သန်းခေါင်စာရင်းကောက်ထားတဲ့(၁၄၅)မြို့နယ်အတွင်း လွှတ်တော်ခေါ်ယူရေးလျာထားချက်မြို့နယ်များတွင် ရွေးကောက်ပွဲ ကျင်းပမည်
ဖေဖော်ဝါရီ ၂၆
ပြည်လုံးကျွတ် သန်းခေါင်စာရင်းကောက်ထားတဲ့ မြို့နယ် (၁၄၅) မြို့နယ်အတွင်းကိုသာ လွှတ်တော်ခေါ်ယူနိုင်ရေးအတွက် ရွေးကောက်ပွဲပြုလုပ်မည်ဟု ကော်မရှင်နှင့်နီးစပ်သူများကဆိုပါတယ်။
မြို့နယ်၃၃၀မှာ ၁၄၅မြို့နယ်သာ ကောက်ယူခဲ့နိုင်ခဲ့တာဖြစ်ပြီး ဖွဲ့စည်းပုံအရ မြို့နယ်(၁၁၀)ရွေးကောက်ပွဲကျင်းပနိုင်လျှင် လွှတ်တော်ခေါ်ယူနိုင်ပြီး ၁၄၅မြို့နယ်သာကျင်းပမည်ဆိုလျှင် ထက်၀က်နီးပါးဖြစ်သည့်ရွေးကောက်ပွဲဖြစ်သည့်အတွက် ဥပဒေနှင့်ညီသော ဂုဏ်သိက္ခာရှိသော ရွေးကောက်ပွဲဖြစ်လာမည်ဟု ကော်မရှင်ဥက္ကဌဦးကိုကိုက နိုင်ငံရေးပါတီများနှင့်တွေ့ဆုံမှုတွင် ပြောကြားခဲ့ကြောင်း သိရသည်။
"ရွေးကောက်ပွဲကျင်းပမယ့် မဲဆန္ဒနယ်မြေတွေက သေချာတာကတော့ လက်နက်ကိုင် တိုက်ပွဲမဖြစ်ပွားတဲ့ တိုင်းဒေသကြီး နှင့်ပြည်နယ် တွေမှာလုပ်မယ်ထင်တယ် တိုင်းဒေသကြီး/ပြည်နယ် တွေမှာ တည်ငြိမ်နေမှုတွေရှိတဲ့နေရာတွေမှာ လုပ်လို့ရတာပါပဲ ဒါကလည်း အာဏာယူထားတဲ့သူတွေရဲ့ နိုင်ငံရေးအပြောင်းအလဲနှင့်ထွက်ပေါက်တစ်မျိုး" လို့ နိုင်ငံရေးသုံးသပ်သူတစ်ဦးက ဆိုပါတယ်။
ရွေးကောက်ပွဲကို ဝင်ရောက်ယှဉ်ပြိုင်ဖို့ ပါတီမှတ်ပုံပြန်တင်ထားတဲ့ နိုင်ငံရေးပါတီ ၅၆ ပါတီရှိပြီး ပါတီ ၉ ပါတီကသာ တနိုင်ငံလုံးအဆင့် ဝင်ပြိုင်ကြမည်ဖြစ်၍ ကျန်တဲ့ပါတီတွေကတော့ တိုင်းဒေသကြီးနဲ့ ပြည်နယ်ကိုယ်စားပြုအနေနဲ့ ပြိုင်ကြမည်ဖြစ်သည်။ နောက်ဆုံးမှတ်ပုံတင်ခွင့်ရရှိကြောင်းကြေညာထားတဲ့ပြည်နယ်အခြေစိုက်ပါတီဖြစ်တဲ့ ကယားပြည်နယ်ပြည်သူ့ပါတီ (KySPP) ဖြစ်သည်။
ဗိုလ်ချုပ်မှူးကြီးမင်းအောင်လှိုင် မှ ဖေဖော်ဝါရီ ၂၀ ရက်က ကျရောက်တဲ့ ၇၇ နှစ်မြောက် ချင်းအမျိုးသားနေ့ကို ပေးပို့တဲ့ သဝဏ်လွှာမှာတော့ နိုင်ငံတည်ငြိမ်မှသာ တရားမျှတတဲ့ ရွေးကောက်ပွဲကို ကျင်းပနိုင်မည်ဟု ဖော်ပြထားသည့်အပေါ် ရွေးကောက်ပွဲ နောက်ဆုတ်မည် ဖြစ်မလာနိုင်ဟု သုံးသပ်သူများလည်း ရှိကြပါသည်။
" ရွေးကောက်ပွဲဟာ လက်ရှိဖြစ်နေတဲ့ ပြဿနာတွေရဲ့ အဖြေမဟုတ်ဘူးသို့သော် အာဏာသုံးရပ်ကို လူပုဂ္ဂိုလ်တစ်ဦးလက်ထဲမှာထားတဲ့အခြေအနေကနေ ပြန်ထိန်းညှိယူတဲ့ အီဗော်လူးရှင်း ပုံစံတစ်မျိူးသာဖြစ်တယ် လက်ရှိပဋိပက္ခတွေကိုပြေလည်စေဖို့ ပုံစံအဟောင်းတွေက အလုပ်မဖြစ်တော့ဘူးလို့ ပြည့်သူပါတီ ဥက္ကဌဦးကိုကိုကြီးက ၎င်းပါတီသတင်းစာရှင်းလင်းပွဲမှာ ပြောထားပါသည်။
#centralnewsnaypyitaw
