ဖာရာရီအသင်းနှင့် ရာသီသစ်အတွက် ဟာမီလ်တန် ပြင်ဆင်
......................
ဗြိတိန်ဒရိုက်ဗာ လူးဝစ်ဟာမီလ်တန်ဟာ ဖော်မြူလာဝမ်း ရာသီသစ်အတွက် အသင်းသစ်ဖာရာရီနဲ့အတူ ပြင်ဆင်မှု တွေ ဆက်လက်ပြုလုပ်နေပါတယ်။
ဟာမီလ်တန်နဲ့ ဖာရာရီအသင်းဖော် လက်စ်လားတို့ဟာ စပိန်နိုင်ငံ ဘာစီလိုနာမြို့က ကားပြိုင်ကွင်းမှာ ဖာရာရီအသင်း ပြိုင်ကားကို စမ်းသပ်မောင်းနှင်ခဲ့ကြတာဖြစ်ပါတယ်။
ပြီးခဲ့တဲ့တစ်ပတ်က အီတလီမှာ ပြိုင်ကားစမ်းသပ်မောင်းနှင်ခဲ့သလို အခု စပိန်မှာလည်း နောက်တစ်ကြိမ်မောင်းနှင်ခဲ့တာပါ။ ဟာမီလ်တန်က ဖာရာရီအသင်းနဲ့အတူ အောင်မြင်မှူရဖို့မျှော်လင့်နေသလို ဖာရာရီအသင်းဘက်ကလည်း ဟာမိလ်တန်အတွက် ပြည့်စုံတဲ့ထောက်ပံ့ပေးမှုတွေပြုလုပ်ပေးသွားမယ်လို့ပြောထားပါတယ်။
ဟာမီလ်တန်နဲ့ လက်စ်လားတို့ဟာ ၂၀၂၃ ဖော်မြူလာဝမ်းရာသီမှာ အသုံးပြုခဲ့တဲ့ ပြိုင်ကားကိုစမ်းသပ်မောင်းနှင်ခဲ့တာ ဖြစ်ပြီး ၂၀၂၅ ရာသီမှာအသုံးပြုမယ့် ပြိုင်ကားကိုတော့ လာမယ့် ဖေဖော်ဝါရီလ ၁၉ ရက်နေ့မှာ တရားဝင်ပြသသွားမယ်လို့ သိရပါတယ်။
