နေတိုးအဖွဲဝင်နိုင်ငံများ ယူကရိန်းတွင်တပ်ဖြန့်ခြင်းမပြုရန် ရုရှားသတိပေး
************************
(နိုင်ငံတကာ) ဖေဖော်ဝါရီ ၁၉
ငြိမ်ချမ်းရေး အကြောင်းပြကာ ယူကရိန်း ပိုင်နက်ထဲ NATO အဖွဲဝင်နိုင်ငံများမှ တပ်ဖြန့်ထားရေး သဘောတူညီမှုအား လက်မခံကြောင်း ရုရှားနိုင်ငံကြားရေးဝန်ကြီးက သတိပေးလိုက်သည်။
ဆော်ဒီအာရေဗျတွင် ပြုလုပ်ခဲ့သည့် အမေရိကန်နှင့် ယူကရိန်း ရုရှားစစ်ပွဲ အဆုံးသတ်ရေးဆွေးနွေးပွဲ အပြီးတွင် ရုရှားနိုင်ငံခြားရေး ဝန်ကြီး ဆာဂေး လက်ဗ်ရော့ဗ်က ယခုလိုပြောဆိုခဲ့ခြင်းဖြစ်သည်။
ယူကရိန်းတွင် အခြားနိုင်ငံများ၏ အလံအောက်မှ စစ်တပ်တချို ရောက်ရှိနေရုံဖြင့် အခြေအနေ ကွာခြားသွားမည် မဟုတ်ပဲ လုံးဝ လက်ခံမှာ မဟုတ်ကြောင်း ၎င်းကဆိုသည်။
ပြီးခဲ့သည့်ရက်ပိုင်းက ဗြိတိန်ဝန်ကြီးချုပ် ကီယာစတာမာက ယူကရိန်းမြေပေါ်တွင် ဗြိတိန်အပါအဝင် နေတိုးအဖွဲဝင်နိုင်ငံများမှ စစ်တပ်များ တပ်ဖြန့်ချထားရန် အဆင်သင့်ရှိကြောင်း ပြောဆိုခဲ့ပြီးနောက် ရုရှားနိုင်ငံခြားရေးဝန်ကြီးက တုန့်ပြန်ခဲ့ခြင်းဖြစ်သည်။
ရုရှားနိုင်ငံက ယူကရိန်းနိုင်ငံသို့ အထူးစစ်ဆင်ရေးမဖော်ဆောင်မီ ယူကရိန်းသမ္မတ ဇယ်လန်းစကီး၏ နေတိုးအဖွဲ့ဝင်ဖြစ်ရေး ကြိုးပမ်းမှုအား အကြိမ်ကြိမ် သတိပေးခဲ့သည်။
