လို့ မှောင်ခိုလောကထဲ ရောက်လာခဲ့တဲ့ အေးမ ။ ဓားတစ်ချောင်းကို အိတ်ထဲဆောင်ထပြီး တောလမ်းခရီးတွေကို သူစိမ်းယောကျ်ားသားတွေနဲ့ ဖြတ်ကျော်ကုန်ကူးခဲ့တဲ့ အေးမ ။
မှောင်ခိုမလုပ်ရင် ခေတ်မမီဘူးလို့ အပြောခံရတဲ့အထိ မှောင်ခိုလုပ်ငန်းဖြစ်နေခဲ့တဲ့ ကာလတစ်ခု ။
အများမိုးခါးရေသောက်တိုင်း မသောက်ချင်ခဲ့တဲ့
ကိုမြင့် ။ ရိုးရိုးသားသားလုပ်ကိုင်ချင်လို့ အလုပ်ရှာခဲ့တာတောင် ဘယ်မှာမှ အလုပ်မရခဲ့တဲ့
ခေတ်ကြီး ။ ကျွန်တော်အလုပ်တစ်ခုလိုချင်လို့ပါဆိုတာတောင် ကိုမြင့်ကို အလုပ်တစ်ခု မပေးနိုင်တဲ့ နိုင်ငံ ။ ဇာတ်လမ်းထဲမှာ သနားပြီး ချီးကျူးမိတဲ့ ဇာတ်ကောင်ပေါ့ ။
မှောင်ခိုလောကကြီးတစ်ခုလုံးရဲ့ အဓိက ကြိုးကိုင်သူတွေက ဦးမြမင်း နဲ့ ဦးကျင်စိန် ။ သူတို့တွေဟာ တိုက်တစ်လုံးပြီး တစ်လုံး ပိုင်ဆိုင်သွားကြတယ် ။ ကားတစ်စီးပြီး တစ်စီး စီးသွားနိုင်ကြတယ် ။
ဒါပေမဲ့ ဘယ်တော့မှ သူတို့ ဥပဒေရဲ့လက်အောက်ကို မရောက် ။မြို့က လေးစားရတဲ့ ဘုရားဒါယကာ မြို့မျက်နှာဖုံးတွေ ဖြစ်လိုက်ကြသေး ။
ဆင်းရဲတဲ့နွံက မတတ်နိုင်တာတွေကတော့
အေးမတို့လို မှောင်ခိုကူးပေးရတဲ့ ဘဝတွေ ။
လမ်းမပေါ်က အနင်းပြားခံ ကျောက်စရစ်ခဲလေးတွေ ။
စာအုပ်ကို ဖတ်ရင်း ခေတ်ကို စိတ်ပျက်မိမလား
စနစ်ကို စိတ်ပျက်မိမလား ဒါမှမဟုတ်
ဘယ်သူသေသေ ငတေမာရင် ပြီးရောဆိုတဲ့
လူတွေကို စိတ်ပျက်မိမလား မပြောတတ်ပေ ။
ခေတ်တစ်ခေတ်ရဲ့ မှောင်ခိုလောကအကြောင်း နဲ့
ကျောက်မီးသွေးတူးဖော်ထုတ်လုပ်ပုံတွေကိုပါ
စိတ်ဝင်တစားဖတ်ရှုရမဲ့ စာအုပ်ပါ ။
#မာယာဘုံ #မြသန်းတင့်
