FA ဘဝမှာမနေချင်သူတွေအတွက် Viber ကလည်း မြန်မာမှာ Dating ဝန်ဆောင်မှုပေးတော့မယ် ဦးဆုံးရယူ အသုံးပြုနိုင်ရန် Waitlist စာရင်းပေးသွင်းထားနိုင်တော့မည်
မြန်မာနိုင်ငံမှ Viber အသုံးပြုသူများအနေနှင့် စိတ်လှုပ်ရှားစရာ ဝန်ဆောင်မှုအသစ်တစ်ခု ဖြစ်သည့် Viber Dating အား အစောဆုံးအသုံးပြုနိုင်ရန်အတွက် (ကြိုတင်စောင့်ဆိုင်းမှု) Waitlist စာရင်း ပေးသွင်းထားနိုင်မည် ဖြစ်ကြောင်း သိရသည်။ Viber Dating ဝန်ဆောင်မှုအား Viber Super App ထဲမှပင် အသုံးပြုသွားနိုင်မည် ဖြစ်ကာ အသုံးပြုသူများ အနေနှင့် လုံခြုံစိတ်ချစွာ ဆက်သွယ်ချိတ်ဆက်သွားနိုင်မည် ဖြစ်သည်။Viber Dating ဝန်ဆောင်မှု စတင်အသက်ဝင်သည်နှင့် တစ်ပြိုင်နက် အသုံးပြုသူများအနေနှင့် လိုအပ်သည့် အချက်အလက် များအား ဖြည့်သွင်းကာ ၎င်းတို့၏ ပရိုဖိုင်များအား အလွယ်တကူ စတင်ဖန်တီးသွားနိုင်မည် ဖြစ်သည်။ ထို့နောက်တွင် အသုံးပြုသူများအနေနှင့် Viber အက်ပလီကေးရှင်းထဲမှပင် Viber Dating ဝန်ဆောင်မှုသို့ ဝင်ရောက်၍ အခြားသော အသုံးပြုသူ ပရိုဖိုင်များနှင့် လုံခြုံစိတ်ချစွာ ရှာဖွေချိတ်ဆက်သွားနိုင်မည် ဖြစ်သည်။ Viber Dating အားအသုံးပြုသည့် ပရိုဖိုင်သည် ပင်မ Viber ပရိုဖိုင် နှင့် တူညီမှုရှိမည် မဟုတ်ပဲ ဖုန်းနံပါတ်များကိုလည်း Viber Dating အသုံးပြုနေစဉ် တစ်ဦး နှင့် တစ်ဦး ကြည့်ရှုနိုင်မည်မဟုတ်ပေ။Viber Dating အတွက် ကြိုတင် Waitlist စာရင်းပေးသွင်းနိုင်ရန် အသုံးပြုသူများအနေနှင့် Viber အက်ပလီကေးရှင်းအား Latest Version သို့ Update ပြုလုပ်ထားရန်လိုအပ်မည်ဖြစ်သည်။ ပြီးနောက်တွင် Viber အက်ပလီကေးရှင်းအတွင်းသို့ ဝင်ရောက်၍ ညာဖက်အောက်ထောင့်မှ အစက် ၃ စက်ဖြင့် ပြထားသော ‘More’ အားမှတဆင့် ၎င်းတို့၏ ပရိုဖိုင် ဓာတ်ပုံအောက်ရှိ ‘Viber Dating Beta’ အားသွားရောက်၍ ‘Join Waitlist’ အား ရွေးချယ်ကာ စာရင်းပေးသွင်းနိုင်မည် ဖြစ်သည်။ Viber Dating နှင့်ပတ်သက်သော အသေးစိတ်အချက်အလက်များအား ဝန်ဆောင်မှု စတင်အသုံးပြုနိုင်သည့် အချိန်တွင် ထပ်မံအကြောင်းကြားပေးသွားမည် ဖြစ်သည်။