Xiaomi CEO Lei Jun ဟာ တရုတ်ရဲ့ အချမ်းသာဆုံး ၅ ယောက်ထဲ ပါဝင်လာ
===========================================
Xiaomi CEO Lei Jun ဟာ ၂၀၁၀ ခုနှစ်မှာ Xiaomi ကုမ္ပဏီကို တည်ထောင်ခဲ့ပြီး အခုဆိုရင် Xiaomi ဟာ ကမ္ဘာ့ တတိယအကြီးဆုံး စမတ်ဖုန်း ကုမ္ပဏီ ဖြစ်လာနေပါပြီ။
Xiaomi အောင်မြင်လာသလို CEO Lei Jun ရဲ့ ကြွယ်ဝချမ်းသာမှုဟာလည်း တိုးတက်လာပါတယ်။ Lei Jun ဟာ ၂၀၂၄ ခုနှစ် ဧပြီလမှာ ဒေါ်လာ ၁၀.၉ ဘီလီယမ် ပိုင်ဆိုင်ခဲ့ပါတယ်။ ၂၀၂၁ ခုနှစ်မှာ အများဆုံး အနေနဲ့ ဒေါ်လာ ၂၃ ဘီလီယမ် ချမ်းသာခဲ့ပါတယ်။ အခုတော့ သူ့ရဲ့ ပိုင်ဆိုင်မှုဟာ ဒေါ်လာ ၃၅.၃ ဘီလီယမ် ရှိလာပြီး တရုတ်ရဲ့ အချမ်းသာဆုံး စာရင်းမှာ နံပါတ် ၅ နေရာကို ရလာပါတယ်။
Lei Jun ဟာ အခုဆိုရင် အသက် ၅၅ နှစ်ပဲ ရှိသေးပြီး ပြီးခဲ့တဲ့ ၁၂ လအတွင်း Xiaomi ရဲ့ ရှယ်ယာတွေ ၂၅၀ ရာခိုင်နှုန်းတောင် တိုးတက်ခဲ့တဲ့အတွက် သူဟာ အခုလို ချမ်းသာလာတာ ဖြစ်ပါတယ်။
တရုတ်ရဲ့ အချမ်းသာဆုံး ပုဂ္ဂိုလ်က Nongfu Spring ရေသန့်ဘူး ကုမ္ပဏီကို တည်ထောင်ထားတဲ့ Zhong Shanshan ဖြစ်ပြီး ဒေါ်လာ ၅၄.၉ ဘီလီယမ် ချမ်းသာပါတယ်။ သူ့နောက်မှာ Tencent Holdings သူဌေး Ma Huateng ၊ ByteDance ပူးတွဲ တည်ထောင်သူ Zhang Yiming နဲ့ PDD Holdings တည်ထောင်သူ Colin Huang တို့ ရှိနေပါတယ်။