ဘူတန်မှာ Starlink ရပြီလို့ အီလွန်မတ်စ် ကြေညာ
တောင်တန်းတွေအကြားက ပျော်ရွှင်ခြင်းနိုင်ငံတော့ Starlink ဂြိုလ်တုအင်တာနက် ရသွားပါပြီ။
အီလွန်မတ်စ်ကိုယ်တိုင် ဖေဖော်ဝါရီ ၁၁ ရက်နေ့က X မှာ ကြေညာသွားတာပါ။ တောင်ကုန်းတောင်တန်းတွေ တင်းကြမ်းနဲ့ သွားလာရခက်တဲ့ ဘူတန်လို နိုင်ငံမှာ ရိုးရိုး အင်တာနက်လိုင်း ဆွဲဖို့က စိန်ခေါ်မှု ရှိပါတယ်။
ဒါကြောင့်ပဲ ကမ္ဘာ့အပြင်ကနေ ဂြိုလ်တုနဲ့အင်တာနက်ပေးတဲ့ Starlink က အလုပ်ဖြစ်မှာပါ။ Starlink ရဲ့ မြန်နှုန်းမြင့်ပြီး လိုင်းကြန့်ကြာမှု နည်းတဲ့ အင်တာနက်ဝန်ဆောင်မှုက ဘူတန်ရဲ့ ပညာရေး ၊ ကျန်းမာရေး ၊ ဆက်သွယ်မှု ၊ ကုန်သွယ်ရေးနဲ့ ဒီဂျစ်တယ်ဖွံ့ဖြိုးမှုတွေကို သိသိသာသာ အကျိုးပြုပါလိမ့်မယ်။
တစ်ခု ရှိတာက Starlink အင်တာနက်က လိုင်းကောင်းသလို ဈေးလည်း မြောက်လို့ လူတိုင်းသုံးနိုင်ဖို့တော့ အခက်အခဲ ရှိနိုင်ပါတယ်။ Starlink plan ကလည်း ဘတ်ဂျက်သက်သာတဲ့ အိမ်သုံး Lite plan ကနေ လိုင်းဆွဲအားမြင့် ပရီမီယမ်သုံး Mobile Priority Plan အထိ ၅ မျိုး ထွက်ပါတယ်။
ဈေးအသက်သာဆုံး အိမ်သုံး Residential Lite Plan ကို တစ်လ ဘူတန်ငွေကြေး ၃၀၀၀ (မြန်မာငွေ ၁ သိန်းခွဲကျော်) ကနေ 220Mbps အထိ ရမယ့် မြန်နှုန်းမြင့် ပရီမီယမ် Mobile Priority က Data အလိုက် တစ်လ ဘူတန်ငွေ ၂၁၀၀၀ ကနေ ၂၁ သိန်းအထိ ရှိပါတယ်။
တပ်ဆင်ခစရိတ်အနေနဲ့ Standard Kits ဘူတန်ငွေ ၃၃၀၀၀ , Flat High-performance Kit ၂၃၁၀၀၀ နဲ့ Mini Starlink Kit ၁၇၀၀၀ အပြင် ပို့ဆောင်စရိတ်ပါ ကျခံရမှာပါ။ စရိတ်မြင့်ပေမယ့် အင်တာနက်ကောင်းကောင်း သုံးခွင့်ရရင် လူနေမှုဘဝတွေ ဒီထက်ပို တိုးတက်လာမှာကိုလည်း မျှော်လင့်ရမှာပါ။
